វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8288 នាក់
ម្សិលមិញ 8227 នាក់
សរុប 14135169 នាក់
ភ្នំពេញ៖សាន្ត ប៊ុនធឿន ត្រូវសម្តេចតេជោព្រលះ១០០ៗរឿងLevi Videos ផ្សាយព័ត៌មានពេលផឹកស្រវឹង ក្នុងពេលសម្តេចជួប ជុំអ្នកសារព័ត៌មានជិត៦០០០នាក់ នៅកោះពេជ្រកាលពីរសៀល ថ្ងៃទី១៤មករា២០២០។ ឯអ្នកកាសែតស្ត្រីពីរនាក់ បានអាក់អន់ស្រពន់ចិត្តចំពោះសម្តេចតេជោ ហ៊ុន សែន ដែល មិនបានផ្តល់ឱកាសអោយពួកគេបញ្ចេញមតិរៀបរាប់ពីផល លំបាករបស់អ្នកកាសែតពេលចុះយកព័ត៌មានពិតមកផ្សព្វផ្សាយ ហើយត្រូវរងការគំរាមកំហែងពីអ្នកមានអំណាច ឬអាជ្ញាធរមានសមត្ថកិច្ច។
ក្នងឱកាសជួបសំណេះសំណាលក្នុង១ឆ្នាំមានម្តងរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា ជាមួយអ្នកសារព័ត៌មានខ្មែរនៅសាលមហោស្រប ពិព៌ណកោះពេជ្រ កាលពីថ្ងៃទី១៤មករា២០២០ នេះជាជំនួបលើកទី៤ហើយ ។ ក្រៅពីបានមានប្រសាសន៍វាយតម្លៃខ្ពស់លើការ រីកចំរើនលើវិស័យព័ត៌មានក្នងសម័យបច្ចេកវិទ្យាទំនើបនេះសម្តេចតេជោក៏បានស្តីបន្ទោសចំៗលើលោក សាន្ត ប៊ុនធឿន ចាងហ្វាងសារព័ត៌មាន សម្លេងស្នេហាជាតិ ពីករណីLevi Videos ផ្សាយព័ត៌មានពេលខ្លួនកំពុងស្រវឹង ដែលធ្វើអោយ ប៉ះពាល់ដល់សេចក្តីថ្លៃថ្នូរ និង កិត្តិយសរបស់អ្នកដទៃ ក៏ដូច ជាប៉ះពាល់ដល់ក្រមសីធម៌ វិជ្ជាជីវ:អ្នកសារព័ត៌មានផងដែរ។
លោក សាន្ត ប៊ុនធឿន រងការអាម៉ាសមុខតិចអីបើមានវត្តមាន អ្នកកាសែតជិត៦០០០នាក់ចូលរួម ។ ដោយឡែកក៏មានអ្នក កាសែតស្ត្រីពីររូបក៏បានបញ្ចេញមតិអាក់អន់ស្រពន់ចិត្ត ចំពោះ សម្តេចតេជោផងដែរ គឺអ្នកកាសែតស្រីឈ្មោះ Ly Na និងម្នាក់ទៀតមកពីខេត្តរតន:គិរី ចាងហ្វាងគេហទំព័រ ស្លាបប៉ាការអព្យាក្រឹត្យក៏បានគាំទ្រតាមការលើកឡើងរបស់អាខោនfacebook ឈ្មោះ Ly na ដែលបាននិយាយថា: និយាយតាមត្រង់បើជំនួបគ្រាន់តែញាំបាយមានម្ហូបហូរហ៊ា ហើយស្តាប់តែប្រសាសន៍ម្ខាងរបស់សម្តេច ខ្ញុំសុំឈប់ចូលរួម។
ខ្ញុំសុំយ៉ាងទទូចបើមានការជួបជុំរវាងអ្នកការសែតនិងរដ្ឋាភិបាល ឬមន្ត្រីរដ្ឋាភិបាល សំពះសុំស្តាប់ការលំបាករបស់អ្នកការសែតផង លំបាកអ្វី?។ ទី១ ព័ត៌មានពិតមិនបំភ្លៃនេះជាចំនុចគោលមួយដ៏ចាំបាច់ តើខ្ញុំក្នុងនាមជាអ្នកព័ត៌មានម្នាក់មានសិទ្ធគ្រប់គ្រាន់ឬនៅចំពោះវិជ្ជាជីវៈខ្លួនឯង អាចទេខ្ញុំផ្សាយព័ត៌មានពិត មិនមានបញ្ហាដល់ខ្លួន (មិននិយាយរឿងនយោបាយទេ) និយាយត្រឹមរឿងសង្គមបច្ចុប្បន្ន ។ពេលខ្លះក្រុមឈ្មួញត្រូវរ៉ូវជាមួយសមត្ថកិច្ចប្លន់យកដីរាស្ត្រ អ្នកការសែតទៅផ្សាយត្រូវមានការរឹតត្បឹត គំរាមកំហែង ឧទាហរណ៍ករណីនៅខេត្តបន្ទាយមានជ័យជាដើម។ ល។ នេះមានបណ្តាញសង្គមហ្វេសប៊ុកបានជ្រាប ដល់តេជោ ចុះបើរំពឹងអ្នកច្បាប់រាស្ត្រមិនស្តាប់ដោយអយុត្តិធម៌ហើយទេ? ។
ឆ្នាំក្រោយខ្ញុំសុំមិនចូលរួមបាយសាមគ្គីជាមួយនាយករដ្ឋមន្ត្រី មិនមែនខ្ញុំប្រឆាំងនិងការណាត់ជួបជារួមទេ តែមិនបានអោយអ្នកការសែតបានផ្តល់ព័ត៌មានពីសុខទុក្ខនិងភាពបិទបាំងរបស់មន្ត្រីថ្នាក់ក្រោមទៅរដ្ឋាភិបាល ខ្ញុំសុំមិនចូលរួម បើគ្រាន់តែញាំបាយផឹកស្រាស្តាប់ប្រសាសន៍សម្តេចតែម្ខាង ។ អរគុណសន្តិភាពដែលអោយខ្ញុំមានថ្ងៃនេះ តែខ្ញុំក៏ត្រូវការសន្តិភាពសម្រាប់បងប្អូនអ្នកកាសែតទូរទៅដែរ។