វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1546 នាក់
ម្សិលមិញ 6359 នាក់
សរុប 14088179 នាក់
ភ្នំពេញ ៖ នៅព្រឹកថ្ងៃទី០៦ ខែមីនា ឆ្នាំ ២០២០ លោក ព្រាប សុវត្ថិ និង ប្រជាពលរដ្ឋតវ៉ាព្រមទាំង អាជ្ញា ធរបានជួប ដោះស្រាយ និង សម្រុះសម្រួលគ្នា ។ជាលទ្ធផល គឺ លោក ព្រាប សុវត្ថិ បានឯកភាពតាមសំណើររបស់ប្រជាពលរដ្ឋចំនួន៣ ចំណុច ។ ចំណែកឯមួយចំណុចទៀតគឺ មិនទាន់ត្រូវបានដោះស្រាយនៅឡើយ ទេ។
លោក ព្រាប សុវត្ថិ បានប្រាប់អ្នកសារព័ត៌មានឲ្យដឹងថា ចំពោះដំណោះស្រាយនាពេលនេះរវាង លោក និង ប្រជាពលរដ្ឋ បានឯកភាពគ្នា ដោះស្រាយចំនួន៣ចំណុចគឺ
ទី១/លោកសូម អធ្យាស្រ័យចំពោះការរំខានដោយសំឡេងរថយន្តដោយលើក ហេតុផលថា រថយន្តដែលលោកជិះ រាល់ថ្ងៃគឺទិញមកមានសំឡេងអញ្ចឹង។ ម្យ៉ាងទៀតពេលខ្លះលោកត្រូវមកពី ធ្វើការដល់ផ្ទះយប់ជ្រៅ ឬ ចេញទៅ ខេត្តអំឡុងម៉ោង ២ ,៣ ឬ ៤ ជាដើម ដូច្នេះលោកនឹងព្យាយាមធ្វើតាម ការ ស្នើសុំរបស់ប្រជាពលរដ្ឋ។
ទី២/ការសាងសង់រោងឈើធ្វើឲ្យប៉ះពា ល់លើផ្លូវត្រង់ចំណុចនេះ លោក ព្រាប សុវត្ថិ បានលើកហេតុផល ថា លោក គ្មានចេតនារំលោភលើផ្លូវនោះទេ ពោល គឺ មុនពេលសាងសង់លោក បានស្នើសុំការអនុញ្ញាតត្រឹមត្រូវពីអាជ្ញាធរ មូលដ្ឋាន និង ប្រជាពលរដ្ឋ ដែលមាន លំនៅឋាននៅទល់មុខនេះផងដែរ ។
លោកបញ្ជាក់ថា រោងឈើនេះគ្រាន់តែ ធ្វើបណ្ដោះអាសន្ន តែប៉ុណ្ណោះចំណែក ផលប៉ះពាលត្រូវតែមានខ្លះហើយ ដោយ សារ ពេលខ្លះក្រុមជាងឈើមានការធ្វវេស ប្រហែសក្នុងការរៀបចំទុកដាក់ ឲ្យបានត្រឹមត្រូវ ដូច្នេះគ្មានចេតនា បិទ ផ្លូវឡើយហើយពេលធ្វើរួច លោកនឹង ឲ្យគេរុះរើចេញវិញ។
ចំណុចទី៣/ ករណីចតរថយន្ដបិទផ្លូវ គ្មានសណ្ដាប់ធ្នាប់ត្រូវបាន លោក ព្រាប សុវត្ថិ បញ្ជាក់ថា លោកនឹងធ្វើកែប្រែ ឡើងវិញ តាមសំណើររបស់ប្រជាពល រដ្ឋដែលបានតវ៉ា ។
ដោយឡែកនៅរឿងមួយចំណុចទៀត គឺ ករណីសង់របងដែលពលរដ្ឋអះអាងថា បានសង់ចូលដីសាធារណៈនោះមិនត្រូវបានលោក ព្រាប សុវត្ថិ និង ពលរដ្ឋ ដោះស្រាយនៅឡើយទេ ព្រោះដោយ ទុកឲ្យអាជ្ញាធរ ឬ រដ្ឋ ជាអ្នកសម្រេចនៅ ពេលចុះវាស់វែងធ្វើផ្លូវទៅតាមប្លង់ដែល មានពីមុន ។