» សម្តេច​តេ​ជោ​គាំទ្រ​តា​ស៊ុ​ច​និង​រំលើកគុណ​បំណាច់​ជួយ​អតីត​នាយករដ្ឋមន្ត្រី​ថៃ​ » ក្រុម​ឥស្លាម​និកាយ​ស៊ី​អ៊ី​ត​នៅ​អ៊ីរ៉ាក​ព្រមាន​វាយប្រហារ​ផលប្រយោជន៍​អាមេរិក​បើ​ហ៊ាន​វាយ​អ៊ីរ៉ង់​ » លោក​ឧបនាយករដ្ឋមន្ត្រី ទៀ សីហា សង្ឃឹមថា កម្ពុជា​-​វៀតណាម នឹង​ជំរុញ​ការដោះស្រាយ​បញ្ហា​ព្រំដែន​ដែល​នៅ​សេសសល់​ឱ្យបាន​ឆាប់រហ័ស » សម័យ​ហ្វេ​ស​ប៊ុ​ក​កុំ​ទុកចិត្ត​មេឃ​កុំ​ទុកចិត្ត​ផ្កាយ​កុំ​ទុកចិត្ត​ប្រពន្ធ​ថា​គ្មាន​សា​ហាយ​បើ​មិន​នៅ​ជិត​ » សម្តេច​បវរ​ធិបតី ហ៊ុន ម៉ា​ណែ​ត ប្រកាស​ស្វាគមន៍​និមន្ត​ព្រះ​តេជគុណ (​លោក​ឪ​ស៊ុ​ច​) មក​រស់នៅ​ប្រទេស​កម្ពុជា​គ្រប់ពេល​ » សម្ដេច​តេ​ជោ ផ្ញើ​ពាក្យ ទៅ​ប្រធាន​ប្តូរ​វេន​អាស៊ាន នាយករដ្ឋមន្ដ្រី​ម៉ាឡេស៊ីរ​អំពី​ជម្លោះព្រំដែន​កម្ពុជា​-​ថៃ​ » ឃាត់ខ្លួន​ជនបរទេស​ម្នាក​ករណី​ដឹកជញ្ជូន​កញ្ឆា​ក្រៀម​ជិត ២០​គីឡូក្រាម » សម្លេង​ចរចា​ប្រហារ​រដ្ឋាភិបាល​ថៃ​របស់​សម្តេច​តេ​ជោ​បានឬអត់? » តារា​ល្បុកតោ​កញ្ញា​ពេជ្រចរណៃ​ប្រឈម​នឹង​ការខូចខាត​រាប់សែន​ដុល្លារ​អាមេរិក​បន្ទាប់ពី​អគ្គិភ័យ​ឆេះ​អាហារ​ដ្ឋា​ន » មាន​មនុស្ស​មក​បំពាន​ចាក់ដី​លុប​ទំនប់​មេទឹក​ឃុំ​តា​សាល​ស្រុក​ឱ​រ៉ា​ល់​ខេត្តកំពង់ស្ពឺ​យក​ធ្វើ​កម្ម​សិទ្ធ​អាជ្ញាធរ​ប៉ក់​ល្វើយ​ » សម្លេង​ចរចា​រវាង​តេ​ជោ​ហ៊ុនសែន​និង​អ្នកស្រី​ផែ​តង​តាន​ដែល​បែក​ទម្លាយ​ធ្វើ​ឲ្យ​ផ្ទៃក្នុង​ថៃ​ជ្រួលច្របល់​! » នាយករដ្ឋមន្ត្រី​អះអាងថា អត់​រាថយ​ទេ ក្នុងការ​ប្រើប្រាស់​យន្តកា​រ ICJ ដោះស្រាយ​បញ្ហា​ទាំង​៤ ជាមួយ​ថៃ » បុរស​ម្នាក់​ត្រូវបាន​សម្លាប់ នៅ​សង្កាត់​វាល​ពង់ ក្រុង​ឧដុង្គ​ម៉ែ​ជ័យ​តែ​កន្លងទៅ​មួយឆ្នាំ​ហើយ​ឃាតក​មិនទាន់​ចាប់បាន » រឿង​ព្រុំដែន​នាយករដ្ឋមន្ត្រី ហ៊ុន ម៉ា​ណែ​ត​រុញ​បាល់​ឲ្យ «​យោធា​ថៃ​d​ដែល​ធ្លាប់មាន​រៀង​អាស្រូវ​ទាត់​! » ប្រទេស​ហ្សេ​៧​កាន់ជើង​អ៊ីស្រាអែល​ចិន​ថា​អាមេរិក​យក​សាំង​ដាក់​ភ្លើង​ប៉ា​គី​ស្ថាន បិទ​ព្រំដែន​គោក​ជាមួយ​អ៉ី​រ៉ង់

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 155 នាក់

ម្សិលមិញ 6243 នាក់

សរុប 16966376 នាក់

សមាគម​រោងចក្រ​ថា​នឹង​ជជែក​គ្នា​រឿង​បិទ​រោងចក្រ​ជាមួយ​កម្មករ​និង​រដ្ឋាភិបាល​

 

