វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4675 នាក់
ម្សិលមិញ 8227 នាក់
សរុប 14131556 នាក់
ភ្នំពេញ៖ នៅថ្ងៃទី ២១ខែកក្កដានេះលោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ និងជាប្រធានអនុគណ:កម្មាធិការសិក្សាអំពីការស្រង់ថ្លៃដើម ដើម្បីកំណត់ថ្លៃសេវា និងរៀបចំយន្តការបង់ថ្លៃប្រើប្រាស់ប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់ បានដឹកនាំកិច្ចប្រជុំដើម្បីពិភាក្សាអំពីសេចក្តីព្រាងក្របខ័ណ្ឌ និងផែនទីបង្ហាញផ្លូវ (Road Map) ស្តីពីការស្រង់ថ្លៃដើមលើហេដ្ឋារចនាសម្ព័ន្ធទឹកកខ្វក់នៅកម្ពុជា និងប្រមូលធាតុចូល ទាំងលើទម្រង់ និងលើខ្លឹមសារ ដើម្បីឱ្យស្របតាមឧត្តមានុវត្តអន្តរជាតិផង និងស្ថានភាពជាក់ស្តែងនៅកម្ពុជាផង។
លោកវង្សីវិស្សុតលើកឡើងថា តម្រូវការខាងហេដ្ឋារចនាសម្ព័ន្ធទឹកកខ្វក់នៅកម្ពុជា នាពេលបច្ចុប្បន្នមានការកើនឡើងយ៉ាងខ្លាំង ក៏ដូចជា អនុវិស័យហេដ្ឋារចនាសម្ព័ន្ធសាធារណៈដទៃទៀត ខណៈពេលដែលធនធានហិញ្ញវត្ថុរបស់រាជរដ្ឋាភិបាល សម្រាប់វិនិយោគលើវិស័យនេះ នៅមានកម្រិតនៅឡើយ។ វាបានក្លាយជាបញ្ហាប្រឈមកាន់តែខ្លាំងសម្រាប់រាជរដ្ឋាភិបាល ក្នុងការផ្តល់ហិរញ្ញប្បទានវិនិយោគលើហេដ្ឋារចនាសម្ព័ន្ធទឹកកខ្វក់ ដើម្បីរត់ប្រដេញតាមឱ្យទាន់តម្រូវការមានអនាម័យកាន់តែប្រសើរ, ការដោះស្រាយបញ្ហាបរិស្ថាន, និងការឆ្លើយតបទៅនឹងកំណើន និងការអភិវឌ្ឍយ៉ាងឆាប់រហ័សនៃទីក្រុង ទីប្រជុំជន។
ដើម្បីដោះស្រាយបញ្ហាទាំងនេះ អនុគណៈកម្មាធិការស្រង់ថ្លៃដើមមានភារកិច្ចរៀបចំក្របខ័ណ្ឌស្រង់ថ្លៃដើម និងហិរញ្ញប្បទានលើហេដ្ឋារចនាសម្ព័ន្ធទឹកកខ្វក់ ដែលជាគោលការណ៍ណែនាំមួយសម្រាប់ការធ្វើសេចក្តីសម្រេចលើគម្រោងវិនិយោគសាធារណៈនាពេលអនាគត ដើម្បីធា នាបាននូវប្រសិទ្ធភាពសេដ្ឋកិច្ច ហិរញ្ញវត្ថុ និងសង្គម ហើយមាននិរន្តរភាព ទាំងក្នុងក្របខ័ណ្ឌរដ្ឋបាលថ្នាក់ជាតិ និងថ្នាក់ក្រោមជាតិ៕