វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2525 នាក់
ម្សិលមិញ 5544 នាក់
សរុប 13943622 នាក់
ភ្នំពេញ៖ បណ្តាញសង្គមហ្វេសប៊ុកក្នុងរយៈពេលប៉ុន្មានថ្ងៃមកនេះបានរិះគន់រដ្ឋមន្ត្រីក្រសួងកសិកម្មពីរឿងតម្លៃពងទាបានធ្លាក់ថ្លៃ។ ពេលចុះពិនិត្យការប្រមូលត្រីប្រហុកតាមដងទន្លេសាបនៅថ្ងៃទី២២ ខែធ្នូ ឆ្នាំ២០២០ លោក វេង សាខុនរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានពន្យល់ថា ការជោជន់ពងទា និងរហូតដល់ការធ្លាក់ថ្លៃនេះ បណ្តាលមកពីកត្តាមួយចំនួនដូចជា ការអនុវត្តន៍វិធានការទប់ស្កាត់ការចម្លងកូវីដ១៩ នាំពិធីផ្សេងៗត្រូវបានផ្អាក, តម្រូវការនៅតាមអាហារដ្ឋាន ភោជនីយដ្ឋាន និងសណ្ឋាគារមួយចំនួនត្រូវបានកាត់បន្ថយ។ ជាមួយគ្នាក្នុងកំលុងពេលនេះ ត្រីទឹកសាបសម្បូរជាហេតុនាំឱ្យពលរដ្ឋកាត់បន្ថយការហូបពងទាផងដែរ។
ជាមួយនឹងការធ្លាក់តម្លៃពងទានេះ នាំឱ្យមានការលើកឡើងមួយចំនួនថា ការធ្លាក់ថ្លៃព្រោះតែមានការនាំចូលពងទាពីប្រទេសជិតខាង។ ជាពិសេសពីប្រទេសវៀតណាមតែម្តង។លោក វេង សាខុន បានអះអាង និងបញ្ជាក់ថា ក្រោយពេលមានការត្អូញត្អែររបស់ប្រជាពលរដ្ឋ លោកបានចាត់មន្ត្រីជំនាញសិក្សាស្រាវជ្រាវភ្លាមពីតម្លៃពងទានៅកម្ពុជា និងនៅវៀតណាម។ តាមការសិក្សាតម្លៃពងទានៅកម្ពុជា និងវៀតណាម ប្រហាក់ប្រហែលគ្នា ហើយវៀតណាមថ្លៃជាងកម្ពុជាបន្តិចផង។
«អ្វីដែលយើងបានមើលឃើញថា មិនមានបាតុភាពនាំចូលទេ ហើយទន្ទឹមនឹងហ្នឹងយើងក៏បានបញ្ជាក់ថា រដូវត្រីត្រូវផងប្រជាជនកាត់បន្ថយការហូប ហើយទន្ទឹមនឹងនោះអគ្គនាយកដ្ឋានបានប្រកាសជូនថា ក្នុងករណីប្រជាជនណាពិនិត្យឃើញថា មានការនាំចូលដោយខុសច្បាប់ត្រូវរាយការណ៍ជាបន្ទាន់មកអគ្គនាយកដ្ឋានផលិតកម្មសត្វ សុខភាពសត្វនេះជាបន្ទាន់»។ នេះជាការបញ្ជាក់របស់លោករដ្ឋមន្ត្រីក្រសួងកសិកម្ម។
លោករដ្ឋមន្ត្រី បានអំពាវនាវដល់អ្នកចិញ្ចឹមទាយកពងរាយការណ៍ជូនក្រសួងកសិកម្ម ដើម្បីចុះទៅចាប់ក្រុមឈ្មួញដែលលួចនាំពងទាចូល ព្រោះក្រសួងមិនមានអនុញ្ញាតឱ្យឈ្មួញនាំពងទាចូលនោះឡើយ។
