វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8553 នាក់
ម្សិលមិញ 8227 នាក់
សរុប 14135434 នាក់
ភ្នំពេញ៖ អាជ្ញាធររាជធានីភ្នំពេញ ត្រៀមស្តារប្រឡាយ លូ ឲ្យបានមុនរដូវវស្សានេះ បង្ហូរទឹកឱ្យបានធំទូលាយនៅក្នុងខណ្ឌចំនួន៣ នៅជាយរាជធានីភ្នំពេញ នោះគឺនៅខណ្ឌដង្កោ ខណ្ឌកំបូល និងខណ្ឌពោធិ៍សែនជ័យ។
ការលើកឡើងជាគម្រោងដើម្បីស្ដារនៅប្រឡាយ លូ បង្ហូរទឹកខាងលើនេះ បានធ្វើឡើងកាលពីរសៀលថ្ងៃទី១៤ មករា ឆ្នាំ២០២១ នៅក្នុងអង្គប្រជុំពិភាក្សាមួយដើម្បីស្ដារប្រឡាយមេធំមួយ នៅប្រឡាយទួល ពង្រ១ខណៈដែលតំបន់នេះ តែងតែទទួលរងនូវការលិចលង់ដោយជំនន់ទឹកភ្លៀងនាពេលកន្លងមកនេះ។
លោកឃួង ស្រេង.អភិបាលរាជធានីភ្នំពេញ បាន បញ្ជាក់ឲ្យដឹងនៅក្នុងកិច្ចប្រជុំនេះថា កិច្ចប្រជុំនេះធ្វើឡើង ដើម្បីពិភាក្សាគ្នារកដំណោះស្រាយដើម្បីស្តារប្រឡាយមេមួយនេះអោយបានធំ ក្រោយពីទឹកជំនន់បានជន់លិចនាពេលកន្លងមក ខណៈប្រឡាយនេះត្រូវបានគេរំលោភបំពានធ្វើឲ្យកន្លែងខ្លះតូចចង្អៀតដែលពិបាកអោយទឹកហូរបាន។
លោក ឃួង ស្រេង បានបន្តថា៖ បើកិច្ចប្រជុំលើកនេះមិនមានដំណោះស្រាយឱ្យបានល្អនៅឡើយទេ រដ្ឋបាលរាជធានីភ្នំពេញនិងលើកជាអង្គប្រជុំនៅសប្តាហ៍ក្រោយទៀត ដើម្បីធ្វើយ៉ាងណា អនុវត្តការ ស្ដារប្រឡាយនេះឲ្យបានជោគជ័យ បញ្ចៀសនូវការលិចលង់លំនៅដ្ឋានប្រជាពលរដ្ឋ។ក្នុងកិច្ចប្រជុំនោះក៏បានលើកឡើងពីគម្រោងនៃការ ស្ដារប្រឡាយ ទួលពង្រ១ ដែលមានប្រវែងជាង ៤០០០ម៉ែត្រហើយ ការស្តារប្រឡាយធំនេះ លោកឃួង ស្រេង បានជំរុញឲ្យមន្ទីរពាក់ព័ន្ធដូចជាមន្ទីរធនធានទឹក មន្ទីរសាធារណការនិងដឹកជញ្ជូននិងអាជ្ញាធរខណ្ឌរួមគ្នា ដើម្បីកោះហៅប្រជាពលរដ្ឋដែលពាក់ព័ន្ធនិងប្រឡាយនេះមកប្រជុំធ្វើការដោះស្រាយ ធ្វើយ៉ាងណាជំរុញការងារនេះអោយបានលឿននិងទាន់ពេលវេលា។