វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5959 នាក់
ម្សិលមិញ 5544 នាក់
សរុប 13947056 នាក់
ភ្នំពេញ ៖យុវជនម្នាក់បានស្លាប់់ជាមួយរថយន្តកាលពីវេលាម៉ោងប្រហែល២និង៤០នាទីរំលងអធ្រាត្រ ឈានចូលថ្ងៃអង្គារ ទី៣ ខែសីហា ឆ្នាំ២០២១ នៅតាមបណ្តោយមហាវិថីសហព័ន្ធរុស្ស៊ី ខាងកើតស្ពានអាកាសចោមចៅ ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ បន្ទាប់ពីបើករថយន្តបោះពួយក្នុងល្បឿនឡានប្រណាំងហ្វូមូឡាវ័នទៅបុកបង្គោលភ្លើងថ្មនឹងជញ្ជាំងផ្ទះប្រជាពលរដ្ឋដាច់ជាពីរ ។
ប្រភពពីសមត្ថកិច្ចឲ្យដឹងថា ជនរងគ្រោះមានឈ្មោះ សុន សុភាព ហៅចាវ ភេទប្រុស អាយុ២៦ឆ្នាំ មុខរបរបើកបររថយន្ត បច្ចុប្បន្នរស់នៅសង្កាត់ស្វាយប៉ាក ខណ្ឌឫស្សីកែវ បើករថយន្តម៉ាកឡិចស៊ីស NX200t ពណ៌ស ពាក់ស្លាកលេខ ភ្នំពេញ 2AU-1056 ។ មុនកើតហេតុគេឃើញរថយន្តខាងលើ បើកបរតែម្នាក់ឯងតាមមហាវិថីសហព័ន្ធរុស្ស៊ី ក្នុងទិសដៅពីកើតទៅលិចដោយប្រើល្បឿនលឿន(ប្រហែលខ្លាចសមត្តកិច្ចព្រោះក្នុងម៉ោងបំរាមគោចរ) ខណៈ មកដល់ចំណុចកើតហេតុដោយសារផ្លូវកោងក៏បួងចង្កូតមកខាងស្ដាំជ្រុលទៅបុកបង្គោលភ្លើង ហើយជ្រុលទៅបុករបងផ្ទះប្រជាពលរដ្ឋនៅក្បែរនោះបន្តទៀតធ្វើឱ្យរថយន្តដាច់ជាពីរកំណាត់មើលលែងយល់ ឯអ្នកបើកបរគាបជាប់នៅក្នុងរថយន្តស្លាប់តែម្ដង ។
ក្រោយកើតហេតុ សមត្ថកិច្ចជំនាញមកដល់ធ្វើការវាស់វែងរួចយករថយន្តទៅរក្សាទុកបណ្ដោះអាសន្ន។ ដោយឡែកសព ក្រោយយកសំណាកពិនិត្យឃើញអវិជ្ជមានជំងឺកូវីដ-១៩ ក៏បានប្រគល់ជូនសាច់ញាតិយកទៅធ្វើបុណ្យតាមប្រពៃណី ៕