វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2116 នាក់
ម្សិលមិញ 5378 នាក់
សរុប 14081409 នាក់
រាជធានីភ្នំពេញ ៖ សម្តេចក្រឡានហោម ស ខេងឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃនៅព្រឹកថ្ងៃទី១២ ខែមិថុនា ឆ្នាំ២០១៩ បានទម្លាយឲ្យដឹងថា ទីផ្សារដីឡើងថ្លៃក៏មកពីមនុស្សមួយក្រុមដែលយកលុយខៅ្ម ឬប្រផេះមកចាយវាយ ឬទិញដីនៅកម្ពុជា ។
សូមបញ្ជាក់ផងដែរថា ការលើកឡើងរបស់ប្រមុខដឹកនាំក្រសួងមហាផ្ទៃនេះ ស្របពេលដែលដីនៅតាមបណ្តាខេត្តមួយចំនួនបានហក់ឡើងថ្លៃយ៉ាងខ្លាំងក្នុងនោះមានខេត្តកណ្តាល តាកែវ កំពង់ស្ពឺជាដើម។
នៅក្នុងពិធីប្រកាសចូលកាន់តំណែងក្រុមប្រឹក្សារាជធានីភ្នំពេញ អាណត្តិទី៣ នាសម្តេចមានប្រសាសន៍ ថា តាមព័ត៌មានខ្ញុំបានដឹងទីផ្សារដីឡើងថ្លៃក៏ដោយសារមនុស្សមួយក្រុមដែលយកលុយខៅ្ម ឬប្រផេះមកចាយវាយនៅកម្ពុជា ទើបធ្វើឲ្យទីផ្សារដីឡើងថ្លៃផងដែរ ។
សម្តេចក៏បានបញ្ជាដល់សមត្ថកិច្ចធ្វើការចាត់វិធានការឲ្យបានម៉ឹងម៉ាត់ចំពោះអ្នកដែលនាំលុយបែបនេះចូលមកក្នុងប្រទេស ដោយមិនត្រូវលើកលែងនោះទេ ។សម្ដេចក្រឡាហោម ស ខេង បាបញ្ជាក់ថា៖ រឿងលាងលុយ ឥឡូវនេះកម្ពុជាត្រូវគេចាត់ទុកថា ជាប្រទេសប្រផេះ ចឹងគេឃ្លាំមើល ព្រោះមួយជំហានទៀតវានឹងទៅខ្មៅ បើសិនណាយើងមិនយកចិត្តទុកដាក់ ។
សម្ដេចក្រឡាហោមវាយតម្លៃថា៖ អ្នកឃុបឃិតរកស៊ីរឿងនេះ បានមានតែមនុស្សមួយក្រុមទេ ប៉ុន្ដែបើងាប់ គឺងាប់ប្រទេសនិងប្រជាជាតិ ។ បើថ្ងៃណាមួយគេចាត់ទុកថា កម្ពុជាជាប្រទេសខ្មៅលាងលុយចប់ ដែលប្រឈមនឹងការលំបាក ។ សម្ដេចក្រឡាហោម ស ខេង បញ្ជាក់ទៀតថា ប្រសិនបើ ស្រាវជ្រាវរកឃើញមានបទល្មើសនេះ ត្រូវរាយការណ៍ភ្លាមទៅសម្ដេចផ្ទាល់ ដើម្បីមានវិធានការស្រាវជ្រាវ និងឈានដល់ការបង្ក្រាបជាក់ស្ដែងតែម្តង ។សម្ដេចក្រឡាហោមក៏បានក្រើនរំលឹកថា៖ អ្នកដែលប្រព្រឹត្តបទល្មើសនេះ គឺពិតជាមានល្បិចខ្ពស់ណាស់ ដូច្នេះហើយសមត្ថកិច្ចដែលមានការពាក់ព័ន្ធ ពិសេស អគ្គស្នងការដ្ឋាននគរបាលជាតិ ត្រូវបង្កើនការប្រុងប្រយ័ត្នលើករណីនេះ ។
សូមរំលឹកថា ការលើកឡើងរបស់សម្តេចក្រឡាហោម ស ខេងបែបនេះ នេះបន្ទាប់ពីសមត្ថកិច្ចបានឃាត់ខ្លួនឈ្មួញចិនចំនួន៤នាក់ដែលនាំថវិកាជាង៤លានដុល្លារអាមេរិកពីប្រភពមិនច្បាស់លាស់ ចូលស្រុកខ្មែរកាលពេលថ្មីៗនេះនៅច្រកព្រលានយន្តហោះអន្តរជាតិ ។ ជាការពីតគេត្រូវទទួលស្គាល់ថាកន្លងមក មានក្រុម Mafiaបានឃុបឃឹតគ្នា យកលុយខ្មៅមកចាយនៅស្រុកខ្មែរ។ ដូចជាមកទីញដី ទីញផ្ទះ ។
កាលពីខែកុម្ភៈឆ្នាំ២០១៩មានអង្គការអន្តរជាតិសំរាប់តាមដានការលាងលុយក្រខ្វក់ និងលុយភរវះកម្ម ឈ្មោះ FInancial Action Task Fotce (FATF) មានទីស្នាកការនៅទីក្រុងParisប្រទេសបារាំង និងមានសមាជិកជាង៣០ ប្រទេសបាននិង កំពុងតាមដានការចរាចរលុយយខ្មៅដោយអង្គការមួយនេះបានដាក់ កម្ពុជា ក្នុងតមបន់ពណ៍ប្រផេះ (Gray List។