វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5682 នាក់
ម្សិលមិញ 5020 នាក់
សរុប 14121129 នាក់
ភ្នំពេញ: បុរសជនជាតិនីហ្សេរីយ៉ាម្នាក់ឈ្មោះរ៉េមីហ្គូសឌូរូអូគុនវូ( REMIGUS DURU OKONKWO)ហៅ USMAN អាយុ៤៣ឆ្នាំត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារនៅរសៀល ថ្ងៃ ពុធ ៨ កើត ខែ បឋមាសាឍ ឆ្នាំ ច ព.ស. ២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨ ពាក់ព័ន្ធករណីឆបោកប្រាក់ជិត៣៥ម៉ឺនដុល្លារ ពីស្ត្រីជនជាតិវៀតណាមម្នាក់ ឈ្មោះ Darg Mai Nga ភេទស្រី អាយុ៣៨ឆ្នាំ ជនជាតិវៀតណាម មុខរបរពាណិជ្ជករ។
សមត្ថកិច្ចបាន ឃាត់ខ្លួនជនសង្ស័យខាងលើនេះកាលពីល្ងាចថ្ងៃទី១៥ ខែមិថុនា នៅរាជធានីភ្នំពេញតាមពាក្យបណ្តឹង របស់ស្ត្រីជនជាតិវៀតណាមម្នាក់ បានចោទប្រកាន់ពីឆបោកប្រាក់ចំនួន៣៥៦.០០០ដុល្លារអាមេរិក។ស្ត្រីពាណិជ្ជាករជនជៃតិវៀតណាមបានឲ្យដឹងថា កាលពីអំឡុងខែមករា ឆ្នាំ២០១៨ ដើមបណ្តឹងបានស្គាល់ជនសង្ស័យតាមរយៈប្រព័ន្ធបណ្តាញសង្គមហ្វេសប៊ុក។
ជនសង្ស័យរូបនេះបានទៅទីក្រុងហាណូយប្រទេសវៀតណាម សុំជួបជាមួយជនរងគ្រោះ ដោយនិយាយលួងលោមបញ្ចុះបញ្ចូល ឲ្យជនរងគ្រោះចូលហ៊ុនបើកសិប្បកម្មផលិតឥដ្ឋការ៉ូ នៅប្រទេសកម្ពុជា។ បន្ទាប់មកជនសង្ស័យបានប្រើល្បិចនាំជនរងគ្រោះ មកប្រទេសកម្ពុជា ដើម្បីមើលទីតាំងបង្កើតសិប្បកម្មផលិតឥដ្ឋការ៉ូ ដោយអះអាងថា មានមិត្តភក្តិនៅប្រទេសកម្ពុជានេះ។ដោយមានការជឿទុកចិត្ត ជនរងគ្រោះបានផ្តល់ប្រាក់ឲ្យជនសង្ស័យជាបន្តបន្ទាប់ ចំនួន៥លើក សរុប៣៥៦.០០០ ដុល្លារតាមរយៈគណនីរបស់ពួកគេ ដែលបានផ្តល់ឲ្យ គ្នាទៅវិញទៅមក។
ក្រោយពេលបានវេរ និងទទួលប្រាក់នោះហើយ ជនសង្ស័យបានបិទទូរស័ព្ទ និងគេចខ្លួនមិនអាចទាក់ទងបានមួយរយៈ។ លុះថ្ងៃទី១៥ ខែមិថុនា ជនសង្ស័យបាន ទូរស័ព្ទទៅជនរងគ្រោះថា សិប្បកម្មធ្វើជិតរួចរាល់ហើយ ឲ្យជនរងគ្រោះផ្តល់ប្រាក់ចំនួន១៥០.០០០ដុល្លារបន្ថែមទៀត តែត្រូវជនរងគ្រោះប្តឹងសមត្ថកិច្ចចាប់ខ្លួនតែម្តង ។គេមិនដឹងថាតើជនរងគ្រោះចាយសេវ៉ាអស់ប៉ុន្មានទេទើបអាចដំណើរការរឿងក្តីឆបោកមួយដោយចនបរទេសនៅស្រុកខ្មែរយើងបាននោះ!?។