វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 494 នាក់
ម្សិលមិញ 5020 នាក់
សរុប 14115941 នាក់
វៀតណាម៖ នៅខេត្តប៊ិញត្រែ( Ben Tre) ភាគខាងត្បូងនៃប្រទេសវៀតណាមមានផ្ទុះជំងឺ ផ្តាសាយបក្សី ដែលបង្កឡើងដោយវីរុស A/H5N6 បណ្តាលឲ្យសត្វមាន់ ចំនួន១.០០០ក្បាល ត្រូវយកទៅសម្លាប់ចោល ។នេះទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០១ ខែកញ្ញា ឆ្នាំ២០១៩នេះ។
នាយកដ្ឋាន សុខភាពសត្វ និងផលិតកម្មសត្វ នៅថ្ងៃអាទិត្យនេះឲ្យដឹងថា ការផ្ទុះជំងឺ បានកើតឡើងក្នុងស្រុក Mo Cay Nam ហើយក្រោយមកបានធ្វើតេស្ត បញ្ជាក់អំពីជំងឺសត្វស្លាប ដែលបានកើតឡើង ដោយវីរុសជំងឺផ្តាសាយបក្សី ។ទីភ្នាក់ងារក្នុងស្រុកដែលពាក់ព័ន្ធ បាននាំយកសត្វមាន់ជាច្រើនក្បាល ដើម្បីធ្វើវិធានការណ៍ អនាម័យនៅក្នុងតំបន់ និងបើកយុទ្ធនាការចាក់វ៉ាក់សាំង ក្នុងចំណោមខេត្ត ដែលមានសត្វស្លាប ជាច្រើននៅក្នុងខេត្ត ។
ក្រសួងកសិកម្ម និងអភិវឌ្ឍន៍វៀតណាម បានឲ្យដឹងថា កាលពីចុងខែកក្កដា មានករណីផ្ទុះជំងឺផ្តាសាយបក្សឡើងដោយវីរុស A/H5N6 និងវីរុស A/H5N1 ដែលបង្កជាជំងឺ ផ្តាសាយបក្សី ត្រូវបានគេរាយការណ៍ថា កើតឡើងក្នុងឃុំចំនួន១៣ នៅក្នុងតំបន់ចំនួន១១ គិតចាប់ពីដើមឆ្នាំ២០១៩នេះ ដែលញុំាងឲ្យគេយក សត្វបក្សី ប្រមាណជាង២៣.០០០ក្បាល ទៅសម្លាប់ចោល ។សូមបញ្ជាក់ថាប្រទេសវៀតណាមទើបតែស្ងាត់រឿងជម្ងឺប៉េស្តជ្រូកអាហ្វ្រិកដែលចម្លងរាលដាលចូលស្រុកខ្មែរនោះអាឡូវនេះលេចេញជម្ងឺផ្តាសាយបក្សីទៀត!៕