វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4820 នាក់
ម្សិលមិញ 4292 នាក់
សរុប 14114519 នាក់
ភ្នំពេញ៖ នារីម្នាក់ពេលជិះម៉ូតូចេញពីរាំលេងនៅក្នុងក្លឹបកម្សាន្តមួយកន្លែងក្នុងមូលដ្ឋានខណ្ឌសែនសុខ ជាមួយមិត្តភក្រ័ត្រូវជនសង្ស័យមួយក្រុមនោះជិះដេញតាមធាក់ផ្តួលនិងយកមួកសុវត្ថិភាពវាយក្បាលនារីរងគ្រោះត្រូវចំនួន៣មួកបណ្តាលឲ្យរងរបួសបែកក្បាល កាលពីវេលាម៉ោង២និង៣០យប់ឈានចូលថ្ងៃចន្ទ ១២រោច ខែបឋមាសាឍ ឆ្នាំច ព.ស២៥៦២ ត្រូវនឹង ថ្ងៃទី៩ ខែកក្កដា ឆ្នាំ២០១៨ ស្ថិតនៅចំណុចក្រោមស្ពានអាកាសផ្សារដីហុយ តាមបណ្តោយផ្លូវភ្នំពេញហាណូយ កែងនិងផ្លូវសហពន្ធរុស្សី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
ជនរងគ្រោះ បានឲ្យដឹងថាមុនកើតហេតុរូបគេទាំង៥នាក់បានជិះម៉ូតូ២គ្រឿងចូលទៅផឹកស៊ីនិងរាំលេងកំសាន្តនៅក្នុងក្លឹប។លុះបានផឹកស៊ីបន្តិចក្រោយក៏ប៉ះនិងក្រុមជនសង្ស័យមួយក្រុមមានគ្នា៥នាក់មានប្រុសមានស្រីហើយបានសំឡឹងមើលមុខគ្នាវិញទៅមក។លុះមកដល់ម៉ោង២និង៣០រំលងអាធ្រាត្រ ក៏បាននាំគ្នាចេញបំណងជិះម៉ូតូទៅផ្ទះនៅជម្ពូវន័ ខណ្ឌពោធិ៍សែនជ័យ ។
ជិះមកដល់ចំណុចកើតហេតុខាងលើស្រាប់តែលេចមុខជនសង្ស័យទាំង៥នាក់ជិះម៉ូតូ២គ្រឿង១គ្រឿងម៉ាកឌូកនិង១គ្រឿងម៉ាកហុងដាប៊ីតដោយមិនចាំស្លាកលេខបានជិះមកពីក្រោយហើយសង្ស័យដែលជិះម៉ូតូឌូកបានធ្វើសកម្មភាពធាក់ផ្តួលទៅលើម៉ូតូជនរងគ្រោះដួល ហើយបានយកមួកសុវត្ថភាពវាយទៅលើនារីម្នាក់ ដែលជាអ្នកបើកម៉ូតូត្រូវ៣មួកបណ្តាលអោយបែកក្បាលធ្វើជនរងគ្រោះមានការភ័យស្លន់ស្លោ។
ខណះនោះជនសង្ស័យម្នាក់បានប្រាប់ទៅបក្សពួករបស់ខ្លួនឲ្យលើកយកម៉តូតែយកមិនបានដោយសារប្រជាពលរដ្ឋរួមដំណើរមកពីក្រោយឃើញហេតុការណ៍នេះ ។
សមត្ថកិច្ចមូលដ្ឋានបានចុះមកដល់និងបានសួរនាំរឿងករណីវាយប្លន់ម៉ូតូនិងបាននាំជនរងគ្រោះមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់ទឹកថ្លាដើម្បី ស្វែងរកមុខសញ្ញាជនសង្ស័យមកផ្តន្ទាទោសទៅតាមច្បាប់ ។