ឈួនសោភាមេគយចលត័តំបន់៥បញ្ជាកូនចៅបើកឡានដេញកៀឡានប្រជាពលរដ្ឋដឹកផ្លែឈើក្រឡាប់ហើយគេចយករួចខ្លួនមិនទទួលខុសត្រូវ!
06-August-2026 / ព័ត៌មានជាតិ
បន្ទាយមានជ័យ៖ញ៉ាមក្នុងការសម្លាប់ទាហ៊ានម្នាក់ដោយវិធីបង្ក្រាបឡានអត់ពន្ធទោះជាយកដាក់ជាកម្មសិទ្ធរួមបំរើអង្គភាពក៏ដោលោក ឈួន សោភា មេគយចល័តតំបន់ ៥ប្រើបានបញ្ជាឲ្យប្រើរថយន្តជាច្រើនគ្រឿងដេញតាមចាប់ប្រផាប់ប្រភីងកៀរថយន្តដឹកផ្លែឈើបណ្ដាលឱ្យក្រឡាប់ផ្ញាជើង នៅមុខស្នាក់ការគយចល័តស្រុកពួកមួយករណីទៀតកាលពីវេលាម៉ោង ១២.៥៦ នាទី រំលងអធ្រាត្រយប់ថ្ងៃទី១១ ឈានចូលថ្ងៃទី ១២ ខែសីហាឆ្នាំ ២០២១ហើយនាំគ្នាគេចចេញយករួចខ្លួនបាត់អស់មិនទទួលខុសត្រូវ។
លោកស្រី សុខ លាប ម្ចាស់រថយន្តដឹកផ្លែឈើក្រឡាប់ផ្ងារជើងនេះបានឲ្យដឹងថា គាត់បានដឹកផ្លែឈើចេញពីភូមិសាស្ត្រនៃទឹកដីឡែមបាត់ដំបង យកមកលក់នៅក្នុងផ្សារសាមគ្គីនៃទីក្រុងសៀមរាបខេត្តសៀមរាប ដូចសព្វមួយដង។ពេលមកដល់ចំណុចស្នាក់ការគយចល័តរបស់លោក ឈួន សោភា
ត្រូវបានគយចល័តតំបន់ ៥ ឆែកមើលម្ដងរួចហើយហើយឲ្យគាត់ធ្វើដំណើរបន្តមកទៀតតែត្រូវបានលោក ឈួន សោភា និងមន្ត្រីប៉ូលិសជាច្រើនរូបមានឡានពី ២ ទៅ ៣គ្រឿងបើកដេញពួកគាត់រហូតពីទឹកដីខេត្តបន្ទាយមានជ័យ ពេលដល់ចំណុចផ្លូវស្រមោចគាត់ ក៏បានឈប់បើកទ្វារឡានឱ្យឆែកមើលម្ដងទៀត ប៉ុន្តែលោកគយមិនព្រមនៅតែបញ្ជាឱ្យគាត់បើកឡានត្រឡប់ទៅស្នាក់ការគយលោក ឈួន សោភា នៅទឹកថ្លាដដែល។ មកតាមផ្លូវគាត់ក៏បានឈប់ឱ្យឆែកមើលម្ដងទៀត ប៉ុន្តែការឆែកមើលនោះមិនមានអ្វីប្លែកនោះទេគឺមានតែផ្លែឈើដដែល ។
លោកស្រី សុខ លាប បានបន្តទៀតថា ដោយមានការភ័យខ្លាចព្រោះកន្លែងគយទឹកថ្លារបស់លោក ឈួន សោភា នេះធ្លាប់បានធ្វើស៊ីគាត់ម្ដងរួចទៅហើយ ដោយចាប់ឡានរបស់គាត់ក្រោមរូបភាពដូចយប់ហ្នឹងអញ្ចឹង ឲ្យតែចូលទៅដល់កន្លែងលោកឈួន សោភា លោកគយ ជំរិតទារលុយគាត់ប្រាំពាន់ដុល្លារជាថ្នូរដោះលែងទាំងឡានទាំងផ្លែឈើមកវិញ ម្តងហើយ។ដោយមានការភ័យខ្លាចដូចលើកមុនទៀតទើបគាត់ខំបើកឡានចូលមកក្នុងទឹកដីខេត្តសៀមរាប តែលុះមកដល់ស្រុកពួកស្រាប់តែមានកម្លាំងគយចល័តប្រចាំនៅស្រុកពួកដាក់ឡានទទឹងផ្លូវជាច្រើនគ្រឿងហើយឡានក្រុមលោក ឈួន សោភា ក៏បានកៀ ខោកឡានដឹកផ្លែឈើរបស់លោកស្រីទម្លាក់ផ្លូវតែម្ដង ។
លោកស្រីក៏បានរត់តាមឡានក្រុមគយដែលគៀ ឡានលោកស្រីទម្លាក់ផ្លូវនោះដែលបើកចូលទៅក្នុងស្នាក់ការរបស់គយចល័តស្រុកពួក តែមិនបានសម្រេចក្នុងការតវ៉ានោះទេ ព្រោះត្រូវមន្ត្រីគយនៅស្រុកពួកហាមនិងជេរប្រមាថមិនឲ្យលោកស្រី ចូលឡើយ។ ក្រោយមករថយន្តគយចល័តតំបន់ ៥ក៏ បើករំដោះគ្នាទៅម្ដងមួយម្ដងមួយបាត់អស់ទៅ។ម្ចាស់រថយន្តដឹកផ្លែឈើបានក្រឡាប់ផ្ងារជើង ដោយសារក្រុមមន្ត្រីគយចល័តតំបន់ ៥ លោក ឈួន សោភា ដេញពាំងមុខនិងកៀ ខោកឲ្យក្រឡាប់ផ្ងារជើងនេះឲ្យដឹងថាសកម្មភាពគយតំបន់៥ បណ្ដាលឱ្យខូចខាតទ្រព្យសម្បតិនិងទំនិញដែលមានទំហំគិតជាទឹកប្រាក់ជាង ២០ លានរៀល ហើយនៅមិនទាន់គិតពីខូចឡានផង។
លោកស្រី សុខ លាភ សូមអំពាវនាវចំពោះឯកឧត្តមអគ្គនាយកដ្ឋានគយប្រចាំទូទាំងប្រទេស និងជាពិសេសបំផុតសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចគតិព្រឹទ្ធបណ្ឌិត ប៊ុន រ៉ានីហ៊ុន សែន សូមសម្ដេចទាំងទ្វេ មេត្តាពិនិត្យមើលសកម្មភាពជ្រុលនិយមរបស់លោកមេគយឈ្មោះ ឈួន សោភា ប្រចាំនៅគយចល័តតំបន់ ៥ម្នាក់នេះផង ពីព្រោះលោកមេគយចល័តរូបនេះបានគាបសង្កត់ធ្វើបាបដល់បងប្អូនប្រជាពលរដ្ឋដែលរកទទួលទានដឹកទំនិញបន្តិចបន្តួចតាមដងផ្លូវខ្លាំងណាស់សព្វថ្ងៃនេះ ។
