វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9727 នាក់
ម្សិលមិញ 8227 នាក់
សរុប 14136608 នាក់
ភ្នំពេញ៖ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលកម្ពុជា បានច្រានចោលទាំងស្រុងនូវព័ត៌មានក្លែង ក្លាយ ដែលបានផ្សព្វផ្សាយថា លោក មិញ សុធីវណ្ណ (ហៅ តូ) ជាតន្ត្រីករ និងមានតួនាទីជាឧត្តមសេនីយ៍នៅក្រសួង មហាផ្ទៃផងបានឆ្លងជំងឺកូវីដ-១៩ ពីភរិយា ។
លោកស្រីវេជ្ជបណ្ឌិត ឱ វណ្ណឌីន នាល្ងាចថ្ងៃទី២៧ ខែកក្កដានេះបានប្រាប់កាសែតថា “ខ្ញុំសូមច្រានចោលទាំងស្រុងនូវព័ត៌មានមិនពិតនេះ។ មិនមានករណីបែបនេះឡើយ ហើយក្រសួងតែងតែផ្តល់បច្ចុប្បន្នភាពពីស្ថានភាពកូវីដ-១៩នៅកម្ពុជា ដោយភាពជាក់លាក់ និងមានតម្លាភាព។ ខ្ញុំសូមអាជ្ញាធរមានសមត្ថកិច្ចជួយចាត់ការលើជនបំពុលសង្គមនេះផង”។
សូមបញ្ជាក់ថា ថ្មីៗនេះមានការផ្សាយថា តាមពត៌មានក្រៅផ្លូវការពីក្មួយបង្កើតរបស់មិញសុធីវណ្ណ(តូ) អ្នកលេងភ្លេង និងជាឧត្តម សេនីយ៍នៅក្រសួងមហាផ្ទៃ បានប្រាប់កូនគាត់ថា គាត់បានឆ្លងកូវីដ ពីប្រពន្ធគាត់ដែលទើបនឹងមកពីអាមេរិកថ្មីៗនេះ (same flight with the 2 US diplomats tested positive for COVID-19) ហើយគាត់ទើបទទួល លទ្ធផលធ្វើតេសនៅថ្ងៃនេះ។ គាត់រស់នៅបុរីប៉េងហួតបឹងស្នោ ហើយឥឡូវនេះ អង្គភាពធ្វើការរបស់គាត់នៅក្រសួង មហាផ្ទៃ បានបញ្ជាឲ្យបិទ៣ថ្ងៃ តែគាត់អាចចម្លងទៅក្រុមគ្រួសារ កូនរបស់គាត់ សហការីរួមការងារ និងសហគមន៍នៅក្នុងបុរី ដែលគាត់រស់នៅ ដោយសាគាត់បានចូលរួមពិធីជប់លៀង និងការជួបជុំគ្នាជាហូរហែររយៈពេលប៉ុន្មានថ្ងៃមុននេះ។
តាមបាយការណ៏ប្រចាំថ្ងៃពីយករដ្ឋានប្រយុទ្ធជម្ងឺឆ្លង នៃក្រសួងសុខាភិបាលបានឲ្យដឹងថា គិតត្រឹមវេលាម៉ោង៩ព្រឹក ថ្ងៃទី២៧ ខែកក្កដា ឆ្នាំ២០២០ មានអ្នកជាសះស្បើយចំនួន៤នាក់ ហើយពុំរកឃើញករណីឆ្លងថ្មីទេ។ ដូច្នេះចំនួនអ្នកឆ្លងសរុបចំនួន២២៥នាក់ អ្នកសំរាកនៅពេទ្យចំនួន៧៨នាក់ ហើយជាសះស្បើយសរុប ចំនួន១៤៧នាក់ មិនមានករណីស្លាប់ទេ។តែយ៉ាងណាប្រជាពលរដ្ឋត្រូវចេះការពារខ្លួនដោយខ្លួនឯងផង!។