វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3358 នាក់
ម្សិលមិញ 4292 នាក់
សរុប 14113057 នាក់
ខេត្តព្រះវិហ៊ារ៖សកម្មភាពរ៉ឺម៉កដឹកផលអនុផលព្រៃឈើយ៉ាងគឃ្លើនតាមបណ្ដោយផ្លូវជាតិលេខ ៦២សមត្ថកិច្ចជំនាញនៅតាមដងផ្លូវធើដេកលក់តែកាសែតថតបាននៅយប់ថ្ងៃទី៥ ខែកក្តដា ឆ្នាំ ២០២១ ។សូមបញ្ជាក់ថា៖នៅចំនុច ព្រំប្រទល់ខេត្ត ព្រះវិហារ និង ខេត្ត កំពង់ធំ មានកម្លាំងសមត្ថកិច្ចចំរុះជាច្រើនស្ថាប័ណ្ណប្រចាំការនៅទីនោះ ។ ប៉ុន្តែបទល្មើសព្រៃឈើនៅតែចរាចរណ៍បានដោយរលូនដដែល ។
ឈ្មួញឈើ ឈ្មោះ សែន ជាម្ចាស់រម៉កដឹកឈើ រស់នៅឃុំសាលាវិស្ស័យ កាលពីយប់ថ្ងៃទី ៥ កក្តដា នេះ បានប្រាប់ថា ខ្លួនបានដឹកឈើទាំងនេះមកពី ស្រុកជ័យសែន ខេត្តព្រះវិហារ តាមបណ្ដោយផ្លូវជាតិលេខ ៦២ ឆ្ពោះមកកាន់ខេត្តកំពង់ធំ ។ រាល់លើកដែលខ្លួនបានដឹកឈើចេញម្តងៗ គឺខ្លួនបានមកសុំសមត្ថកិច្ចជំនាញប្រចាំការតាមផ្លូវរូចទើបហ៊ានដឹកឈើចេញ ។ពេលខ្លួនដឹកឈើមកដល់ទឹកដីព្រំប្រទល់ខេត្តព្រះវិហារ និងខេត្តកំពង់ធំ ខ្លួនបានប្រគល់ឈើនោះឲ្យទៅ ឈ្មោះ ឃៀង ជាអ្នកដឹកបន្ត មកខេត្តកំពង់ធំ ដើម្បីលក់អោយ ដេប៉ូ លោក ឆាយ គង់ស័រ ស្ថិតនៅ ភូមិថ្នល់បំបែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។តែលោក ឆាយ គង់ស័រ ប្រាប់ថា លោកមិនមានពាក់ពន្ធជាមួយឈ្មោះ សែន នោះឡើយ ។លោក ស៊ុំ ស៊ីវុត្ថា នាយផ្នែករដ្ឋបាលព្រៃឈើ ស្រុករវៀង បានប្រាប់សារពត៌មានថា ៖ រ៉ឺម៉កដឹកឈើដល់ចំនុចអូពោធិហើយ គឺហួសដែនសមត្ថកិច្ចរបស់លោកហើយ។
លោក ម៉េង ដែលជាប្រធានស្នាក់ការ បរិស្ថាន អូពោធិ ដែលបានធ្វើពុតជាដេកលក់ លុះពេលព្រឹកឡើងថ្ងៃទី ៦ ខែកក្កដា នេះសារព័ត៌មានយើងបានទូរស័ព្ទទាក់ទងទៅលោក ម៉េង តាមរយះលេខ ០៩៧ ៥៨ ៩៩៩៤៥ តេចូលជាច្រើនដង តែពុំមានអ្មកទទួល ។សូមបញ្ជាក់ថាបើតាមប្រជាពលរដ្ឋនិយាយថា៖សកម្មភាពដឹកឈើល្មើសច្បាប់នេះមិនមែនមានតែលើកនេះនោះទេតែសមត្តកិច្ចដេកលក់រហូត?។
រថយន្តស៊េរីទំនើបៗ ម៉ាកធុនត្រា ម៉ាកសុីណា ម៉ាស្តានឹងម៉ាកហ្វដ ពណ៌ត្រេអ៊ី ដឹកឈើលេខ១ ប្រភេទសុក្រំ នឹងឈើឈ្លីក ចេញពីចំណុចភូមិសុច ភូមិតាសែង ឃុំរណៈសិរ្យ ស្រុកសង្គមថ្មី ដឹកទៅខេត្តកំពង់ធំបានយ៉ាងរលូន ប៉ុន្តែសមត្ថកិច្ចចម្រុះមានអាវុធហត្ថ នគរបាល នឹង បរិស្ថាន នៅចំនុចខ្នាថ្មី ជាប់ព្រំប្រទល់ស្រុកសង្គមថ្មីនឹងស្រុកប្រាសាទបាល័ង្គ សប្បាយរាប់ក្បាលឡានយកលុយច្រកហោប៉ៅ ដោយមិនខ្វល់អាណា ឡើយ។ ជាក់ស្តែងនៅព្រឹកថ្ងៃទី៧ ខែកក្តដានេះ មានរថយន្តស៊េរីទំនើបចំនួន៤គ្រឿងដឹកឈើចេញពីចំណុចភូមិសុច ចេញតាមសែងយកទៅលក់នៅឯខេត្តកំពង់ធំបានយ៉ាងរលូន សមត្ថកិច្ចគ្រប់ផ្នែកពាក់ព័ន្ធអត់បង្ក្រាបនោះទេ ។
តាមសេចក្តីរាយការណ៍របស់ប្រជាពលរដ្ឋនៅក្នុងស្រុកសង្គមថ្មី បានឱ្យដឹងថា មេឈ្មួញដុះស្លែ ឈ្មោះភ័ក្រ តែងតែទំនាក់ទំនងល្អជាមួយលោក យា សាវង្ស ប្រធានស្នាក់ការបរិស្ថានខ្នាថ្មីតាសែង ជាប់ព្រំប្រទល់ស្រុកសង្គមថ្មីនឹងស្រុកប្រាសាទបាល័ង្គ នឹងលោក មឿង សំផុន នាយកភ្នំត្បែង រួមទាំងសមត្ថកិច្ចដ៍ទៃទៀត ដូចជាមេព្រៃសង្កាត់សង្គមថ្មី អាវុធហត្ថ នឹងនគរបាលដែលប្រចាំការនៅចំណុចខាងលើ ដើម្បីឱ្យរថយន្តដឹកឈើខុសច្បាប់របស់ពួកគេដំណើរការទៅបានយ៉ាងរលូន ពេលខ្លះពួកគេដឹកឈើទាំងថ្ងៃក៏មាន ។