វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 115 នាក់
ម្សិលមិញ 6359 នាក់
សរុប 14086748 នាក់
ហ្វីលីពីន៖នៅល្ងាចថ្ងៃទី៨ ខែធ្នូ ឆ្នាំ២០១៩នេះ កញ្ញា ស៊ន សៀវម៉ី កីឡាការិនីតេក្វាន់ដូកម្ពុជា បានទទួលមេដាយមាស១គ្រឿង ដោយប្រកួតឈ្នះកីឡាការិនីហ្វីលីពីន នៅព្រឹត្តិការណ៍កីឡាអាស៊ានហ្កេម( SEA Games 2019) នៅទីក្រុងម៉ានីលដែលជាមេដាយមាសទី៣សម្រាប់នាង។
កញ្ញា ស៊ន សៀវម៉ី បានប្រកាសប្រាប់មហាជននៅលើទំព័រហ្វេសប៊ុកថា នេះជាមេដាយមាសទី៣របស់នាង សម្រាប់ជោគជ័យ និងកិត្តិយសនាំមកជូនប្រទេសកម្ពុជា។ «សូមអរគុណគ្រប់កម្លាំងចិត្ត។ នាងខ្ញុំយកមេដាយមាសបានហើយ។ នេះជាមេដាយមាសស៊ីហ្គេមទី៣របស់នាងខ្ញុំសូមជូនមេដាយនេះដល់ជនរួមជាតិកម្ពុជាគ្រប់រូប »។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាវិញ បានបង្ហោះសារអបអរសាទរកីឡាការិនីតេក្វាន់ដូកម្ពុជា កញ្ញា ស៊នសៀវម៉ីតាមរយៈហ្វេសប៊ុកថា«កម្ពុជាសូមអបអរសាទរ កីឡាការិនី ស៊ន សៀវម៉ី ដណ្តើមបានមេដាយមាស ខណៈកីឡាការិនី ២រូបទៀត ដណ្តើមបានត្រឹមប្រាក់សូមកោតសរសើរ និងអបអរសាទរ កីឡាការិនីតេក្វាន់ដូកម្ពុជា កញ្ញា ស៊ន សៀវម៉ី ដណ្តើមបានមេដាយមាស ១គ្រឿង នៅព្រឹត្តិការណ៍កីឡា SEA Games 2019 ក្រោយយកឈ្នះគូប្រជែងម្ចាស់ផ្ទះហ្វីលីពីននៅមុននេះបន្តិច។
កញ្ញា ស៊ន សៀវម៉ី បានទទួលមេដាយមាសពី SEA GAMES លើកទី១ នាឆ្នាំ២០១៣ នៅប្រទេសភូមា,។ លើកទី២ ទទួលបានមេដាយមាស ឆ្នាំ២០១ នាទីក្រុងកូឡាឡាំពួរ ប្រទេសម៉ាឡេស៊ី និងមេដាយទី៣ នៅហ្វីលីពីនម្តង។
សូមញ្ជាក់ដែរថា៖គិតមកត្រឹមថ្ងៃទី០៨ ខែធ្នូនេះ កម្ពុជាបានកើនមេដាយដល់ ៣៥គ្រឿងហើយក្នុងនោះមានមាស ៣, ប្រាក់ ៦ និងសំរឹទ្ធ ២៦ នៅក្នុងការប្រកួតកីឡាស៊ីហ្គេម(SEA Games) លើកទី៣០ ដែលប្រទេសហ្វីលីពីនធ្វើជាម្ចាស់ផ្ទះ។ នេះបើតាម លោក វ៉ាត់ ចំរើន នាយបេសកកម្មកីឡាស៊ីហ្គេមរបស់កម្ពុជាប្រាប់កាសែត ។
មេដាយ និងអត្តពលិក ដណ្ដើមបានមេដាយជូនជាតិ ពីព្រឹត្តិការណ៍កីឡាប្រចាំតំបន់ SEA Games 2019 នៅហ្វីលីពីន រួមមាន៖
• កីឡាគុនល្បុក្កតោ(ប្រកួតកីឡា Arnis) ឈ្នះមេដាយសរុប ២០គ្រឿង(មាស ១, ប្រាក់ ២ និងសំរឹទ្ធ ១៧) ។
• កីឡាប៉េតង់ ឈ្នះមេដាយមាស ១(វិញ្ញាសានារី ៣នាក់) និងប្រាក់ ១(វិញ្ញាសាវាគូបុរស) ។• កីឡាតេក្វាន់ដូ ឈ្នះមេដាយមាស ១ (ស៊ន សៀវម៉ី) និងមេដាយប្រាក់ ២ គ្រឿង ។• កីឡាសីប៉ាក់តាក្រ ឈ្នះមេដាយប្រាក់ ១គ្រឿង ។
• កីឡាប្រដាល់គុនខ្មែរ ឈ្នះមេដាយសំរឹទ្ធ ៣គ្រឿង ។• កីឡាប្រដាល់សកល ឈ្នះមេដាយសំរឺទ្ធ ៥គ្រឿង • កីឡាសូហ្វតិន្នីស ឈ្នះមេដាយសំរឹទ្ធ ១គ្រឿង ។
ប៉ុន្ដែការប្រកួតមិនទាន់បញ្ចប់នោះទេ ពោលគឺនៅសល់ ៣ថ្ងៃទៀត កម្ពុជាក៏រំពឹងនឹងដណ្ដើមបានមេដាយបន្ថែមផងដែរ ពិសេសកីឡាជឺជិតស៊ូ និងកីឡាចំបាប់ ដែលស្ថិតក្នុងបញ្ជីកីឡាមានសក្ដានុពល និងរំពឹងឈ្នះមេដាយមាសជូនជាតិបន្ថែមទៀតផង ៕