វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4253 នាក់
ម្សិលមិញ 5544 នាក់
សរុប 13945350 នាក់
ភ្នំពេញ៖ថ្មីៗនេះតាមរយ:បណ្តាញផ្សព្វផ្សាយព័ត៌មានគេហទំព័រក្នុងស្រុក១បានចេញផ្សាយទម្លាយអោយដឹងថា៖បុរសម្នាក់ឈ្មោះ ម៉ែន ច័ន្ទរិទ្ធី ដែលអះអាងថាខ្លួនជា ឧត្តមសេនីយ៍ឯកផ្កាយ៣ មានតួនាទីជាមេបញ្ជាការរង កងទ័ពជើងគោក(រងមេ ហ៊ុន ម៉ាណែត) និងថាជាកូនអតីតៈសពឧកញ៉ា ម៉ែន សារុន ផងនោះ បានប្រើវិធីត្រជាក់ យកលុយពីបុគ្គលិករដ្ឋបាលរោង ចក្របីនាក់ក្នុងការ ធានារត់ការចូលក្របខណ្ឌយោធា ក្នុងម្នាក់យកដំបូង៥០០០ដុល្លារ,៦០០០ដុល្លារ,និង៧០០០ដុល្លារ ។
ពេលនេះ អ្នកអស់លុយ កំពុង ទន្ទឹម រង ចាំ ដំណឹង ពីការរត់ការ ចូលធ្វើទាហាន យ៉ាង អន្ទះសារ សង្ស័យលុយ ក៏អត់ កាងារក៏អត់ទេ?។ តែលោក ម៉ែន ច័ន្ទរិទ្ធី បានអៈអាងថា គាត់ជាមនុស្សថ្លៃថ្នូ និងស្រឡាញ់កិត្តិយស មិនអោយពួកក្មេងៗភ័យព្រួយ រឿងបាត់លុយទេ ។ ប្រភពបានបញ្ជាក់ថា យោងតាម បុរសឈ្មោះ ឆាយ សុខឃីម វ័យជិត៣០ ឆ្នាំដែលអស់លុយ ច្រើននៅក្នុងរឿងនេះ បានរៀបរាប់ថា មុនដំបូងខ្ញុំ ( ឆាយ សុខឃីម ) ស្គាល់គាត់(ម៉ែន ច័ន្ទរិទ្ធី) ដោយចៃដន្យ និងមានទំនុកចិត្ត តាមរយៈគាត់ប្រើពាក្យសំដីថាស្គាល់អ្នកធំច្រើន ហើយក៏ទុកជាបងធម៍ ធ្លាប់អោយគាត់ខ្ចីលុយជាច្រើនលើក ខណៈស្គាល់ផ្ទះគាត់វិឡាធំទ្រនំខ្ពស់ រហូតដល់នាំមិត្តភ័ក្តអោយស្គាល់ គាត់ធានាអោយចូលក្របខណ្ឌយោធា ទើបពួកគេ ៣នាក់យកលុយទៅអោយគាត់តាមតំលៃជួបជាមួយគាត់ផ្ទាល់តែម្តងទៅ។
លោក ឆាយ សុខឃីម បន្តថា លោកម៉ែន ច័ន្ទរិទ្ធី មិនត្រឹមបាននិយាយអួត ថា គាត់មាន ងារថ្នាក់ឧត្តម សេនីយ៍ឯក មានតួនាទីជាមេបញ្ជាការរងកងទ័ពជើងគោក(រងមេ ហ៊ុន ម៉ាណែត) និងជាកូន (អតីតៈសពឧកញ៉ា ម៉ែន សារុន) ប៉ុណ្ណោះទេ គាត់ថាបន្តិចទៀតពេល ដែល ឯកឧត្តម ជឹមសុខ ចូលនិវត្តន៍ គាត់នឹងទៅកាន់ដំណែងឯកឧត្តម ជឹម សុខ ទៀតផង ទើបមានការទុកចិត្តគាត់ហើយសុខចិត្ដ លក់ឡានអោយលុយគាត់ខ្ចីអស់ជាង១ម៉ឺនដុល្លារថែមទៀត ។ លោក ឆាយ សុខឃីម បន្តទៀតថា កាលពីថ្ងៃទី៥ខែកក្កដាឆ្នាំ២០១៩ បុរសម្នាក់ឈ្មោះ ម៉ែន ច័ន្ទរិទ្ធី បានយកលុយមកអោយជនរង គ្រោះ ក្នុងម្នាក់ៗ១០០០ដុល្លាររួចម្ដងហើយ និងបានប្រាប់ថាកុំ អោយបែកធ្លាយលិខិតប្រគល់ប្រាក់ធានាចូលក្របខណ្ឌចេញ ទៅក្រៅអី គាត់សុខចិត្តរកលុយមកទូទាត់ឲ្យគ្រប់ចំនួន និងសុំដកលិខិតនោះទុកវិញ ។
ទាក់ទិននឹងការបែកធ្លាយ រឿង អាស្រូវខាងលើនេះ ការិយាល័យនិពន្ធសារព័ត៌មាន និង គេហទំព័រ មាតុភូមិ មិនអាច សុំការបំភ្លឺពីលោក ម៉ែន ច័ន្ទរិទ្ធី បានទេ ដោយសារគ្មានលេខទូរស័ព្ទទំនាក់ទំនង ប៉ុន្តែ លោក ម៉ែន ច័ន្ទរិទ្ធី បានបញ្ជាក់ប្រាប់សាព័ត៌មានក្នុងស្រុក មួយ ថា ទទួល ស្គាល់ថា លោក បាន យកលុយពីមនុស្សបីនាក់នោះមែន ប៉ុន្តែគាត់ទទួលខុសត្រូវ បើមិនបានចូលក្របខណ្ឌគាត់ទូទាត់សងវិញ ដោយលោកបញ្ជាក់ ថា « ខ្ញុំហ៊ានស៊ី ហ៊ានសង មិនអោយពួកក្មេងៗព្រួយបារម្ភទេ បើខ្ញុំបោកពួកគាត់ រឿងអីត្រូវអោយក្មេងៗទាំងនោះមកស្គាល់ដល់ផ្ទះវិឡាដែលស្ថិតនៅខាងក្រោយ បុរីកាំកូស៊ីធី »។
គ្រាន់តែពួកគាត់ប្រញាប់និងភ័យពេក ដូច្នេះនៅថ្ងៃទី៥ ខែកក្កដា ឆ្នាំ២០១៩ គាត់នឹងប្រគល់លុយអោយវិញ តាមជាក់ស្តែង ចាំគាត់ទៅយកលុយពីខាងបុគ្គលិកវិញសិនព្រោះ រឿងនេះគាត់មិនមែនធ្វើម្នាក់ឯងទេ គឺរៀបចំត្រឹមត្រូវជាមួយខាងផ្នែកបុគ្គលិក ។ ការិយាល័យ យើង រីករាយស្វាគមន៍ចំពោះការចេញមុខ មកបកស្រាយបំភ្លឺ ជុំវិញករណីនេះ ពីគ្រប់ភាគីពាក់ព័ន្ធទាំងអស់ រាល់ម៉ោងធ្វើការ តាមរយ: Tel : 012 953 824 ។ សូមរំលឹកថា ករណីស្រ ដៀងគ្នានេះដែរ មន្ត្រីយោធាជាន់ខ្ពស់១រូបពាក់ផ្កាយ ១នៅ ក្រសួងការជាតិ ឈ្មោះ ឃួន សុណ្ណ ក៏ត្រូវបានសមត្ថកិច្ច តុលាការចាប់ឃុំខ្លួនកាលពីពេលកន្លងទៅនេះដែរ ព្រោះបាន ប្រព្រឹត្តអំពើឆបោកប្រជាពលរដ្ឋជាច្រើននាក់នៅខេត្តកំពង់ធំ អោយចូលក្របខណ្ឌយោធា ប្រមូលបានប្រាក់រាប់មុឺនដុល្លារ ហើយពលរដ្ឋរងគ្រោះនៅពុំទាន់ទទួលបានយុត្តិធម៌នៅឡើយ ទេ ៕ ដោយ : សុផល