វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4453 នាក់
ម្សិលមិញ 8227 នាក់
សរុប 14131334 នាក់
រុស្ស៊ី៖រាជនីសម្រស់រុស្ស៊ីដែលកំពុងស្ថិតនៅចំកណ្តាលនៃជម្លោះលែងលះជាមួយអតីតព្រះមហាក្សត្រម៉ាឡេស៊ី បានបបួលធ្វើតេស្ត DNA បន្ទាប់ពីអតីតប្តីជាស្តេចរូបនេះបានអះអាងថាកូនប្រុសរបស់ពួកគេប្រហែលមិនមែនជាកូនបង្កើតរបស់គាត់ទេ។
នាងរីហាណា អូកសាណា វ៉ូវ៉ូឌីណា (Rihana Oksana Veovodina)អតីបវរកញ្ញារុស្ស៊ី បានរៀបការកាលពីឆ្នាំមុនជាមួយអតីតស្តេចស៊ុលតង់ មូហាម៉ាត់ ទី៥ ដែលសុខចិត្តបោះបង់ចោលរាជបល្ល័ង្កយ៉ាងឆាប់រហ័សក្នុងខែមករា ។ឥឡូវនេះអតីតស្ដេចម៉ាឡាស៊ីរូបនេះបានអះអាងថា ពួកគេបានលែងលះគ្នាហើយ និងត្រូវគេនិយាយថា បានកាត់កាល់កូនប្រុសអាយុទើបពីរខែទៀតផង។នេះបើតាមប្រភពពីកាសែតបរទេស។
មេធាវីរបស់អតីតស្តេចនេះបានប្រាប់កាសែតសិង្ហបុរីមួយថា “មិនមានភស្តុតាងជាក់ស្តែងណាមួយបង្ហាញអំពីភាពជាឪពុកបង្កើតសម្រាប់កូនម្នាក់នេះទេ”។
ប៉ុន្តែមិត្តភក្តិរបស់អតីតបវរកញ្ញាក្រុងមូស្គូនេះទទូចថា អាពាហ៍ពិពាហ៍នៅតែមានសុពលភាព និង បានច្រានចោលយ៉ាងខឹងសម្បារចំពោះការលើកឡើងរបស់អតីតស្តេចស៊ុលតង់នេះថា បុរសផ្សេងគឺជាឪពុកបង្កើតរបស់កូននេះ ដោយមិត្តភក្តិទាំងនោះអះអាងថា កូននេះមានមុខមាត់ដូចអតីតស្តេចស៊ុលតង់។
នាងអូកសាណា ដែលឥឡូវរស់នៅផ្ទះជនបទនៅក្បែរទីក្រុងមូស្គូ កំពុងទាមទារឱ្យមាន “ការសុំទោសជាសាធារណៈ” ពីអតីតប្រមុខរដ្ឋម្នាក់នេះ។
មិត្តជិតស្និទ្ធរបស់នាងអូកសាណា ឈ្មោះ លីលីយ៉ា ណាស្តាវ៉ា អាយុ ៣២ ឆ្នាំ បាននិយាយកាលពីថ្ងៃពុធទី២៤កក្កដាអំពីការអះអាងរបស់ស្តេចស៊ុលតង់អំពីបុរសផ្សេងជាឪពុកកូននេះ យ៉ាងដូច្នេះថា “មិនសមហេតុផលទាល់តែសោះ។ យើងពិតជាសោកស្តាយ ដែលអតីតស្តេចនេះ ជ្រើសរើសប្រើភាសាបែបនេះ និង ជ្រើសយកមេធាវីគ្មានវិជ្ជាជីវៈ។
មនុស្សគ្រប់គ្នាដែលស្និទ្ធនឹងអូកសាណា គឺឪពុកម្តាយ មិត្តភក្តិ និងគ្រួសារនាង កំពុង់រង់ចាំការសុំទោសជាសាធារណៈពីគាត់។ ប្រសិនបើអតីតស្តេចនេះមានការសង្ស័យ ចឹងគាត់អាចមកធ្វើតេស្ត DNA បានគ្រប់ពេល។ អូកសាណា សម្រាប់នាង គឺត្រៀមខ្លួនរួចហើយសម្រាប់រឿងនេះ។ ខ្ញុំអាចប្រាប់អ្នកបានដូច្នេះក្នុងនាមខ្ញុំជាមិត្តជិតស្និទ្ធរបស់នាង។ ប្រសិនបើអូកសាណាបង្ហាញមុខកូននោះចេញមក នឹងគ្មាននរណាម្នាក់មានមន្ទិលសង្ស័យឡើយ ព្រោះឪពុកកូននេះមានមុខមាត់ដូចគ្នា”៕