វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10077 នាក់
ម្សិលមិញ 8227 នាក់
សរុប 14136958 នាក់
ភ្នំពេញ៖ លោកស្រី ឱ វណ្ណឌីន អ្នកនាំពាក្យ និងជារដ្ឋលេខាធិការក្រសួងសុខាភិបាល បានបញ្ជាក់ថា វ៉ាកសាំងដែលកម្ពុជាទទួលបានពីស្ថាបន័កូវ៉ាក់ក្រោមការសម្របសម្រួលរបស់អង្គការសុខភាពពិភពលោក និងការផ្គត់ផ្គង់ដោយ UNICEF គឺជាប្រភេទវ៉ាក់សាំងដែលមានឈ្មោះថា "COVISHIELD” ដែលផលិតនៅឥណ្ឌា ដែលគ្រាន់តែទទួលបានអាជ្ញាបណ្ណពីក្រុមហ៊ុន AstraZeneca របស់អង់គ្លេសប៉ុណ្ណោះ។នេះបើតាមសារសម្លេងលោកស្រីឱវ៉ាន់ឌីន។
លោកស្រីបានបន្តថា តាមការបញ្ជាក់ពីអង្គការសុខភាពពិភពលោក មកទល់ពេលនេះ គេបានចែកចាយវ៉ាក់សាំង COVISHIELD នេះ នៅលើសាកលលោក ដល់ប្រទេសកំពុងអភិវឌ្ឍ មានជាង ៥០០លានដូស គឺ មិនទាន់មានប្រតិកម្ម ឬមានបញ្ហាធំដុំនោះទេ។ ម្យ៉ាងទៀត វ៉ាក់សាំងដែលយើងកំពុងប្រើប្រាស់មិនមែនជាវ៉ាក់សាំងដែលមានបញ្ហានៅអឺរ៉ុបនោះទេ។ វាមិននៅក្នុងចង្កោមនៃវ៉ាក់សាំង ដែលមានបញ្ហានៅប៉ែកខាងអឺរ៉ុបនោះទេ ។ ហើយវ៉ាក់សាំងដែលប្រើប្រាស់នៅកម្ពុជា មានភាពខុសគ្នាពី AstraZeneca នៅអឺរ៉ុប។
អ្នកនាំពាក្យក្រសួងសុខាភិបាលបន្តថា វ៉ាក់សាំងនេះ មានការប្រើប្រាស់ដោយមានការទទួលស្គាល់ដោយអង្គការសុខភាពពិភពលោក WHO ដែលដាក់ចូលក្នុងបញ្ជីប្រើប្រាស់បន្ទាន់ គឺមាន ផលិតនៅឥណ្ឌា និង កូរ៉េខាងត្បូង។ តាមរយៈ WHO សម្រាប់វ៉ាក់សាំង COVISHIELDនៅកម្ពុជា មិនមានពាក់ព័ន្ធនឹង AstraZeneca ដែលមានបញ្ហាដូចនៅអឺរ៉ុបនោះទេ។ការបំភ្លឺរបស់លោកស្រីអ្នកនាំពាក្យក្រសួងសុខាភិបាលបាន ធ្វើឡើងបន្ទាប់ពីមានការចុះផ្សាយនៅវិទ្យុបារាំងជាភាសាខ្មែរថា វ៉ាក់សាំង AstraZeneca បានបង្កឱ្យមានកំណកឈាមនៅក្នុងសរសៃឈាម ពេលចាក់ជូនប្រជាជននៅប៉ែកអឺរ៉ុប៕