វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3980 នាក់
ម្សិលមិញ 5544 នាក់
សរុប 13945077 នាក់
កោះកុង៖ ស្ត្រីម្នាក់ បានលួចរត់ចេញពីមន្ទីរពេទ្យបង្អែកខេត្តកោះកុងមកផ្ទះរបស់ខ្លួន ទាំងរូបគាត់កំពុងធ្វើចត្តាឡីសក័តាមដានស្វែងរកជំងឺកូវីដ-១៩ធ្វើឲ្យពលរដ្ឋមានទីលំនៅក្នុងផ្សារចាស់ សង្កាត់ដងទង់ក្រុងខេមរភូមិន្ទ មានការភ្ញាក់ផ្អើលយ៉ាងខ្លាំង។ អ្នកខ្លះបិទទ្វារផ្ទះជិត ហើយខ្លះទៀតហាមប្រាមមិនឲ្យកូនចៅចេញក្រៅផ្ទះ ដើម្បីអនុវត្តន៍វិធានក្រសួងសុខាភិបាល និងប្រសាសន៍របស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា “៣ការពារ ៣កុំ”។
ភ្លាមៗ ក្រុមគ្រូពេទ្យ និងអាជ្ញាធរមានសមត្ថកិច្ច បានចុះប្រតិបត្តិរហូតឈានដល់ចាប់ខ្លួនយកទៅវិញផងដែរ។ មន្ត្រីជំនាញមន្ទីរពេទ្យខេត្តកោះកុង នៅថ្ងៃទី២៣ ខែមេសា ឆ្នាំ២០២១នេះ បានអះអាងថា មិនទាន់ដឹងថាស្ត្រីរូបនេះ មានរោគរលាកសួតឬយ៉ាងណានោះទេ តែក្រុមគ្រូពេទ្យធ្វើការត្រួតពិនិត្យបន្ត។ តែឥឡូវត្រូវបានរកឃើញ និងបញ្ជូនមកមន្ទីរពេទ្យវិញហើយ។
ប្រជាពលរដ្ឋសំណូមពរដល់លោក វេជ្ជបណ្ឌិត ហៃ ឡៃសុន ប្រធានមន្ទីរពេទ្យ និងលោក វេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង មេត្តាពិនិត្យនិងតាមដានសកម្មផ្នែកការងារយាមល្បាតរបស់មន្ត្រីខ្លួន ឲ្យអនុវត្តន៍ការងារឲ្យមានប្រសិទ្ធភាព ចៀសវាងធ្វេសប្រហែសបន្តទៀត ខណៈរដ្ឋាភិបាលកំពុងរឹតបន្តឹងវិធានការទប់ស្កាត់ការឆ្លងរាលដាលជំងឺកូវីដ១៩ យ៉ាងយកចិត្តទុកដាក់បំផុត។
រហូតដល់ម៉ោង០២:០០ថ្ងៃត្រង់ថ្ងៃទី២៣មេសា២០២១ក្រសួងសុខាភិបាលរកឃើញករណីជំងឺកូវីដ-១៩សរុបចំនួន៦៥៥នាក់(ឆ្លងសហគមន៍ទាំងអស់)និងមានជាសះស្បើយ២២៤នាក់ ។ដូច្នេះចំនួនករណីជំងឺកូវីដ-១៩សរុបកើន៨៨៤៨នាក់ចំនួនសំរាកពេទ្យ៥៦៣៣នាក់ និងចំនួនជាសះស្បើយសរុបកើន៣១៤៨នាក់និងស្លាប់ថ្មី ៥នាក់សរុបស្លាប់៥៩នាក់ ។