វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5656 នាក់
ម្សិលមិញ 6001 នាក់
សរុប 13878486 នាក់
អន្តរជាតិ៖ ថ្ងៃនេះកិច្ចប្រជុំសភាប្រជាជនចិនបាន អនុម័តជាឯកច្ឆន្ទ័ទៅលើច្បាប់សន្តិសុខជាតិ សម្រាប់ទីក្រុងហុងកុងហើយ។ទីភ្នាក់ងារសារព័ត៌មានចិន Xinhua បានរាយរណ៍ថា សមាជិកសភាប្រជាជនចិនក្នុងសម័យប្រជុំលើកទី១៣របស់ខ្លួន បានអនុម័តទៅលើសេចក្តីសម្រេច ដើម្បីបង្កើត និងជម្រុញការពង្រឹង សន្តិសុខ សណ្តាប់ធ្នាប់ ប្រពន្ធ័ច្បាប់ និងយន្តការ សម្រាប់ទីក្រុងហុងកុង តាមរយៈការអនុវត្តន៍ច្បាប់ ស្តីពីសន្តិសុខជាតិ។
ច្បាប់នេះនឹងដាក់ទណ្ឌកម្មយ៉ាងធ្ងន់ធ្ងរ ទៅលើបុគ្គលណាមួយ ឬក្រុមណាមួយ ដែលបង្កអំពើរ ដែលប្រព្រឹត្តឲ្យមានចលាចល ការបះបោរ និងភេរវកម្ម ជាការប្រឆាំងទៅនឹងរដ្ឋាភិបាលចិន។កាលពីម្សិលមិញនេះក្នុងការបង្ក្រាបទៅលើហ្វូងបាតុកររាប់ពាន់នាក់ ដែលមានកំហឹង ធ្វើបាតុកម្មប្រឆាំងនឹងច្បាប់នេះ មានមនុស្ស៣៦០នាក់ ត្រូវបានចាប់ខ្លួន។មេដឹកនាំកោះហុងកុង លោកស្រី ឃែរី ឡាំ (Carrie Lam) អះអាងថា ច្បាប់សន្តិសុខថ្មីរបស់ចិននឹងមិនដកហូតសេរីភាពរបស់ជនជាតិហុងកុងទេ ។តែអាមេរិក បានចោទប្រកាន់ថា ច្បាប់នេះគឺបានរំលោភទៅលើស្វយ័ភាពរបស់ទីក្រុងហុងកុង ។
លោក Mike Pompeo រដ្ឋមន្ត្រីក្រសួងការបរទេសអាមេរិកថ្លែងក្នុងសេចក្តីប្រកាសថា “គ្មាននរណាម្នាក់អាចអះអាងនៅថ្ងៃនេះថា ហុងកុងនៅតែទទួលបានស្វ័យភាពខ្ពស់ពីចិនឡើយ”។ការកំណត់ថាហុងកុងមិនទទួលបានស្វ័យភាព មានន័យថា ហុងកុងអាចនឹងបាត់បង់សិទ្ធិពាណិជ្ជកម្ម រួមមានការយកពន្ធទាបពីសហរដ្ឋអាមេរិក។ប្រទេសចិននឹងខាត់លុយរាប់ពាន់លានដុល្លារអាមេរិកដែលធ្លាប់ប្រើដែនដីហុងកុងរកស៊ីជាមួយអាមេរិក។នេះមិនទាន់និយាយពីក្រុមហ៊ុនបរទេសរើចេញក្រោយពីបាត់សិទ្ធនោះឡើយ។
លោកដាវិដស្ទីវែល( David Stilwell )មន្ត្រីជាន់ខ្ពស់ក្រសួងការបរទេសសម្រាប់កិច្ចការអាស៊ីខាងកើតបានថ្លែងថា ប្រធានាធិបតី ដូណាល់ ត្រាំ នឹងធ្វើការសម្រេចចិត្តថានឹងចាត់វិធានការអ្វី។លោកបានថ្លែងប្រាប់អ្នកសារពត៌មានថា “ជំហានដំបូងនឹងត្រូវពិចារណា ហើយវានឹងជាគោលដៅ សម្រាប់ឲ្យចិនធ្វើការផ្លាស់ប្តូរអាកប្បកិរិយា”។ តែ លោកក៏ទទួលស្គាល់ថា វាមិនទំនងសោះដែលទីក្រុងប៉េកាំងនឹងផ្លាស់ប្តូរឥរិយាបទ។លោកថ្លែងថា អាមេរិចមិនចង់ធ្វើបាបប្រជាជនហុងកុងឡើយ។ “វាជាការសម្រេចចិត្តរបស់រដ្ឋាភិបាលក្នុងទីក្រុងប៉េកាំង មិនមែនការសម្រេចចិត្តរបស់អាមេរិចឡើយ”។
ទីក្រុងហុងកុង ត្រូវបានអង់គ្លេសប្រគល់ទៅឲ្យចិនវិញក្នុងឆ្នាំ ១៩៩៧ ក្រោមកិច្ចព្រមព្រៀងផ្តល់ស្វ័យភាព និងសិទ្ធិសេរីភាពដល់ទីក្រុងនេះសម្រាប់រយៈពេល ៥០ឆ្នាំ។ទីក្រុងហុងកុង ត្រូវបានអង់គ្លេសប្រគល់មកឲ្យប្រទេសចិន ដែលជាម្ចាស់របស់ខ្លួនវិញកាលពីឆ្នាំ១៩៩៧ដោយមានកិច្ចសន្យាថាហុងកុងត្រូវរស់នៅតាមរបៀបប្រទេសមួយប្រពន្ធ័គ្រប់គ្រង២រយៈពេល៥០ឆ្នាំទៀត៕