ក្រោយពីទទួលបានការបន្ធូសិទ្ធពីតុលាការទូតធំៗពីរចូលសួរសុខទុក្ខលោកកឹមសុខាសហគមន៍អឺរ៉ុបថាមិនទាន់គ្រប់គ្រាន់ទេ!
02-November-2023 / ផ្សេងៗ
ភ្នំពេញ៖ នៅថ្ងៃទី១១វិច្ឆិកាលោក កឹម សុខា អតីតប្រធានគណបក្សសង្គ្រោះជាតិដែលទទួលបានការបន្ធូបន្ថយសិទ្ធជាថ្មីពីចៅក្រមស៊ើប ទទួលបានការចូលជួបសួរសុខទុក្ខជាបន្តបន្តបន្ទាប់ពីឯកអគ្គរដ្ឋទូតប្រទេសធំៗពីរក្នុងថ្ងៃតែមួយ។
នៅពេលព្រឹក លោក កឹម សុខា ទទួលជួបលោកស្រី អេវ៉ា ង្វៀន ប៊ិញ (Eva Nguyen BINH) ឯកអគ្គរដ្ឋទូតបារាំងប្រចាំនៅកម្ពុជាដែល ចូលជួបសួរសុខទុក្ខផងដែរ។បន្ទាប់មកនៅពេលរសៀលលោកប៉ាទ្រិកមើហ្វី( W.Patrick Murphy) ឯកអគ្គរដ្ឋទូតថ្មី សហរដ្ឋអាមេរិកប្រចាំនៅកម្ពុជាចូលជួប។ ទោះបីយ៉ាងជំនួបនោះលោក មុត ចន្ថា នាយកខុទ្ទការល័យរបស់លោក កឹម សុខា ប្រាប់ថា មិនមានជជែកអ្វីក្រៅពីការសួរសុខទុក្ខនោះឡើយ។
លោក មុត ចន្ថា បានបញ្ជាក់នៅក្រោយជំនួបនាព្រឹកថ្ងៃទី១១ ខែវិច្ឆិកា ឆ្នាំ២០១៩នេះទៀតថា «ឯកឧត្តម កឹម សុខា បានថ្លែងអំណរគុណដល់រដ្ឋាភិបាលបារាំង ក៏ដូចជាលោកស្រីឯកអគ្គរដ្ឋទូតដែលបានជួយប្រទេសកម្ពុជាដល់ដំណើរការប្រជាធិបតេយ្យ ក៏ដូចជាជួយដល់ការស្វែងរកសិទ្ធិសេរីភាព និងផ្តល់យុត្តិធម៌ដល់រូបលោក»។ ទោះបីយ៉ាងណាបើតាមហ្វេសប៊ុកស្ថានទូតបារាំងឲ្យដឹងថា៖ ប្រទេសបារាំងសង្ឃឹមថា លោកកឹម សុខា នឹងទទួលបាននីតិសម្បទាឡើងវិញ ក្នុងពេលឆាប់ៗខាងមុខ”។
ឯ លោក កឹម សុខា បានបញ្ជាក់ប្រាប់កាសែតដែរថា លោកមិនអាចនិយាយអ្វីបាននោះទេ ដោយសារតែលោកជាប់ក្នុងបំរាមនៅឡើយ ហេតុដូច្នេះហើយលោកក៏សូមអធ្យាស្រ័យចំពោះអ្នកសារព័ត៌មាន និងថ្លែងអំណរគុណដល់អ្នកសារព័ត៌មានទាំងអស់ បានចូលរួមផ្ដិតយករូបភាពក្នុងជំនួបរបស់លោក ជាមួយឯកអគ្គរដ្ឋទូត។
ដោយឡែក ប៉ាទ្រិកមើហ្វី( W.Patrick Murphy) បានបញ្ជាក់ថា ការសម្របសម្រួលលក្ខខណ្ឌថ្មីដល់លោក កឹម សុខា ពិតជាសារសំខាន់ណាស់ ហើយលោកស្វាគមន៍ចំពោះការសម្រេចចិត្តនេះ ដើម្បីសម្រួលដល់ការធ្វើសកម្មភាពផ្សេង។ លោកឯកអគ្គរដ្ឋទូត ក៏បានសម្ដែងនូវការស្វាគមន៍ចំពោះរាជរដ្ឋាភិបាល នូវការសម្រេចសម្រួលលក្ខខណ្ឌដល់លោក កឹម សុខានេះផងដែរ។
សូមជំរាបថា នៅថ្ងៃទី១០ ខែវិច្ឆិកា ម្សិលមិញ លោក កឹម សុខា ត្រូវបានសាលាដំបូងរាជធានីភ្នំពេញ អនុញ្ញាតឱ្យធ្វើដំណើរនៅក្រៅផ្ទះ និងធ្វើដំណើរទៅកាន់ទីកន្លែងនានាទូទាំងប្រទេសកម្ពុជា។ តែបន្តភ្ជាប់ជាមួយលក្ខខណ្ឌដោយមិនអាចធ្វើសកម្មភាពនយោបាយ ឬធ្វើដំណើរទៅក្រៅប្រទេសបាននោះឡើយ ហើយក៏ត្រូវចូលបង្ហាញខ្លួនរាល់ពេលតុលាការកោះហៅ។
