វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4931 នាក់
ម្សិលមិញ 5378 នាក់
សរុប 14084224 នាក់
សៀមរាប៖គ្រោះថ្នាក់ចរាចរណ៍ដ៏រន្ធត់មួយកើតឡើងនាព្រឹកថ្ងៃទី២៥ធ្នូឆ្នាំ២០២០តាមបណ្តោយផ្លូវជាតិលេខ៦ស្ថិតនៅភូមិគោកចាស់ឃុំស្រណាលស្រុកក្រឡាញខេត្តសៀមរាបបណ្តាលឲ្យខូចខាតរថយន្ត៤គ្រឿងនិងម៉ូតូមួយគ្រឿង។ បង្ករឡើងដោយរថយន្តធន់ធំ បើកវ៉ាជែងគ្នាក្នុងល្បឿនលឿនមិនប្រយ័ត្ន បានប៉ះជាមួយម៉ូតូ រួចក៏ជ្រុលមកបុកជាមួយរថយន្ត លោក កង គឹមហាក់យ៉ាងពេញទំហឹងតែម្ដង។មនុស្ស៤នាក់រងរបួសក្នុងនោះមានលោកកងគឹមហាក់អតីតតំណាងរាស្ត្រគណបក្សសង្គ្រោះជាតិបច្ចុប្បន្នជាអនុប្រធានគណបក្សខ្មែរស្រលាញ់ជាតិផងដែរ។
មន្ត្រីអាវុធហត្ថស្រុកក្រឡាញ់បានឱ្យដឹងថា៖ហេតុការណ៍គ្រោះថ្នាក់ចរាចរណ៍នេះបង្កឡើងដោយរថយន្តធំម៉ាកហ៊ីយ៉ាន់ដាយពាក់ផ្លាកលេខតាកៃវ៣A.២៩២៦អ្នកបើកបរមិនស្គាល់អត្តសញ្ញាណ។រថយន្តនេះបានបុកម៉ូតូពីក្រោយម៉ាកហុងដាឌ្រីមពណ៌ខ្មៅពាក់ផ្លាកលេខភ្នំពេញ១FZ.១៧៨៦បើកបរដោយ ឈ្មោះ ហុំគិមស៊ីនភេទស្រីអាយុ៣៣ឆ្នាំនៅភូមិផ្លាំងឃុំព្រៃជ្រូកស្រុកពួកខេត្តសៀមរាប។
ក្រោយបុកម៉ូតូហើយក៏បានជ្រុលទៅបុកពីក្រោយរថយន្ត១គ្រឿងទៀតម៉ាក ហៃលុចរីវ៉ូដែលកំពុងឈប់នៅចិញ្ចើមផ្លូវខាងស្ដាំបែរពាក់ផ្លាកលេខភ្នំពេញ២AC.១៤១៦។ម្ចាស់រថយន្តឈ្មោះឡមសុផលភេទប្រុសអាយុ៤៥ឆ្នាំរស់នៅភូមិជប់ឃុំជប់វ៉ារីស្រុកព្រះនេត្រព្រះខេត្តបន្ទាយមានជ័យ។ប្រភពបានបន្តថាៈពេលបុករថយន្តចតស្ងៀមហើយរថយន្តធំបានរេចង្កូតទៅឆ្វេងដៃបុកប៉ះជាមួយរថយន្តmasdaមួយគ្រឿងទៀតពណ៌សពាក់ផ្លាកលេខភ្នំពេញ២.BT.២៩៨៨។អ្នកបើកបរដោយឈ្មោះឡឹកស៊ីនួនភេទប្រុសអាយុ៤៥ឆ្នាំរស់នៅភូមិគ្រួសសង្កាត់ស្វាយដង្គំក្រុងសៀមរាបដែលមានអ្នករួមដំណើរ៤នាក់។
ជនរងគ្រោះទី១ឈ្មោះសុខម៉េងស៊ឹមភេទប្រុស៤៦ឆ្នាំរស់នៅភូមិស្លក្រាមសង្កាត់ស្លក្រាមក្រុងសៀមរាប។ ទី២ ឈ្មោះយេន សាំងសានុត ភេទប្រុស អាយុ៣៩ឆ្នាំ។៣ ឈ្មោះកង គឹមហាក់ ភេទប្រុសអាយុ ៤៦ឆ្នាំ,ទី៤ឈ្មោះសមសែនអាយុ៤៦ឆ្នាំអ្នកទាំង៣រស់នៅភូមិគ្រួសសង្កាត់ស្វាយដង្គំក្រុងសៀមរាប។ក្រោយពេលកើតហេតុអ្នកបើកបររថយន្តធំបានចុះរត់គេចខ្លួនបាត់។បន្ទាប់ពីសមត្ថកិច្ចវាស់វែងរថយន្តស៊ីរ៉ែន៦១០បានដឹកជូនជនរងគ្រោះទៅកាន់មន្ទីពេទ្យ។ចំណែកវត្ថុតាងម៉ូតូ១គ្រឿងនិងរថយន្ត៣គ្រឿងយកទៅរក្សាទុកនៅអធិការស្រុករង់ចាំដោះស្រាយ។
នៅថ្ងៃនេះដែរ មានករណីគ្រោះថ្នាក់ចរាចរណ៍ចំនួន៨លើក ក្នុងនោះស្លាប់ចំនួន១០នាក់ របួសចំនួន១០នាក់ ក្នុងនោះរបួសធ្ងន់ចំនួន៨នាក់ ហើយករណីគ្រោះថ្នាក់ចរាចរណ៍នេះ បានកើតឡើងនៅតាមរាជធានី ខេត្តចំនួន៦។នេះបើតាមលោកឧត្តមសេនីយ៍ ឆាយ គឹមខឿនអ្នកនាំពាក្យនគរបាលជាតិ។បើ គិតត្រឹមម៉ោង៤ រសៀលថ្ងៃទី២៤ ខែធ្នូ ឆ្នាំ២០២០ម្សិលមិញ សមត្ថកិច្ចនគរបាល បានរកឃើញយានយន្តល្មើសច្បាប់ចំនួន៩៥៣ គ្រឿង ក្នុងនោះម៉ូតូចំនួន៦៧៨គ្រឿង និងរថយន្តចំនួន២៧៥ គ្រឿង៕