វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3128 នាក់
ម្សិលមិញ 5378 នាក់
សរុប 14082421 នាក់
សៀមរាប៖ លោក ឆែម សាវុធ អគ្គនាយក នៃអគ្គនាយកដ្ឋានពន្ធនាគារ បានចាត់ទុកថា ការលួចប្រើទូរស័ព្ទដោយជនដែលកំពុងជាប់ឃុំ វាអាចបង្កជាបទល្មើសផ្សេងៗទៀតបាន ជាពិសេសសកម្មភាពជួញដូរគ្រឿងញៀន។
ការថ្លែងរបស់មេគុកស្រុកខ្មែរបានធ្វើឡើងក្នុងពិធីបំពាក់គ្រឿងឥស្សរិយយស បំពាក់ឋានន្តរស័ក្ដិ និងប្រកាសមុខតំណែងជូនមន្ត្រីអង្គភាពពន្ធនាគារខេត្តសៀមរាបចំនួន ២៥៧នាក់នៅថ្ងៃទី១០ខែកុម្ភៈឆ្នាំ២០២១នេះ។, លោកឧត្តមអគ្គានុរក្សថ្នាក់លេខ១ ឆែម សាវុធ បានឱ្យដឹងថា កន្លងមកនេះ អង្គភាពពន្ធនាគារខេត្តសៀមរាបធ្វើការងារបានយ៉ាងល្អ ទាំងការងារគ្រប់គ្រងជនជាប់ឃុំ និងការសហការជាមួយស្ថាប័នពាក់ព័ន្ធនៅក្នុងខេត្តសៀមរាបនេះ។
លោកឧត្តមសេនីយ៍ឆែមសាវុធ បានជំរុញឱ្យអង្គភាពពន្ធនាគារខេត្តសៀមរាប ត្រូវពង្រឹងការគ្រប់គ្រងបន្ថែមទៀតលើកការលួចប្រើទូរស័ព្ទរបស់ជនជាប់ឃុំ ព្រោះថា បើសិនជាជនជាប់ឃុំអាចលួចប្រើទូរស័ព្ទបាន ពួកគេអាចបញ្ជាដល់បក្ខពួកគេឱ្យធ្វើសកម្មភាពបទល្មើសទៀតបាន ជាពិសេសកម្មភាពគ្រឿងញៀន។
បច្ចុប្បន្ននេះ នៅទូទាំងប្រទេសកម្ពុជាមានជនជាប់ឃុំជិត ៤ម៉ឺននាក់ ក្នុងនោះ ពន្ធនាគាខេត្តសៀមរាប ស្ថិតនៅក្នុងលំដាប់ទី២ដែលមានជនជាប់ឃុំរហូតដល់ជិត ៣ពាន់នាក់ បន្ទាប់ពីពន្ធនាគារព្រៃស។មានការកត់សម្គាល់ថាកន្លងមកសកម្មភាពពុករលួយឃុបឃឹតគ្នារវាងអនុរក្សគុកនិងទណ្ឌឹតបានបង្កើតឲ្យមានបទល្មើសជួញដូរគ្រឿងញៀនឆបោកចេញពីពន្ធធនាគារតែមិនដេលសូវឃើញមន្ត្រីណាម្នាក់ត្រូវទទួលពិន័យអ្វីឡើយ!។