វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10153 នាក់
ម្សិលមិញ 8227 នាក់
សរុប 14137034 នាក់
កំពត៖ ករណីពុលស្រាសនៅភូមិកោះឈ្វាំង ឃុំស្វាយទងខាងត្បូង ស្រុកកំពង់ត្រាច អ្នកស្លាប់បានកើនឡើងដល់ចំនួន ១៣នាក់(ស្រី៧នាក់)។ ក្នុងនោះអ្នកពុលស្រាដែលមានស្ថានភាពប្រសើរឡើងវិញមានចំនួន ៣៤នាក់ ក្រោយជួយសង្គ្រោះពីក្រុមគ្រូពេទ្យ នៃមន្ទីរពេទ្យបង្អែកស្រុកកំពង់ត្រាច។ នេះបើយោងតាមរបាយការណ៍របស់អាជ្ញាធរខេត្តកំពត គិតត្រឹមនៅថ្ងៃទី៥ ខែកក្កដា ឆ្នាំ២០២១។
សូមបញ្ជាក់ថា ក្រោយពីករណីពុលស្រាគេបានឃើញ រដ្ឋបាលខេត្តកំពតចេញលិខិត តម្រូវឱ្យអភិបាល ក្រុង ស្រុក ទាំងអស់ក្នុងខេត្តកំពត ឱ្យផ្អាកនូវរាល់ការផលិតស្រា ដែលគ្មានច្បាប់អនុញ្ញាតពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។លិខិតចេញដោយលោកជាវតាយអភិបាលខេត្តបញ្ជាក់ថា៖ផ្អែកតាមខ្លឹមសារដូចមានចុះក្នុងយោងខាងលើ ដោយសារកន្លងមក មានករណីទីតាំងផលិតស្រាបានលក់ និងចែកចាយស្រាក្លែងក្លាយ ឬមិនធ្វើតាម បច្ចេកទេសត្រឹមត្រូវមួយចំនួន បង្កឲ្យមានគ្រោះថ្នាក់ដល់អាយុជីវិតបងប្អូនប្រជាពលរដ្ឋ ក្នុងន័យនេះ រដ្ឋបាលខេត្តកំពត ស្នើឲ្យ លោក លោកស្រី អភិបាលនៃគណៈអភិបាលក្រុង-ស្រុក ពិនិត្យ និងធ្វើការផ្អាក អាជីវកម្មផលិតស្រាទាំងឡាយណា ដែលពុំមានច្បាប់អនុញ្ញាតអាជីវកម្មពីក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍។ អាស្រ័យដូចបានជម្រាបជូនខាងលើ សូមលោក លោកស្រី អភិបាល នៃគណៈអភិបាលក្រុង-ស្រុកចាត់ចែងអនុវត្តឲ្យមានប្រសិទ្ធភាពខ្ពស់ ។ សូមលោក លោកស្រី ទទួលនូវការស្រឡាញ់រាប់អានអំពីខ្ញុំ។
សូមបញ្ជាក់ថារឿងផឹកស្រាពុលមិនមែនលើកទី១ទេសម្រាប់ខេត្តកំពត។កាលពីជាង១ខែមុនក៏មានករណីមនុស្សស្លាប់ដោយសារផឹកស្រា ស ជាច្រើននាក់ផងដែរ ដែលករណីនេះកើតឡើងស្ថិតក្នុងភូមិសាស្ត្រឃុំឫស្សីស្រុកខាងកើត ស្រុកកំពង់ត្រាច ខេត្តកំពត។ចំពោះករណីមានមនុស្សស្លាប់នៅដើមកក្កដា ឆ្នាំ២០២១ នេះ សង្ស័យពុលស្រា ស ដូចគ្នា។តែអាជ្ញាធរខេត្តកំពតដូចត្រជាក់ល្ហឹមរហូតមានករណីយ៍ពុលលើកទី២ស្លាប់មនុស្សទើបភ្ញាក់!?៕