វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5655 នាក់
ម្សិលមិញ 5020 នាក់
សរុប 14121102 នាក់
ភ្នំពេញ៖ តារាចម្រៀង តន់ ចន្ទសីម៉ា គ្រាប់ពេជ្រ របស់ផលិតកម្ម Galaxy Navatra របស់ឧកញ៉ាឡេងណាវ៉ាត្រាត្រូវបានក្រុមហ៊ុនដាក់តម្លៃខ្លួនខ្ពស់ដល់ទៅ ២ម៉ឺនដុល្លារ ចំណែក Concert នាងស៊ីថ្លៃ ៥ពាន់ដុល្លារ ឯណោះក្នុងមួយកម្មវិធី ដែលអាចនិយាយបានថា ជាតម្លៃមួយដែលមិនចង់ឲ្យនាងចេញរកក្រៅ?។
ផលិតផលតន់ចន្ទសីម៉ារបស់ ផលិតកម្មហ្កាឡាក់ស៊ីណាវ៉ាត្រា( Galaxy Navatra) មានសន្ទុះប្រជាប្រិយភាពខ្លាំងនៅក្នុងឆ្នាំ ២០២០ នេះ ដោយបទចម្រៀងរបស់នាង មានអ្នកទស្សនាសរុប រហូតជាង ៤០០ លានដង ដែលចំនួននេះមិនទាន់អាចមានតារាចម្រៀងរូបណាអាចយកឈ្នះនាងបាននៅឡើយ។ តាមប្រភពច្បាស់ការខាងលើបានទម្លាយឲ្យដឹងទៀតថា បច្ចុប្បន្នមានក្រុមហ៊ុនជាច្រើនបានទាក់ទងមកខាងផលិតកម្ម ក្នុងនោះមានតែក្រុមហ៊ុនធំៗប៉ុន្មានប៉ុណ្ណោះ ដែលហ៊ានជួលតម្លៃខាងលើ។កន្លងមកទស្សនិកជនមានការឆ្ងល់ថា កញ្ញា តន់ ចន្ទសីម៉ា ជាតារាចម្រៀងល្បី ហេតុអ្វីមិនដែលសូវឃើញច្រៀងតាមការប្រគំតន្ត្រីផ្សាយលើកញ្ចក់ទូរទស្សន៍?អាឡូវដឹងហើយ។
លោក យឹម តាស្រង់អតីតអ្នកគ្រប់គ្រងនៅផលិតកម្មថោនហើយមកធ្វើជា អ្នកគ្រប់គ្រងផលិតកម្ម Galaxy Navatra បានទទួលស្គាល់ថា តម្លៃខ្លួននៃការច្រៀងរបស់ កញ្ញា តន់ ចន្ទសីម៉ា ក្រុមហ៊ុនពិតជាបានកំណត់ ដូចបានលើកឡើងខាងលើពិតមែន។ លោក យឹម តាស្រង់ បានបន្តឲ្យដឹងទៀតថា បច្ចុប្បន្នមានក្រុមហ៊ុនជាច្រើនបានទាក់ទងនាងទៅច្រៀង ក្នុងនោះមានតែក្រុមហ៊ុនធំៗប៉ុន្មានប៉ុណ្ណោះ ដែលហ៊ានជួលនាងច្រៀង។ ក្រៅពីមានទីផ្សារខ្ពស់ហើយនោះ បច្ចុប្បន្ន កញ្ញា តន់ ចន្ទសីម៉ា បានក្លាយជា brand ambassador របស់ ក្រុមហ៊ុនធំៗ២នាពេលខាងមុខនេះ ហើយនៅថ្ងៃឆ្លងឆ្នាំខាងមុខនេះ នាងនឹងត្រូវចូលច្រៀងក្នុងកម្មវិធីឆ្លងឆ្នាំឲ្យក្រុមហ៊ុនធំ មួយផងដែរ។
យឹមតាស្រង់ដែលធ្លាប់ប្រាប់ថាបានកុំមីស្យុង២០ភាគរយពីកញ្ញាសីម៉ាពេលចេញច្រៀងក្រៅបានបញ្ជាក់ថា៖ មូលហេតុដែលនាំឲ្យក្រុមហ៊ុនកំណត់ឲ្យ តន់ ចន្ទសីម៉ា ចេញច្រៀងតាមកម្មវិធីតូចៗដូចជា អាពាហ៍ពិពាហ៍ ឬ ជប់លៀង នាងស៊ីថ្លៃដល់ទៅ២ម៉ឺនដុល្លារ ថ្លៃជាងច្រៀងតាម Concert ក៏ព្រោះផលិតកម្ម Galaxy Navatra និង Galaxy Navatra Thailand បានពិភាក្សាយ៉ាងល្អិតល្អន់ហើយនៅតម្លៃនេះ ជាតម្លៃ ស្តង់ដារអន្តរជាតិមួយ ព្រោះកម្មវិធីតូចៗដូចជា អាពាហ៍ពិពាហ៍ ឬ ជប់លៀង ជាកម្មវិធីឯកជន ហេតុនេះមានតែកម្រិតអ្នកមានសេដ្ឋកិច្ចប្រសើរប៉ុណ្ណោះ ទើបអាចជួលនាងទៅច្រៀងបាន។សូមបញ្ជាក់ដែរថាមុនពេលល្បីកញ្ញតន់ចន្ទសីម៉ាធ្លាប់ត្រូវបានគេប្រកាសទាលុយជម្ពាក់តាមហ្វេសប៊ុក១៥០០ដុល្លារ។ក្រោយមកពេលចូលផលិតកម្មនាងក៏បានកែសម្ផស្សន៍មុខមាត់ច្រមុះផងដែរ៕