វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4687 នាក់
ម្សិលមិញ 6501 នាក់
សរុប 13953242 នាក់
ប្រទេសហ្វីលីពីន៖លោកប្រធានាធិបតីហ្វីលីពីន រ៉ូឌ្រីហ្គោ ឌុយទែតេបានពន្យាការថ្លែងសន្ទរថាប្រចាំឆ្នាំ ទៅកាន់ប្រជាជាតិ និងការអនុម័តច្បាប់ស្វ័យភាពអ៊ីស្លាមដ៏សំខាន់មួយដើម្បីបញ្ចប់ការបះបោររបស់ជនអ៊ីស្លាមដ៏ចំណាស់បំផុតនៅអាស៊ីដោយសារតែក្នុងកិច្ចប្រជុំសភាដែលមានសមាជិក២៩២រូប ផ្ទះឡើងនូវជម្លោះស្តីពីការផ្លាសប្តូប្រធានរដ្ឋសភាកាលពីថ្ងៃចន្ទទី២៣កក្កដា ។
លោកឌុយទែតេបានទៅដល់សភាពេលរសៀល តាមឧទ្ធម្ភាគចក្រនៅក្នុងបរិវេណសភាដែលមានសន្តិសុខយាមកាមតឹងរឹងពេលអ្នកស្រីតំណាងរាស្ត្រ ក្លូរៀ ម៉ាកាប៉ាហ្កាល់ អារ៉ូយ៉ូអតីតប្រធានាធិបតីហ្វីលីពីន ដែលទទួលបានការគាំទ្រពីសមាជិកសភាជាសម្ពន្ធមិត្តជិត២០០ននាក់ ចូលកាន់កាប់សាលប្រជុំធំរបស់សភា ដើម្បីបង្ហាញថាលោកស្រីចូលជំនួសតំណែងប្រធានសភាជំនួសលោក ប៉ាន់តាឡេអ៊ុង អាល់វ៉ារ៉េហ្ស៍។
ដោយសារមានភាពរញ៉េរញ៉ៃក្នុងសភាបង្កឡើងដោយអ្នកគាំទ្រលោក ប៉ាន់តាឡេអ៊ុង អាល់វ៉ារ៉េហ្ស៍អ្នកស្រីអារ៉ូយ៉ូ អតីតប្រធានាធិបតី មិនអាចថ្លែងការណ៍បានបានដោយម៉េក្រូហ្វូនត្រូវកាត់ផ្តាច់បានត្រឹមតែថយចេញពីវេទិកា និងបក់ដៃដាក់ហ្វូងមនុស្សបង្ហា្តញតាមទូរទស្សន៍តែប៉ុណ្ណោះ។
ខណៈជម្លោះស្តីពីតំណែងប្រធានសភាផ្ទុះឡើងពេញសាលប្រជុំធំ ដែលពោរពេញដោយអ្នកការទូតបរទេស សមាជិកសភានិងអ្នកមុខអ្នកការដទៃទៀតលោកអាល់វ៉ារេហ្ស៍ប្រធានសភាចាស់ ជាមួយប្រធានព្រឹទ្ធសភា វ៉ាំងសង់ សុតតូ ទ្រី បាននាំប្រធានាធិបតីឌុយទែតេចូលក្នុងបន្ទប់។
លោកស្រីអារ៉ូយ៉ូដែល ជាសាស្ត្រាចារ្យមានវ័យ៧១ឆ្នាំរូបនេះត្រូវបានចាប់ឃុំខ្លួននៅឆ្នាំ២០១២ អស់ពេលជិត៤ឆ្នាំ ដោយសារការចោទប្រកាន់ពីបទប្រព្រឹត្តអំពើពុករលួយទ្រង់ទ្រាយធំមួយក្នុងជំនាន់កាន់ជាប្រធានាធិបតី តែតុលាការជាន់ខ្ពស់ហ្វីលីពីនបានច្រានចោលករណីនេះនិងបានបញ្ជាអោយដោះលែងលោកស្រី៕