​ភ្នំពេញ​៖ រោងចក្រ​កាត់ដេរ​សម្លៀកបំពាក់ និង​ស្បែកជើង​មួយចំនួន​នៅ​កម្ពុជា អាច​នឹងត្រូវ​ផ្អាក​ដំណើរការ​រយៈពេល​១ ឬ​២​ខែ ចាប់ពី​ចុងខែ​កុម្ភៈ​នេះ ដោយសារ​ខ្វះ​វត្ថុធាតុដើម ដែល​ត្រូវ​នាំចូល​ពី​ប្រទេស​ចិន ខណៈ​រោងចក្រ​នៅ​ប្រទេស​ចិន​បាន​ផ្អាក ដោយសារ​ការរីក​រាល​ដាល នៃ​ជំងឺ​រលាក​សួត បង្កឡើង​ដោយ​វីរុស​កូ​រ៉ូ​ណា​មិនមែន​ដោយសារ​EBA​ទេ​។​a eba close1 

នេះ​បើតាម​សេចក្ដីថ្លែងការណ៍​របស់​ខ្លួន​ចុះ​ថ្ងៃទី​១១ ខែកុម្ភៈ​​សមាគម​រោងចក្រ​កាត់ដេរ​នៅ​កម្ពុជា (GMAC)​។​GMAC បាន​បញ្ជាក់ថា បញ្ហា​វីរុស​កូ​រ៉ូ​ណា ដែល​បាន​រីក​រាលដាល​នៅក្នុង​ប្រទេស​ចិន ធ្វើ​ឲ្យ​រោងចក្រ​ផលិត​វត្ថុធាតុដើម និង​ក្រុមហ៊ុន​ផ្តល់​សេវា​ជាច្រើន បាន​បិទ​ដំណើរការ​ជា​បណ្តោះអាសន្ន ហើយ​ប្រហែលជា​រហូតដល់​ចុងខែ​កុម្ភៈ​នេះ ទើប​អាច​ចាប់ផ្តើម ដំណើរការ​ឡើងវិញ ដែល​បញ្ហា​នេះ​នឹង​បង្កឱ្យមាន​ផលប៉ះពាល់​ចង្វាក់​ផ្គត់ផ្គង់ ដល់​រោងចក្រ​នៅ​កម្ពុជា​។

GMAC បានបញ្ជាក់​ទៀតថា “​សម្រាប់​រោងចក្រ​មួយចំនួន​វត្ថុធាតុដើម​នៅក្នុង​ស្តុក សម្រាប់​ផលិតកម្ម​អាច​នឹង​អស់ នៅត្រឹម​សប្តាហ៍​ក្រោយ ឬ​សប្តាហ៍​បន្ទាប់ ហើយ​ការបិទ​រោងចក្រ​បណ្តោះអាសន្ន នៅ​ប្រទេស​ចិន​អាច​នឹង​ធ្វើឱ្យ​រោងចក្រ​មួយចំនួន​ខ្វះ​វត្ថុធាតុដើម នៅ​ចុងខែ​ក្រោយនេះ និង​ក្នុង​ខែមីនា​ខាងមុខ​។ ប្រឈម​នឹង​បញ្ហា​នេះ រោងចក្រ​គ្មាន​ជម្រើស​អ្វី​ក្រៅពី​ការផ្អាក ប្រតិបត្តិការ​ផលិតក​ម្ម​ជា​បណ្តោះអាសន្ន ដែលមាន​រយៈ​ពេញ​១​ខែ​ពេញ ឬ​ដល់​២​ខែ​”​។​
​សមាគម​រោងចក្រ បាន​ឲ្យ​ដឹង​ទៀតថា ចំពោះ​នីតិវិធី​នៃ​ការផ្អាក​បណ្តោះអាសន្ន គ្រប់​រោងចក្រ​ទាំងនោះ​នឹងត្រូវ​អនុវត្តតាម​នីតិ​វិធី​ច្បាប់​ជា​ធរមាន ដោយមាន​ការចរចា​ពិភាក្សា និង​ព្រមព្រៀងគ្នា​រវាង​កម្មករ​និយោជិត និង​ថ្នាក់​គ្រប់គ្រង​រោងចក្រ ក្រោម​ការត្រួតពិនិត្យ និង​ការអនុញ្ញាត​ពី​អធិការ​ការងារ​។​

​ទាក់ទង​បញ្ហា​រោងចក្រ​ផ្អាក​សកម្មភាព​នេះដែរ​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​មានប្រសាសន៍​នៅក្នុង​ពិធីបើកការដ្ឋាន​ស្តារ និង​សាងសង់​ផ្លូវជាតិ​លេខ​២ និង​លេខ​២២ កាលពី​ព្រឹក​ថ្ងៃទី​១១ ខែកុម្ភៈ ឆ្នាំ​២០២០​ថា​៖ ប្រសិនបើ​ប៉ុន្មាន​សប្តាហ៍​ខាងមុខនេះ មាន​ករណី​បិទ​រោងចក្រ​កាត់ដេរ​មួយចំនួន​នៅ​កម្ពុជា​នោះ សូម​ប្រជាពលរដ្ឋ​កុំ​យល់ច្រឡំ​ថា បិទ​ដោយសារ​ឥទ្ធិពល​នៃ​ទណ្ឌកម្ម​របស់​អឺរ៉ុប ឬ​ការដក EBA ឲ្យ​សោះ រោងចក្រ​ទាំងនោះ​បិទ ដោយសារតែ​ខ្វះ​វត្ថុធាតុដើម​បម្រើ​ដល់​ការផលិត នាំចូល​ពី​ប្រទេស​ចិន ព្រោះតែ​ឥទ្ធិពល​នៃ​វីរុស​កូ​រ៉ូ​ណា​។​

