វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3027 នាក់
ម្សិលមិញ 6501 នាក់
សរុប 13951582 នាក់
បន្ទាយមានជ័យ ៖ ដូនចាស់វ័យ៨០ឆ្នាំម្នាក់ពិការជើងគ្មានកូនចៅត្រូវបានប្រជាពលរដ្ឋឃើញ លង់ទឹកប្រឡាយមុខផ្ទះស្លាប់កាលពីវេលាម៉ោង១១និង៣០នាទីព្រឹកថ្ងៃទី៨ ខែកក្កដាឆ្នាំ២០២០ នៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ។
ករណីយ៍នេះលោកវរសេនីយ៍ឯកសៅ សារឿន អធិការនគរបាលស្រុកថ្មពួក បានឲ្យដឹងថា ជនរងគ្រោះឈ្មោះ ញឹប ខួម អាយុ៨០ឆ្នាំ មុខរបរដើររើសអេតចាយជនពិការជើងខាងឆ្វេង។ គាត់មានស្មារតីវង្វេង រស់នៅម្នាក់ឯង គ្មានកូនចៅគាត់ចូលចិត្តចិញ្ចឹមឆ្កែច្រើន។លោកយាយរស់មកដល់សព្វថ្ងៃនេះដោយសប្បុរសជនគេជូនបាយទឹកគាត់នៅក្បែរវត្ត រស់នៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ។
លោកអធិការបានបញ្ជាក់ថា នៅមុនពេលកើតហេតុ មានក្មេងបានដើរកាត់មុខផ្ទះរបស់គាត់ក៏ប្រទះឃើញសពលោកយាយនៅក្នុងប្រឡាយក៏រត់មកប្រាប់ចាស់ទុំទៅមើលនិងស្រង់សពដាក់លើគោក។ នគរបាលជំនាញនិងប៉ុស្តិ៍រដ្ឋបាល បានសហការជាគ្រូពេទ្យធ្វើការពិនិត្យសពបានធ្វើការសន្និដ្ឋានថា សពនេះពិតជាស្លាប់ដោយសារលង់ទឹកពិតប្រាកដព្រោះសំអាងថា ជនរងគ្រោះចុះដងទឹកបានរអិលខ្លួនធ្លាក់ចូលប្រឡាយ ដោយគ្មានអ្នកណាដឹង ម្យ៉ាងវិញទៀតគាត់ចាស់ជរា វង្វេងស្មារតីទៀតគ្មានពាក់ព័ន្ធក្នុងបទល្មើសទេ។ សពក្រោយពីពិនិត្យរួចបានប្រគល់ជូនអាចារ្យវត្តក្បែរផ្ទះ ដើម្បីចាត់ចែងធ្វើបុណ្យតាមប្រពៃណី។