បន្ថែមលើនេះនៅរសៀលថ្ងៃទី២៣ ខែធ្នូ ឆ្នាំ២០២០ ក្រសួងនិងមន្ទីរកសិកម្ម រុក្ខាប្រមាញ់ និងនេសាទខេត្តកំពត បានចេញសេចក្តីប្រកាសព័ត៌មានអោយដឹងថា១- អគ្គនាយកដ្ឋានសុខភាពសត្វ និងផលិតកម្មសត្វ ក៏ដូចជាក្រសួងកសិកម្ម រុក្ខាប្រមាញ់ និងនេសាទពុំដែល អនុញ្ញាតជាគោលការណ៍ឱ្យនាំចូលស៊ុតពីប្រទេសជិតខាង ជាពិសេសប្រទេសវៀតណាមចូលមកទីផ្សារ ព្រះរាជាណាចក្រកម្ពុជាឡើយ
២- មន្ទីរកសិកម្ម រុក្ខាប្រមាញ់ និងនេសាទខេត្តកំពត សូមបញ្ជាក់ជូនសាធារណជនថា នៅក្នុងខេត្តកំពត បច្ចុប្បន្នស៊ុតទាធម្មតាមិនបង្កកំណើតមានតម្លៃជាមធ្យម៣៥០រៀលក្នុងមួយគ្រាប់ និងស៊ុតទាសម្រាប់យក ទៅភ្ញាស់មានតម្លៃជាមធ្យម៣៩០រៀលក្នុងមួយគ្រាប់ ហើយមិនមានករណ៏ស៊ីតទានាំមកពីប្រទេសវៀតណាម ចូលមកប្រទេសកម្ពុជាតាមច្រកនានាក្នុងខេត្តកំពតនោះទេ។
៣- ជាទូទៅតាមស្ថានភាពរអាកាសធាតុនៅប្រទេសកម្ពុជានារដូវរំហើយ ដែលសំបូរចំណីអាហារតាមវាលស្រែ និងទីកន្លែងស្ងួតផងនោះ ធ្វើឱ្យសត្វទាតែងតែផលិតស៊ុតបានច្រើនជាងរដូវនានា។៤- ក្នុងស្ថានភាពជម្ងឺកូវីដ១៩ កំពុងតំរាមកំហែងដល់សុខភាពសាធារណៈ ហើយការលក់ដូរមួយចំនួនដូចជា ការលក់បាយ បាយឆា លតឆា មីឆា លក់នៅតាមសាលារៀន និងកន្លែងផ្សេងៗ ព្រមទាំងកម្មវិធីជួបជុំ ត្រូវបានកាត់បន្ថយដែលធ្វើឱ្យតម្រូវការស៊ុតមានការថយចុះជាអតិបរមា នៅពេលដែលការចិញ្ចឹមបក្សីយក ស៊ុតមានការកើនឡើងនៅតាមតំបន់មួយចំនួនក្នុងខេត្តកំពតម្យ៉ាងវិញទៀតរដូវកាលនេះជារដូវកាលសំបូរត្រី ប្រជាពលរដ្ឋមួយចំនួនបែរមកបរិភោគត្រីជំនួសឱ្យស៊ុតបក្សីវិញ វាជីវករ អ្នកចិញ្ចឹមសត្វ ជាពិសេសចិញ្ចឹមមាន់-ទាយកស៊ុត បានដឹងព័ត៌មានពីការលួចនាំចូល
៥- ក្នុងករណីរស៊ុតមាន់-ពីប្រទេសជិតខាង សូមទំនាក់ទំនងមកមន្ទីរកសិកម្ម រុក្ខាប្រមាញ់ និងនេសាទខេត្តកំពតតាម រយៈទូរស័ព្ទលេខ ០១៧ ៨០៣ ០០៧ ០១៧ ៨៤២ ៤០៣ និង ០១២ ៦០៣ ៣០៣ ដើម្បីមន្ទីរចុះអន្តរាគមន៍ បង្ក្រាបបទល្មើសចលនាសព្វ និងផលិតផលសត្វស្របតាមច្បាប់ស្តីពីសុខភាពសត្វ និងផលិតកម្មសត្វ។ ទទួលបានសេចក្តីប្រកាសព័ត៌មាននេះ មន្ទីរកសិកម្ម រុក្ខាប្រមាញ់ និងនេសាទខេត្តកំពត សង្ឃឹមថាសាធារណជន រវាជីវករ អ្នកចិញ្ចឹមសត្វ ជាពិសេសអ្នកចិញ្ចឹមបក្សីយកស៊ុតជ្រាបជាព័ត៌មាន៕