 សូម​កូន ក្មួយ​កម្មករ កម្មការិនី កុំ​មានការ​ភិតភ័យ​ចំពោះ​ការផ្តាច់​ការអនុគ្រោះ​ពន្ធ​របស់​សហភាព​អឺរ៉ុប​ឱ្យសោះ ព្រោះថា​មិន ប៉ះពាល់​ដល់​កម្ពុជា​នោះទេ​។ សម្តេច​តេ​ជោ​បាន​បញ្ជាក់ថា “​សុំ​កុំ​មានការ​តក់​ស្ល​ត់​ឱ្យសោះ យើង​ត្រូវ​ពឹង​ដោយ​ខ្លួនឯង បើ​គេ​ឱ្យ​អុកស៊ីសែន​ជួយ យើង​យក ប៉ុន្តែ​យើង​ពឹង​ខ្លួន​គឺជា​ការល្អ​”​។ សម្តេច​តេ​ជោ​បាន​លើកឡើងថា ចំពោះ​ការផ្តាច់​EBA​នេះ ប្រទេស​ជា​សមាជិក​សហភាព អឺរ៉ុប​មួយចំនួន​ក៏​មិនត្រូវ​គ្នា​ផងដែរ​។ ក្នុង​ចំនួន​២៨​ប្រទេស គឺមាន​២៣​ប្រទេស ដែល​កម្ពុជា​បាន​នាំ អង្ករ​ចូលទៅ ហើយ​ប្រមាណ​៣០​ម៉ឺន​តោន​នាំចូល​។ ដូច្នេះ​ទាំង​មិន​បង់ពន្ធ ក៏​នាំចូល បង់ពន្ធ​ក៏​នាំចូល​។

សម្តេច​តេ​ជោ​បាន​បន្ថែមថា ការផ្តាច់​ប្រព័ន្ធ​អនុគ្រោះ​ពន្ធ​នេះ​ក៏​ជា​សង្គ្រាមចិត្តសាស្ត្រ​ដែល​កំពុង​វាយប្រហារ​មក​កម្ពុជា ប៉ុន្តែ​ក្នុងនាម​ជា​នាយករដ្ឋមន្ត្រី សូម​ក្មួយៗ​កុំ​កត់​ស្លុត ព្រោះ​ថាបើ​មានរឿង​អ្វី​នោះ​រហូតដល់​ខែសីហា​ខាងមុខ​ឯណោះ​។​

​សម្ដេច​តេ​ជោ​ថា “​រឿង​ដែល​ប៉ះពាល់​មុនគេ​គឺ​រឿង​ចំពោះ​រោងចក្រ​នៅ​កម្ពុជា​គឺ​ជំងឺ​កូ​រ៉ូ​ណា នៅ​ប្រទេស​ចិន ដែល​វត្ថុធាតុដើម​អាច​នឹង​ផ្គត់ផ្គង់​មិនទាន់​(​ទី​១) និង ទី​២ គឺ​បណ្តា​សណ្ឋាគារ​ទាំងអស់​អាច​នឹង​ទេសចរណ៍​ចិន មិន​ធ្វើ ដំណើរ​មក​។ អី​ញ្ចឹ​ង​ភោជនីយដ្ឋាន​លក់​មិន​ដាច់ អី​ញ្ចឹ​ង សុំ​កុំ​ឆ្ងល់​”​។ សម្ដេច​តេ​ជោ​ក៏បាន​កត់សម្គាល់​ឃើញថា អ្វីដែល​សំខាន់​នៅពេលនេះ​គឺ​ត្រូវ​រក​ថ្នាំ​សម្រាប់​ព្យាបាល​ជំងឺ​២​ប្រភេទ​នេះ​គឺ​មួយ​ប្រភេទ​រក​ឆ្នាំ​ព្យាបាល​ជំងឺ​កូ​រ៉ូ​ណា​ថ្មី ដែល​អង្គការ​សុខភាព ពិភពលោក និង​អ្នកឯកទេស​ចិន ក៏ដូចជា​ប្រទេស​ដ៏​ទៀត​កំពុង​ស្វែងរក​។ ចំពោះ​ប្រភេទ​ថ្នាំ​ទី​២ ដែល​ត្រូវ​រក ហើយ​មាន​ភាពងាយស្រួល​ទេ​គឺ​ថ្នាំ​ព្យាបាល​ជំងឺ​ភ័យខ្លាច​របស់​ប្រជាពលរដ្ឋ​៕a eba close a eba girl