វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3553 នាក់
ម្សិលមិញ 5378 នាក់
សរុប 14082846 នាក់
បាត់ដំបង៖ព្រះសង្ឃមួយអង្គ ដែលទើបមកស្នាក់នៅក្នុងទីអារាមវត្តកណ្តាលស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបងបានសម្រេចចិត្តធ្វើអត្តឃាតខ្លួនឯងដោយការដុតព្រះកាយ ហើយសុគតភ្លាមៗ នៅក្នុងបន្ទប់កាលពីវេលាម៉ោង១១ថ្ងៃត្រង់ ថ្ងៃទី២១ ខែកញ្ញា ឆ្នាំ២០២០ ។
ព្រះអង្គដទៃទៀតបានឃើញមានផ្សែងហុយចេញពីបន្ទប់ខាងលើជាន់ទី១ នៃអគារលេខ២ ទើប ស្រែកហៅឲ្យជួយគ្នា និងឲ្យឡើងទៅមើល ប៉ុន្តែចៃដន្យអីបន្ទប់នោះ ត្រូវបានដាក់គន្លឹះពីខាងក្នុងជាប់។ចៅអធិការវត្តកណ្តាល ព្រះនាម កែវ សំពង់ បានឲ្យដឹងថា ក្រោយពីគាស់ទ្វារបន្ទប់រួចមក ក៏ប្រទះឃើញព្រះសង្ឃ១អង្គសុគតនៅលើគ្រែបាត់ទៅហើយ ដោយមិនអាចសង្គ្រោះបានឡើយ ព្រោះរាងកាយ ត្រូវអណ្ដាតភ្លើងឆេះរោលមើលលែងយល់ទៅហើយ។
ព្រះសង្ឃដែលបានធ្វើអត្តឃាតនេះ ព្រះនាម ហ៊ាត ហ៊ាក ព្រះជន្ម២៤ព្រះវស្សា មានស្រុកកំណើតនៅឃុំបាល្ល័ង្គ ស្រុកប្រាសាទបាគង ខេត្តសៀមរាប។សង្ឃរងគ្រោះ បានមកស្នាក់ក្នុងវត្តបច្ឆា ហើយក៏បន្តមកស្នាក់នៅវត្តកណ្តាលនេះ មានរយៈពេលប្រមាណ៥ខែមកហើយដើម្បីរៀននៅសាលាពុទ្ធិកៈ វិទ្យាល័យ អឺងធួង ( ក្នុងទីអារាម វត្តពោធិវាល )។មិនទាន់ដឹងពីមូលហេតុដែលនាំអោយសង្ឃអង្គនេះដុតព្រះកាយនោះឡើយ៕