មេបក្សជួងលោកខឹមវាសនាចេញមុខការពារកូនចៅ!?ឬឆ្លៀតឱកាស?
25-August-2019 / សន្តិសុខសង្គម
ភ្នំពេញ ៖ សង្គ្រាមពាក្យសម្ដីឈានដល់ការបង្ហោះវីដេអូដៀលដោយគ្រាន់តែការរាំច្រៀងរវាងភាគីក្រុមតារាខ្មែរ និងពលករកូរ៉េ បាននិងកំពុងតែត្រូវបានអ្នកនយោបាយយកធ្វើប្រធានបទបេញ្ចេញមុខ។បន្ទាប់ពីលោកពេចជ្រស្រស់ប្រធានបក្សយុវខ្មែរដែលរិះគន់សកម្មភាពខុសឆ្គងច្រុលនិយមរបស់ពលករដល់វេនលោក លោកខឹម វាសនា ប្រធានគណបក្សសញ្ញាជួង(សម្ព័ន្ធដើម្បីប្រជាធិបតេយ្យ)ក៏ចេញមកធ្វើការវែកញែករឿងនេះដើម្បីទាញការចាប់អារម្មណ៍ផងដែរ។
តាមហ្វេសប៊ុកលោកពេជ្រស្រស់ថា៖ហេតុអ្វីខ្មែរមួយចំនួន ចេះតែដៀលពូជសាសន៍ខ្លួនឯងដូច្នេះ ម្យ៉ាងវិញទៀតអ្នកដៀលនឹងគឺមិនមែនជាតិសាសន៍ដទៃឯណា ខ្លួនដៀលគេថាមិនថ្លៃ តែត្រង់អាខ្លួនឯងនឹងថតគេបណ្តើរដៀលគេបណ្តើរនេះមិនដឹងថាថ្លៃត្រង់ណាទេ ពោលគឺថោករកលេខដាក់គ្មានតែម្តង អាចនិយាយបានថា៖កូនកើតពីផ្ទៃម្តាយតែមួយប៉ុន្តែដៀលសមាជិករួមផ្ទៃថា៖ ពូជនេះមិនថ្លៃថ្នូរសោះទាំងខ្លួនឯងនឹងក៏ជាអ្នករួមផ្ទៃជាមួយគេដែរ ។ នេះ
បានគេហៅថា ហែកសំពត់ឲ្យអ្នកក្រៅមើលងាយមាយាទ។
តាមរយៈហ្វេសប៊ុករបស់ខ្លួនផងដែរប្រធានបក្ខជួងរូបនេះ បានវែកញែករកខុសត្រូវចំពោះរឿងនេះដូច្នេះថា ទីមួយ គេចោទថាដៀលខ្មែរទាំងអស់។ ពាក្យថាខ្មែរគឺសំដៅខ្មែរលើសពី៥០%ឡើងទៅ ឬខ្មែរទូទៅ តែមិនមែនខ្មែរទាំងអស់ទេ។ បញ្ហាខ្លាំងណាស់ដែលមនុស្សមិនយល់ន័យពិតនៃការប្រើភាសាខ្មែរ ហើយតាំងខ្លួនជាអ្នកការពារខែ្មរដោយយកមុខ និងដើម្បីលាងគំនុំនឹងក្រុមណាមួយ ដោយមួលចេតនារបស់អ្នកស្មោះត្រង់ដែលប្រើពាក្យខ្មែរនេះ។ ការទទួលយកការពិតដែលជាចំណុចមិនល្អ មិនត្រឹមត្រូវរបស់ខ្លួន ជាចំណុចចាប់ផ្តើមនៃការអភិវឌ្ឍន៍ទៅរកភាពប្រសើរ។
ទីពីរ បើមិនពេញចិត្តអ្នករាំនៅព្រលានយន្តហោះ ម្តេចមិនដៀលតែអ្នករាំនៅព្រលានយន្តហោះហ្នុងទៅ ម្តេចមកដៀលខ្មែរទាំងអស់ធ្វើអី? ចិត្តអ្នកដៀលមិនមែនចង់ដៀលតែខ្មែរដែលរាំនៅតាមព្រលានយន្តហោះនោះទេ ហើយក៏មិនមែនដៀលខ្មែរទាំងអស់នោះដែរ គឺចិត្តគេចង់ដៀលខ្មែរទូទៅ លើសពី៥០%ឡើងទៅដែលមានចរិត មិនថ្លៃថ្នូរបែបហ្នឹង។
ទីបី គេចោទថា អ្នកថតហ្នឹង លួចថតគេក្នុងទីសាធារណ:ដោយមិនបានសុំការអនុញ្ញាត ហើយចោទថាជារឿងខុសច្បាប់។ សួរថាតើអ្នកចោទគេថាខុសច្បាប់ហ្នឹង តើអ្នកមានបានដឹងពីច្បាប់នៅម៉ាលេស៊ីស្តីពីការថតរូបរបស់គេក្នុងទីសាធារណ:អត់? តើថតរូបមនុស្សប្រព្រឹត្តខុសឆ្គងនៅទីសាធារណៈជារឿងខុសច្បាប់ឬ? ហើយរឿងកើតនៅម៉ាឡេស៊ី បើចង់ប្តឹង ត្រូវប្តឹងនៅម៉ាលេស៊ី។ ឥលូវ កុំទាន់និយាយដល់រឿងខុសច្បាប់ ឬអត់ ក្នុងមនសិការជាមនុស្ស បើអ្នកបានឃើញទង្វើណាមួយខុសឆ្គង មិនសមរម្យ មិនត្រឹមត្រូវ ហើយអ្នកថតទុក ឬក៏ផុសអោយគេដឹង សួរថាតើវាត្រឹមត្រូវដែរឬទេ? ហើយបើអ្នកចាំសុំការអនុញ្ញាតថត ពីមនុស្សដែលកំពុងរឿងធ្វើខុសនោះ តើមានវីឌេអូពីមនុស្សខូច មនុស្សអាក្រក់ឯណា អោយបងប្អូនបានឃើញតាមប្រព័ន្ធផ្សព្វផ្សាយដូចសព្វថ្ងៃនេះ??។
យ៉ាងណាលោកខឹមវាសនាមិនបានពន្យលថាតើទង្វើចឹងតាមផ្លូវច្បាប់អ្នកណាខុសឬត្រូវនោះឡើយគឺគ្រាន់តែចេញមករកការចាប់អារម្មណ៍តែប៉ុណ្ណោះ!។
