វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7682 នាក់
ម្សិលមិញ 5020 នាក់
សរុប 14123129 នាក់
សៀមរាប៖ លោក លី សំរិទ្ធអភិបាលរងខេត្តសៀមរាប បានឱ្យដឹងថា យ៉ាងហោចណាស់ មានសណ្ឋាគារ និងផ្ទះសំណាក់ ប្រមាណ ជាង ១០០ ត្រូវបានបិទទ្វា ក្នុងអំឡុងពេលនៃការរីករាលដាលនៃជំងឺកូវីដ-១៩។
ថ្លែងនៅក្នុងសន្និសីទសារព័ត៌មាន ស្តីពីវឌ្ឈនភាពខេត្តសៀមរាប ដែលរៀបចំដោយ អង្គភាពអ្នកនាំពាក្យរាជរដ្ឋាភិបាលកម្ពុជា នៅថ្ងៃទី ០២ ខែមិថុនា ឆ្នាំ ២០២០នេះ លោក លី សំរិទ្ធ អភិបាលរងខេត្ត សៀមរាប ថា ចាប់ពីដើមឆ្នាំ ២០២០ នេះមក ភ្ញៀវទេសចរណ៍ បានធ្លាក់ចុះយ៉ាងគំហុក ដែលនាំឱ្យអាជីវកម្មជាច្រើន ដូចជាសណ្ឋាគារ ផ្ទះសំណាក់ ប្រឈមនឹងការបិទ្វា និងព្យួរការងារ។
ឯលោកម៉ូវសេងកាក់ ប្រធានមន្ទីរទេសចរណ៍ខេត្តសៀមរាប ក៏បានបញ្ជាក់ឱ្យដឹងដែរថា ក្នុងដំណាក់កាលកូវីដ-១៩បុគ្គលិកបម្រើការងារក្នុងវ័យទេសចរណ៍ដោយផ្ទាល់ ប្រមាណ ៨ម៉ឺននាក់ និងដោយប្រយោលទទួលបានផលប្រយោជន៍ជាង ៣០ ម៉ឺននាក់។ ឯអាជីវកម្មសណ្ឋាគារសព្វថ្ងៃ មានចំនួន ២៣០ ហើយ មានព្យួរ ១៧២ និងបិទ ១៨ កន្លែង។ ទោះជាយ៉ាងណាលោកថា អាជីវកម្មសណ្ឋាគារ នៅមាន ៤០កន្លែងកំពុងដំណើរការនៅឡើយ។ ផ្ទះសំណាក់ ២៦១ ដំណើរការអាជីវកម្ម ចំនួន ៦៦ បិទ ៩៦ និងផ្អាក ៩៩។ ឯភោជនីយដ្ឋាននៅដំណើរធម្មតា។លោក លី សំ រិទ្ធ បានបន្ថែមថា ការថយចុះបន្ទាប់ពីមានការផ្ទុះ ហើយការហោះហើរទាំងអស់ ត្រូវបានបិទ៕