វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7669 នាក់
ម្សិលមិញ 6961 នាក់
សរុប 15995027 នាក់
ភ្នំពេញ: នាព្រឹកនៅថ្ងៃ ទី២៥ ខែកក្កដា ឆ្នាំ ២០២១ វេលាម៉ោង៩:១៥នាទី នៅមន្ទីរពេទ្យឈ្នួលឯកជនមួយ ក្នុងសង្កាត់ទួល សង្កែខណ្ឌឬស្សីកែវ លោក មឿង ចំណាប់ ជាមន្ត្រីបម្រើការងារក្នុងអង្គភាពអធិការដ្ឋាននគរបាលខណ្ឌដូន ពេញដែលបានទៅពិនិត្យនិងព្យាបាលជម្ងឺនៅទីតាំងខាងលើ បានប្រាប់អ្នកសារព័ត៌មានឲ្យដឹងថា : រូបលោកបច្ចុប្បន្នបានធ្លាក់ខ្លួនមានជំងឺ ដោយសារសុខភាពមិនល្អ ជាតិស្ករឡើងខ្ពស់តម្រូវឲ្យលោកមកសម្រាកព្យាបាលនៅពេទ្យជារៀងរាល់ថ្ងៃ ។
លោកបានបញ្ជាក់បន្ថែមទៀតថា នៅពេលរូបលោកធ្លាក់ខ្លួនឈឺជិត មួយខែមកហើយ ដោយចំណាយថវិកាផ្ទាល់ខ្លួនអស់ជាច្រើនតែនៅពុំទាន់បានធូរស្បើយនៅឡើយ ។ លោកបានត្អូញត្អែរប្រាប់សារព័ត៌មានឲ្យដឹង ពីស្ថានភាពខ្លួនរបស់លោកដែលមានជំងឺតែ ថ្នាក់ដឹកនាំអង្គភាពរបស់លោកពុំដែល មកសួរសុខទុក្ខឬផ្ដល់ជាកម្លាំងចិត្តដល់លោកដែលខិតខំបម្រើប្រទេសជាតិអស់ជាច្រើនឆ្នាំកន្លងមកនិងផ្ដល់ជាជំនួយឧបត្ថម្ភអ្វីដល់រូបលោកទេ។
លោកវេជ្ជបណ្ឌិត ស៊ី ថា គ្រូពេទ្យ នៃមន្ទីរពេទ្យឯកជនខាងលើ បានបញ្ជាក់ឲ្យដឹងថាស្ថានភាពជំងឺរបស់លោកមឿង ចំណាប់ គឺសម្ពាធឈាមឡើងខ្ពស់ ជីពចរខ្សោយ មិនអាចអោយលោកធ្វើការធ្ងន់ និងធ្វើដំណើរទៅទីឆ្ងាយបានដូចមុនឡើយ។តាមការបញ្ជាក់របស់លោក ម៉ុក បូរិនឆសក្ខ័ អធិការរងទទួលផែនអន្តរាគមន៍ខណ្ឌដូន ពេញបានបញ្ជាក់ប្រាប់សារព័ត៌មានឲ្យដឹងថា : លោកមឿង ចំណាប់ ជាប់ពាក់ព័ន្ធរឿងសពវិជ្ជមានកូវីដ១៩ ដោយប្រយោល នឹងឲ្យលោកធ្វើចត្តាឡឺស័កចំនួន១៤ ថ្ងៃ ហើយអង្គភាពបានឲ្យលោកទៅមើលសំណាកលើកទី១និងលើកទី ២ឃើញថាអវិជ្ជមានព្រមទាំងកូនរបស់លោកក៏អវិជ្ជមានដូចគ្នា។
លោកម៉ុក បូរិន្ទឆស័ក បានបញ្ជាក់បន្ថែមទៀតថា លោកបានឲ្យលោក មឿង ចំណាប់ ធ្វើលិខិតមកអង្គភាពតាមបែប បទរដ្ឋបាល លោកមឿងចំណាប់បានឆ្លើយថា ចាំស្អែកបានលោកធ្វើ រហូតមកដល់ពេលនេះពុំមានលិខិតជាផ្លូវការណាមួយមកខាងផ្នែកអង្គភាពឡើយ។ហើយអង្គភាពពុំបានដឹងពីស្ថានភាពនៃជំងឺរបស់លោកមឿងចំណាប់ឡើយព្រោះពុំមានរបាយការណ៌តាមច្បាប់ទម្លាប់ត្រឹមត្រូវ។លោកអធិការរងបានឲ្យដឹងទៀតថាកន្លងមកអង្គភាពតែងតែយកចិត្តទុកដាក់ទៅលើមន្ត្រីនគរបាលដែលមានជំងឺបញ្ហាសុខភាពនិងមន្ត្រីនគរបាលដែលចូលនិវត្តន៍ អង្គភាពទៅសួរសុខទុក្ខនឹងយកសម្ភារៈមួយចំនួនជូនដល់ពួកគាត់ តាមអនុសាសន៍របស់សម្ដេចក្រឡាហោម ស ខេង អោយ យកចិត្តទុកដាក់និងលើកកម្លាំងចិត្តដល់មន្ត្រីនគរបាលដែលមានបញ្ហាក្នុងគ្រួសារក៏ដូចជាបញ្ហាសុខភាព ជីវភាពលំបាក និងមន្ត្រីនគរបាលដែលចូលនិវត្តន៍ ឲ្យសមទៅតាមគោលនយោបាយរបស់ប្រមុខរាជរដ្ឋាភិបាល៕