វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1531 នាក់
ម្សិលមិញ 5378 នាក់
សរុប 14080824 នាក់
ប/ជ÷ លោកឧត្តមសេនីយ៍ត្រី ឃួន ជឿន ជាមេបញ្ជាការកងការពារព្រំដែនលេខ៥០៣ចំណុះឲ្យយោធភូមិភាគទី៥ ដែលមានទូនាទីការពារព្រំដែនគោកកម្ពុជាថៃ ស្ថិតក្នុងស្រុកអូរជ្រៅ និងស្វាយចេកខេត្តបន្ទាយមានជ័យ ។
តែតំបន់ខាងលើនេះប្រជាពលរដ្ឋនៅតាមព្រំដែនខ្មែរ-ថៃ បានឲ្យដឹងមកថា ទាហានកងការពារព្រំដែនលេខ៥០៣ក្រោមការគ្រប់គ្រងផ្ទាល់របស់លោក ផ្កាយ១ឃួន ជឿន បានបង្កើតឲ្យមានច្រករបៀងជាច្រើន ដើម្បីនាំចូលទំនិញគេចពន្ធសព្វសារពើ ពីប្រទេសថៃតាមរយៈ ក្រុមមេឈ្មួញគ្រាក់ៗដែលស្និទ្ធជាមួយមេខ្លួន ។បទល្មើសសេដ្ឋកិច្ចដែលចូលមកកម្ពុជា រួមមានម៉ូតូគេចពន្ធ រថយន្តចង្កូតស្តាំ គ្រឿងបន្លាស់រថយន្ត,ម៉ូតូគ្រប់ប្រភេទ ។លើសពីនេះច្រករបៀងដែលគ្រប់គ្រងដោយមនុស្សជំនិតៗ លោកផ្កាយ១ឃួន ជឿន បាននាំចូលបទល្មើសរាប់រយជំពូកទៀតដូចជា÷ សត្វមាន់ ទា ជ្រូក ពពែ គោ ក្របី ទំនិញសព្វសារពើ សកម្មភាពបើកឲ្យមានច្រករបៀងខុសច្បាប់ ក្នុងដែនសមត្ថកិច្ច របស់កងការពារព្រំដែនល៥០៣ដើម្បីរកលុយឯកជនតែបានធ្វើឲ្យបាត់បង់ចំណូលពន្ធរដ្ឋ ។
ប្រជាពលរដ្ឋ នៅតាមបន្ទាត់ព្រំដែន តំបន់៥ ចំការគរ ព្រៃចន្ទ ល្អាងសិលា ទំនប់ដាច់ និង ណងចន្ទផង បានលើកឡើងថា បើថ្នាក់លើមិនចេញមុខទប់ស្កាត់ទាន់ពេលវេលាទេនោះ បន្ទាត់ព្រំដែនកម្ពុជាថៃ តំបន់គ្រប់គ្រងលោកឃុនជឿនវានឹងក្លាយជាព្រំដែនសន្តិភាពបង្កើតបទល្មើសសម្រាប់រកលុយ ។ កន្លែងទៅ សម្តេចតេជោហ៊ុនសែននាយករដ្ឋមន្ត្រី កម្ពុជា និងសម្តេចក្រឡាហោម សខេងឧបនាយករដ្ឋមន្ត្រីនិងជា រដ្ឋមន្ត្រីក្រសួងមហាផ្ទៃផង ក៏បានណែនាំឲ្យកងកម្លាំងជួមុខ ទប់ស្កាត់នូវរាល់សកម្មភាពបទល្មើសរត់ពន្ធផ្សេងៗ តាមបន្ទាត់ព្រំដែន រវាងប្រទេសនិងប្រទេស ។ប៉ុន្តែអនុសាសន៍ ដ៏ថ្លៃថ្លា របស់ប្រមុខរាជរដ្ឋាភិបាលបែជាធូថ្លៃជាមួយយលោក ផ្កាយ១ ឃួន ឃឿន ។
ជាក់ស្តែងកាលពីថ្ងៃទី ៣០ខែកុម្ភ ឆ្នាំ២០២១ រថយន្តដឹកសត្វជ្រួក១គ្រឿងរួមនិងសត្វជ្រួក ត្រូវបានមន្ត្រីជំនាញ បសុព្យាបាលនៃមន្ទីរកសិកម្មរុក្ខាប្រមាញ់និងនេសាទ ស្ទាក់ចាប់បាននៅក្នុងក្រុងសិរីសោភណ័ ខេត្តបន្ទាយមានជ័យ ។មន្ត្រីជំនាញបានឲ្យដឹងថា សត្វជ្រូកខាងលើ គឺឈ្មួញនាំចូល ពីប្រទេសថៃ តាមច្រករបៀងឃុំ អូរបីជាន់ ស្រុកអូរជ្រៅ ខេត្តបន្ទាយមានជ័យ ។ លោកថា សត្វជ្រូកនោះមិនមានឯកសារអ្វីទាំងអស់ ហើយគឺជាបទល្មើសលួចចូលតាមរយៈឃុបឃិតគ្នា រវាង សមត្ថកិច្ចជួរមុខ បើពុំនោះទេសកម្មភាព រត់ពន្ធនឹងមិនកើតមានទេ ។ លោកបន្តថា ការនាំចូលសត្វពីប្រទេសជិតខាង គ្មានការត្រួតពិនិត្យពីមន្ត្រីជំនាញបែបនេះនឹងមានហានិភយ័សម្រាប់ពលរដ្ឋ។
ជុំវិញការព្រួយបារម្ភ ខាងលើ នៅព្រឹកថ្ងៃទី០៥ខែ កុម្ភៈឆ្នាំ២០២១ លោក ឧត្តមសេនីយ៍ ត្រី ឃួន ជឿន មេបញ្ជាការកងការពារព្រំដែនលេខ៥០៣ មិនអាចទំនាក់ទំនងសុំឲ្យលោកធ្វើការអធិប្បាយជុំវិញ ការចោទប្រកាន់ខាងលើបានទេ ។សង្ឃឹមថា លោកនឹងបកស្រាយថាមកពីហេតុអី ៕