វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8181 នាក់
ម្សិលមិញ 6001 នាក់
សរុប 13881011 នាក់
ភ្នំពេញ៖ លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល បានធ្វើការណែនាំដល់ថ្នាក់ដឹកនាំ និងគណៈគ្រប់គ្រងនៅតាមមន្ទីរពេទ្យរដ្ឋទាំងអស់ ត្រូវទទួលពិនិត្យអ្នកជំងឺទូទៅធម្មតា ប៉ុន្ដែអាចធ្វើតេស្ដរហ័សរកជំងឺកូវីដ១៩ជាមុន ប្រសិនបើចាំបាច់តែមិនបបញ្ជាក់ថាប្រជាពលរដ្ឋត្រូវចំណាយលុយឬអត់នោះទេ?។
សេចក្តីប្រកាសចេញនៅថ្ងៃទី០៨ ខែឧសភា ឆ្នាំ២០២១បញ្ជាក់ថា សេចក្ដីក្រើនរំលឹកណែនាំនេះ ធ្វើឡើងដើម្បីធានាឲ្យមានប្រក្រតីភាព ក្នុងការផ្ដល់សេវាសុខាភិបាល នៅតាមមន្ទីរពេទ្យសាធារណៈ ក្នុងស្ថានភាពដែលមានការឆ្លងរីករាលដាលជំងឺកូវីដ១៩។
ដើម្បីបង្កើនប្រសិទ្ធភាព និងធានាឲ្យមានប្រក្រតីភាព ក្រសួងសុខាភិបាលបានធ្វើការណែនាំជាអាទិ៖
-សម្រាប់អ្នកជំងឺទូទៅ និងសង្គ្រោះបន្ទាន់ ចូលមកមន្ទីរពេទ្យ គ្រូពេទ្យអាចប្រើតេស្ដរហ័សរកអង់ទីហ្សែនកូវីដ១៩ សម្រាប់ធ្វើការញែកអ្នកជំងឺ ប្រសិនបើចាំបាច់។
-រៀបចំឲ្យមានបន្ទប់ដាច់ដោយឡែកបន្ថែម សម្រាប់ផ្ដល់សេវាព្យាបាល សង្គ្រោះបន្ទាន់ វះកាត់ និងសម្ភព តាមលក្ខណៈបច្ចេកទេស ដល់អ្នកជំងឺដែលបានរកឃើញវិជ្ជមានកូវីដ១៩ ដោយស្មារតីទទួលខុសត្រូវខ្ពស់ និងគ្មានការរើសអើង រហូតដល់អ្នកជំងឺមានស្ថានភាពធូរស្រាលសមស្រប មុននឹងបញ្ជូនទៅមន្ទីរពេទ្យព្យាបាលជំងឺកូវីដ១៩ ដែលកំណត់ដោយក្រសួងសុខាភិបាល។
លោករដ្ឋមន្ត្រីបានបញ្ជាក់ថាមន្ទីរពេទ្យត្រូវបន្ដធានានិរន្ដរភាពសេវាសុខាភិបាលជាសារវ័ន្ដ ដោយផ្ដល់សេវាជូនដល់គ្រប់អ្នកជំងឺដែលមកទទួលសេវានៅក្នុងមូលដ្ឋានសុខាភិបាល។តែលោកមិនបានបញ្ជាក់ថាការធ្វើតេស្តិរហស័ចឹងត្រូវបង់លុយដែរឬអត់នោះទេ?។
សូមបញ្ជាក់ថាថ្មីៗនេះមន្ទីរពេទ្យព្រះកុសមៈហៅពេទ្យលោកសង្ឃបានចេញសេចក្តីជូនដំណឹងមួយតម្រូវឲ្យអ្នកចូលពេទ្យលោកសង្ឃបង់លុយពេលថ្វើតេស្តិរកកូវីត។
សូមបញ្ជាក់ថាឧបករណ៍ធ្វើតេសរហ័សរកកូវីដ១៩ចំនួន ២,៧តោន មកដល់រាជធានីភ្នំពេញនៅថ្ងៃទី៧ ខែឧសភា ឆ្នាំ២០២១ តាមយន្តហោះ Airbus A319 របស់ក្រុមហ៊ុនអាកាសចរណ៍ខេមបូឌាអ៊ែរវ៉េ ។ឧបករណ៍ធ្វើតេសរហ័សរកកូវីដ១៩ ចំនួន ២,៧ តោន បានដឹកចេញពីអាកាសយានដ្ឋានអន្តរជាតិចាងជី ប្រទេសសឹង្ហបូរី មកកាន់ទីក្រុងភ្នំពេញ ដោយសុវត្ថិភាពនៅម៉ោង ១៧៖១៥នាទីរសៀល។ នេះបើយោងតាមការប្រកាសរបស់ក្រុមហ៊ុនអាកាសចរណ៍ខេមបូឌាអ៊ែរវ៉េ (Cambodia Airways)។