លោក កឹម សុខាត្រូវបានសមត្ថកិច្ចចាប់ខ្លួនតាមអំណាចតុលាការពីបទក្បត់ជាតិកាលពីយប់ថ្ងៃទី០២ ខែកញ្ញាឆ្នាំ២០១៧ហើយត្រូវបញ្ជូនទៅឃុំខ្លួននៅពន្ធនាគារត្រពាំងផ្លុងអស់រយៈពេលមួយឆ្នាំ។ លុះដល់ខែកញ្ញា ឆ្នាំ២០១៨ រូបលោកត្រូវបានផ្ទេរពីពន្ធនាគារត្រពាំងផ្លូវ មកឱ្យស្នាក់នៅក្នុងគេហដ្ឋានក្នុងខណ្ឌទួលគោក រាជធានីភ្នំពេញ ដោយមិនអាចធ្វើដំណើរចេញពីក្នុងផ្ទះបាននោះឡើយ។
ទាក់ទងការហាមឃាត់មិន ឲ្យធ្វើសកម្មភាពនយោបាយ អ្នកវិភាគស្ថានការណ៍នយោបាយ និងធ្លាប់ជាទីប្រឹក្សាលោក កឹម សុខា លោក ឡៅ ម៉ុងហៃ បានលើកឡើងក្នុងហ្វេសប៊ុក ថា ច្បាប់ “បុគ្គលដែលត្រូវបានតុលាការ សម្រេចហាមឃាត់ការ ធ្វើសកម្មភាពនយោបាយ មិនអាច
. បង្កើតគណបក្សមយោបាយ ឬ. ចូលរួមក្នុងគណបក្សនយោបាយណាមួយ ឬ. ឈរឈ្មោះឲ្យគេបោះឆ្នោត ឬ. ធ្វើសកម្មភាពណាមួយគាំទ្រ ឬប្រឆាំងគណបក្សណាមួយឡើយ “។
លោកឡៅម៉ុងហៃថា មាត្រា ៤៥.- ថ្មី(ស្ទួន) នៃច្បាប់ស្តីពីគណបក្សនយោបាយ លោក កឹម សុខា អាចប្រើប្រាស់សិទ្ធិពលរដ្ឋនិងសិទ្ធិនយោបាយទាំងអស់ ក្រៅពីសកម្មភាពហាមឃាត់ទាំង៤ដូចចែងក្នុងច្បាប់ខាងលើ ។សម្រាប់សហគមន៍អឺរ៉ុបវិញយោងតាមសេក្តីថ្លែងការណ៍ អ្នកនាំពាក្យ EEAS បានអោយដឹងថា ការសម្រេចរបស់តុលាការ ទីក្រុងភ្នំពេញ លើករណី លោក កឹម សុខា ប្រធានអតីតគណបក្សសង្គ្រោះជាតិ គឺជាជំហានទីមួយក្នុងនៃវិជ្ជមាន។
សេចក្តីថ្លែងការបញ្ជាក់ថាសេចក្តីសម្រេច របស់សាលាដំបូង រាជធានីភ្នំពេញ ដើម្បីបន្ធូរបន្ថយ លក្ខខណ្ឌ នៃការឃុំខ្លួនមេដឹកនាំអតីតគណបក្សប្រឆាំង សង្គ្រោះជា លោក កឹម សុខា គឺជាជំហានដំបូងក្នុងទិសដៅត្រឹមត្រូវ។ ទោះយ៉ាងណាក្តី លោក កឹម សុខាករណីរបស់ គាត់មិនត្រូវបានបិទនៅឡើយនោះទេ តែសេចក្តីសម្រេចនេះ គាត់ក៏នៅតែត្រូវបានហាមឃាត់ មិនឱ្យចូលរួមក្នុងសកម្មភាព នយោបាយណាមួយឡើយ និងស្ថិតក្រោមការឃ្លាំមើល របស់តុលាការ។
សហភាពអឺរ៉ុប បញ្ជាក់សារជាថ្មីពី សារៈសំខាន់របស់អាជ្ញាធរកម្ពុជា ដែលចាត់វិធានការ ជាបន្ទាន់ដើម្បីបើកចន្លោះនយោបាយ នៅក្នុងតុលាការ ដើម្បីបង្កើតលក្ខខណ្ឌចាំបាច់ សម្រាប់ការប្រឆាំង ដែលអាចជឿទុកចិត្ត និងប្រជាធិបតេយ្យ ហើយនិងផ្តួចផ្តើមដំណើរការ នៃការផ្សះផ្សាជាតិ តាមរយៈការសន្ទនា។
ជាពិសេស យើងរំពឹងថា លោក កឹម សុខា នឹងត្រូវបានដោះលែង ពេញលេញ ហើយសិទ្ធិនយោបាយរបស់គាត់ ត្រូវបានស្តារឡើងវិញ ដូច្នេះគាត់អាចដើរតួនាទីពេញលេញ នៅក្នុងជីវិតនយោបាយ។ យើងក៏រំពឹងផងដែរថា អាជ្ញាធរកម្ពុជា នឹងផ្តល់សិទ្ធិនយោបាយឡើងវិញ ដល់សមាជិក គណបក្សប្រឆាំងទាំងអស់ ដែលត្រូវបានហាមឃាត់ ពីជីវិតនយោបាយនិងដោះលែង សមាជិក ក្រុមប្រឆាំងការ, អ្នកគាំទ្រ និងសកម្មជនដែល ត្រូវបានគេឃុំឃាំងថ្មីៗនេះ។
