វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3439 នាក់
ម្សិលមិញ 5544 នាក់
សរុប 13944536 នាក់
បាងកក៖ រដ្ឋាភិបាលយោធាថៃលោក ប្រាយុទ្ធ ចាន់អូចា (Prayut Chan-o-cha)តាមរយៈស្ថានទូតថៃនៅអង់គ្លេស បានស្នើឱ្យរដ្ឋាភិបាលអង់គ្លេស ធ្វើបត្យាប័នអតីតនាយករដ្ឋមន្ត្រីថៃលោកស្រី យីងឡាក់ ស៊ីណាវ៉ាត់ (Yingluck Shinawatra)មកស្រុកទទួលទោសនៅស្រុកថៃវិញ។
លោកស្រី យីងឡាក់ ស៊ីណាវ៉ាត់ (Yingluck Shinawatra)ត្រូវបានយោធាក្រោមបញ្ជារលោកប្រាយុទ្ធធ្វើរដ្ឋប្រហារទម្លាក់ហើយត្រូវបានតុលាការកាត់ទោសកំបាំងមុខដាក់ពន្ធនាគារដាក់ពន្ធនាគារ ០៥ឆ្នាំ ពីបទធ្វេសប្រហែសធ្វើឱ្យខាតបង់ថវិការដ្ឋរាប់ពាន់លានដុល្លារ។ ប៉ុន្តែ លោកស្រីបានច្រានចោលការចោទប្រកាន់នេះ ហើយថាវាជាចេតនានយោបាយ។
សារពតិមានChanel News asia.ឲ្យដឹងថា៖នាយរដ្ឋមន្ត្រីថៃបច្ចុប្បន្នលោក Prayut Chan-o-cha ក៏បានថា សំណើសុំធ្វើបត្យាប័នគឺជាដំណើរការ ចាំបាច់រវាងប្រទេសទាំងពីរ ដែលសុទ្ធតែជាហត្ថលេខី នៃសិទ្ធិស្ដីពីការធ្វើបត្យាប័នកាលពីឆ្នាំ១៩១១។ «យើងមិនអាចចាប់មនុស្សណាម្នាក់ក្នុងប្រទេសដទៃនោះទេ... ដូច្នេះគឺមានតែពួកគេ ប៉ុណ្ណោះដែលចាប់ខ្លួន និងបញ្ជូនគាត់ (លោកស្រី Yingluck) មកឱ្យពួកយើងវិញ»។
តែទោះជាយ៉ាងក៏ដោយ មិនទាន់មានការបញ្ជាក់ភ្លាមៗណាមួយ ថាតើហេតុអ្វីបានជារដ្ឋាភិបាលថៃរង់ចាំរហូតមកទល់ពេលនេះ ទើបស្នើអង់គ្លេសធ្វើបត្យាប័នលោកស្រី Yingluck ឬក៏ថា តើរដ្ឋាភិបាលទីក្រុងឡុងដ៍ធ្វើការឆ្លើយតបយ៉ាងណានោះទេ ខណៈ ការបោះឆ្នោតសកលគ្រោងនឹងត្រូវប្រព្រឹត្តទៅនៅឆ្នាំ២០១៩។
ក្រោយពីទទួលការកាត់ទោសនិងរឹបអូសទ្រព្យសម្បត្តិលោកស្រី Yingluck បានរត់គេចខ្លួនចេញពីប្រទេសថៃកាលពីខែសីហា ឆ្នាំ២០១ដោយស្រួលហើយបច្ចុប្បន្នកំពុងរស់នៅក្នុងប្រទេសអង់គ្លេស ។លោកស្រីយិងឡាក់ផ្ទាល់ក៏បានបង្ហោះវីដេអូមួយលើ Instagram កាលពីថ្ងៃសៅរ៍សប្ដាហ៍មុន ប្រាប់ឌឺថា លោកស្រីកំពុងរស់នៅសង្កាត់ខូវើនហ្គាដឹន( Covent Garden) ក្នុងតំបន់ West End នៃទីក្រុងឡុងដ៍។អ្នកខ្លះថារបបយោធាថៃបើកដៃឲ្យរត់ចេញព្រោះមិនចង់ដាក់គុកដោយសារខ្លាចផ្ទះរឿងធំ។ លោកស្រី Yingluck និងបងប្រុសគឺលោក ថាក់ស៊ីន ស៊ីណាវ៉ាត់ (Thaksin Shinawatra) នៅតែជាមនុស្សមានឥទ្ធិពលនៅក្នុងនយោបាយថៃដែលពួកយោធាបារម្ភបំផុត៕