វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2151 នាក់
ម្សិលមិញ 6501 នាក់
សរុប 13950706 នាក់
ភ្នំពេញ៖ ទទួលបានការឯកភាពដ៏ខ្ពង់ខ្ពស់ពីសម្ដេចតេជោនាយករដ្ឋមន្ត្រី, ក្រសួងសុខាភិបាលកម្ពុជា បានចេញសេចក្តីជូនដំណឹងមួយបញ្ជាក់ថា ចាប់តាំងពីព្រឹត្តិការណ៍សហគមន៍២០កុម្ភៈ ការរាតត្បាតនៃជំងឺកូវីដ-១៩ នៅកម្ពុជាមានសភាពខ្លាំង និងលឿនជាងពេលមុនៗ ហើយតាមការសង្កេត មើលនៅលើពិភពលោក ឃើញថា ក្រៅពីការរាតត្បាតជាសកលនៃវីរុសបម្លែងថ្មីប្រភេទ B117 មានប្រភពមកពី ប្រទេសអង់គ្លេស ទើបតែមានលេចចេញនូវវីរុសបម្លែងថ្មីមួយផ្សេងទៀតឈ្មោះថា B1617 មានប្រភពចេញពី ប្រទេសឥណ្ឌា ដែលមានការឆ្លងខ្លាំង និងមានភាពធ្ងន់ធ្ងរជាងប្រភេទ B117 ទៅទៀត។
ពិនិត្យឃើញស្ថានភាពបែបនេះ ក្រសួងសុខាភិបាល សម្រេចហាមឃាត់ការធ្វើដំណើចូលមកប្រទេសកម្ពុជាមួយរយ: រហូតដល់មានការជូនដំណឹងជាថ្មី ចំពោះជនជាតិឥណ្ឌា និងជនជាតិបរទេសទាំងអស់ ដែលធ្វើដំណើរមកពីប្រទេសឥណ្ឌា ឬឆ្លងកាត់ប្រទេសឥណ្ឌា ឬមានប្រវត្តិធ្វើដំណើរទៅប្រទេសឥណ្ឌា រយៈពេល បីសប្ដាហ៍មុនចូលមកប្រទេសកម្ពុជា តាមផ្លូវអាកាស ឬតាមផ្លូវគោក ដោយត្រូវចាប់អនុវត្តក្រោយ ៤៨ម៉ោង បន្ទាប់ពីចេញសេចក្តីប្រកាសព័ត៌មាននេះ។សូមបញ្ជាក់ដែរថាថ្មីៗនេះក្រុងប៉ោយប៉ែតខេត្តបន្ទាយមានជ័យត្រូវបានអាជ្ញាធរខេត្តបន្ទាយមានជ័យប្រកាសបិទខ្ទប់ក្រោយពីរកឃើញការឆ្លងរីករាលដាលជម្ងឺកូវីតដែលភាគច្រើគេនិយាយថាដំបូងមកពីជនជាតិឥណ្ឌាមកសម្ងំរស់នៅហើយថ្លាក់ខ្លួនឈឺកូវីត។
តាមក្រសួងសុខាភីបាលនៅថ្ងៃទី ២៧ មេសា ឆ្នាំ ២០២១ នេះថា ប្រទេសកម្ពុជា បានរកឃើញអត្រាអ្នកឆ្លងថ្មី ចំនួន ៥០៨ នាក់ត្រឹមរយៈពេល ២៤ម៉ោង ចុងក្រោយនេះ។ ទន្ទឹមនឹងនោះដែរ មានចំនួនអ្នកជាសះស្បើយបន្ថែមចំនួន ១២៧ នាក់ផងដែរ ។ក្នុងចំណោមអ្នកឆ្លងសរុបនោះ មាននៅខេត្តបន្ទាយមានជ័យ ចំនួន ៧៣ នាក់ ក្នុងនោះ ជនជាតិខ្មែរ ២៥នាក់, ចិន ១នាក់ និងជនជាតិឥណ្ឌូណេស៊ី ចំនួន ៤៧នាក់។តាមសារពត៍មានអ្នកមានជនជាតិឥណ្ឌាជាច្រើនបាននាំក្រុមគ្រួសារគេចចេញពីប្រទេសខ្លួនដោយសារការរីករាលដាលជម្ងឺកូវីតរហូតមន្ទីរពេទ្យគ្មានកន្លែងទទយលព្យាបាល។ប្រទេសឥណ្ឌាដែលមានពលរដ្ឋសរុបជាង ១ពាន់៣រយនាក់ ឥឡូវនេះមានអ្នកឆ្លងវីរុសកូវីដ-១៩ ជាង ១៧លាននាក់ ក្នុងនោះមានអ្នកស្លាប់ជិត ២០ម៉ឺននាក់។មិនមែនមានតែកម្ពុជាមួយទេមានប្រទេសជាច្រើនបានផ្អាកនិងហាមការហោះហើរចេញពីឥណ្ឌាមកប្រទេសរបស់គេ៕