វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2563 នាក់
ម្សិលមិញ 6001 នាក់
សរុប 13875393 នាក់
ភ្នំពេញ៖គិតត្រឹមម៉ោង ៨ និង៤៥នាទីព្រឹក ថ្ងៃទី ២៨ មីនា ២០២០ កម្ពុជាបានរកឃើញអ្នកជំងឺ កូវីដ ១៩ ចំនួន ៤នាក់ថ្មី (ជនជាតិខ្មែរមកពីស្រុកបារាំង)សរុបទាំងអស់ប្រទេសយើងមានចំនួន ១០២ ករណី និងបានព្យាបាលជាសះស្បើយចំនួន២នាក់ទៀត ស្លាប់គ្មាន ។
ក្នុងចំណោមអ្នកជាសះស្បើយទាំង ១៣ រួមមាន៖ បុរសជនជាតិ ១នាក់ ស្ត្រីជនជាតិអង់គ្លេស ១នាក់ បុរសជនជាតិខ្មែរ ១១នាក់ ដោយគិតចាប់ពីខែមករា រហូតមកដល់បច្ចុប្បន្ននេះ ។ដោយឡែគនៅយប់ថ្ងៃទី២៧ មីនា កម្ពុជាពុំបានរកឃើញញករណីថ្មីទេ នេះជាលើកទី១ ហើយដែលកម្ពុជា យើងមិនបានរកឃើញករណីថ្មី ។
សម្រាប់ជំនួយប្រឆាំងកូវិដ១៩វិញនៅថ្ងៃទី២៨ ខែមីនា ឆ្នាំ២០២០ កញ្ចប់ធ្វើតេស្តដែលជាអំណោយប្រគល់ជូនដោយមូលនីធិ ជែកម៉ា (Jack Ma) និងមូលនីធិ អាលីបាបា (Alibaba Foundation) បានមកដល់អាកាសយានដ្ឋានអន្តរជាតិភ្នំពេញនាថ្ងៃនេះ ដើម្បីគាំទ្រដល់កិច្ចខិតខំប្រឹងប្រែងរបស់កម្ពុជាក្នុងការប្រយុទ្ធប្រឆាំងនឹងមេរោគរាតត្បាតកូវីដ-១៩។
ក្នុងពិធីប្រគល់ទទួលធ្វើឡើងដោយ ឯកឧត្តម វ៉ាង វិនធាន (Wang Wentian) ឯកអគ្គរដ្ឋទូតចិនប្រចាំនៅកម្ពុជានិងឯកឧត្តមសាស្ត្រាចារ្យវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាលនៃប្រទេសកម្ពុជានៅឯទីស្តីការក្រសួងសុខាភិបាល។ ហើយក្រសួងសុខាភិបាលកម្ពុជានឹងបែងចែកឧបករណ៍ធ្វើតេស្តទាំងនេះទៅទូទាំងប្រទេសកម្ពុជា។
អំណោយប្រគល់ជូនប្រទេសកម្ពុជាលើកនេះ គឺជាផ្នែកមួយនៃការប្តេជ្ញាចិត្តពីសំណាក់មូលនីធិទាំងនេះក្នុងការផ្តល់ជូននូវសម្ភារវេជ្ជសាស្ត្រទៅដល់ប្រទេសនៅអាស៊ីចំនួន ១០ប្រទេស ដែលទើបបានប្រកាសនៅថ្ងៃទី ២១ ខែមីនា រួមមាន៖ អាហ្គានីស្ថាន បង់ក្លាដេស ឡាវ ម៉ាល់ឌីវ ម៉ុងហ្គោលី មីយ៉ាន់ម៉ា នេប៉ាល់ ប៉ាគីស្ថាន និងស្រីលង្ការ។ ជប្រទេសទាំង ១០នេះនឹងទទួលម៉ាសសរុបចំនួ ន ១,៨ លានបន្ទះ, កញ្ចប់ធ្វើតេស្តចំនួន ២១០ ០០០ កញ្ចប់, និងសំលៀកបំពាក់ការពារខ្លួនចំនួន ៣៦ ០០០ សម្រាប់ ក៏ដូចជាឧបករណ៍វេជ្ជសាស្ត្រសំខាន់ៗដ៏ទៃទៀតដូចជា កង្ហារខ្យល់ និងទែរម៉ូម៉ែត្រវាស់កម្តៅថ្ងាស់។
សូមបញ្ជាក់ថាសាកលវិទ្យាល័យអាមេរិក ចនស៍ ហប់ឃីនស៍ (Johns Hopkins) ដែលកំពុងតាមដានជាប្រចាំចំពោះករណីឆ្លងជំងឺ COVID-19 នៅក្នុងសហរដ្ឋអាមេរិក និងទូទាំងពិភពលោកទាំងមូល បានបញ្ចេញតួលេខថ្មីប្រចាំថ្ងៃរបស់ខ្លួនឲ្យដឹងថា ចំនួនអ្នកឆ្លង COVID-19 លើពិភពលោកបានកើនឡើងដល់ ៦០១,៤៧៨នាក់ ក្នុងនោះអ្នកជំងឺ ២៧,៨៦២នាក់ស្លាប់ និងជាង ១៣០,០០០នាក់ជាសះស្បើយ។ នេះបើតាមភ្នាក់ងារពត៍មានស៊ីនហួរ ចេញវេលាម៉ោង ៥៖០០នាទីល្ងាចថ្ងៃសៅរ៍ ទី២៨ ខែមីនា ឆ្នាំ២០២០។
ប្រទេសដែលមានករណីឆ្លងច្រើនជាងគេបំផុត នៅលើពិភពលោកពេលនេះគឺសហរដ្ឋអាមេរិក ដោយនៅទូទាំងរដ្ឋចំនួន ៥០ មានការឆ្លងសរុប ១០៤,០០០ករណី ខណៈប្រទេសអ៉ីតាលីស្ថិតនៅទ្វីបអឺរ៉ុបវិញ ជាប្រទេសមានមនុស្សស្លាប់ច្រើនជាងគេបំផុត ដោយសារតែជំងឺ COVID-19 រហូតដល់ទៅជាង ៩,១០០នាក់ ដែលជាចំនួនច្រើនជាប្រទេសចិន រហូតទៅដល់ជិត ៣ដងឯណោះ។