វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2650 នាក់
ម្សិលមិញ 4292 នាក់
សរុប 14112349 នាក់
ប្រទេសជប៉ុន៖ ថា ប្រទេសជប៉ុននឹងមិនចូលរួមជាមួយសហរដ្ឋអាមេរិក អង់គ្លេស និងប្រទេសដទៃទៀត ក្នុងការចេញសេចក្តីថ្លែងការណ៍រួមគ្នាមួយ ដើម្បីស្តីបន្ទោសប្រទេសចិន ចំពោះការដាក់ចេញនូវច្បាប់សន្តិសុខថ្មី សម្រាប់ទីក្រុងហុងកុង ។នេះបើតាមទីភ្នាក់ងារសារព័ត៌មានក្យូដូ រាយការណ៍កាលពីថ្ងៃអាទិត្យទី៧មិថុនា២០២០។
ចក្រភពអង់គ្លេស សហរដ្ឋអាមេរិកអូស្ត្រាលី និងកាណាដា បានថ្កោលទោសប្រទេសចិន កាលពីថ្ងៃទី២៨ ខែឧសភា ពីបទដាក់ចេញនូវច្បាប់មួយ ដែលពួកគេបាននិយាយថា នឹងគំរាមកំហែងដល់សេរីភាព និងរំលោភលើកិច្ចព្រមព្រៀងចិន-អង់គ្លេស ឆ្នាំ១៩៨៤ ស្តីពីស្វ័យភាពរបស់អតីតដែនដីអាណានិគម ។ តែទីក្រុងតូក្យូបានចេញសេចក្តីថ្លែងការណ៍ដាច់ដោយឡែកមួយរបស់ខ្លួន កាលពីថ្ងៃទី២៨ ខែឧសភា ជាថ្ងៃដែលសភាចិនបានអនុម័តច្បាប់សន្តិសុខជាតិ ដោយនិយាយថា ប្រទេសជប៉ុនមានការព្រួយបារម្ភយ៉ាងខ្លាំងចំពោះចំណាត់ការនេះ ដែលក្រុមអ្នកសង្កេតការណ៍បារម្ភថា អាចបង្កគ្រោះថ្នាក់ដល់ស្វ័យភាពពិសេស និងសេរីភាពរបស់ហុងកុង ។
ទីក្រុងតូក្យូស្ថិតក្នុងស្ថានភាពស្មុគស្មាញ ចំពេលមានភាពតានតឹងរវាងចិន និងអាមេរិក ជុំវិញបញ្ហាហុងកុង។ជប៉ុនកំពុងរៀបចំដំណើរទស្សនកិច្ចផ្លូវរដ្ឋរបស់ប្រធានាធិបតីចិនលោក ស៊ី ជីនពីង ដែលគ្រោងធ្វើកាលពីដើមខែមេសា ប៉ុន្តែត្រូវបានពន្យារពេលដោយសារមេដឹកនាំរវល់រឿងទប់ស្កាត់ជម្ងឺកូវិដ១៩។តាមអ្នកវិភាកវាយតម្លៃថាជប៉ុនដែលជាប្រទេសសំខាន់នៅតំបន់អាស៊ីត្រូវការចិនជាងអាមេរិកជួយដើម្បីស្តាសេដ្ឋកិច្ចឡើងវិញក្រោយពីគារធូស្រាលជម្ងឺកូវិដ១៩។