» ផ្សារ​ទំនើប អ៉ី​អន​ម៉​ល​១ ត្រូវបាន​ផ្អាក​សកម្មភាព​ទាំងស្រុង​ក្រោយ​រកឃើញ​ស្ត្រី​ខ្មែរ​ម្នាក់​មាន​កូ​វីត​ » មន្ត្រី​បរិស្ថាន ខេត្តឧត្ដរមានជ័យ អារ​ព្រៃ ឈើ​សហគម​ន៏ រុក្ខា​វ័ន​តាម​អំពើ​ចិត្ត​ក្រោយពី​តេជគុណ ប៊ុន សា​លួត​ចាក​សិក្ខាបទ ! » អង្គការ​ហស​ប្រជាជាតិ​ព្រួយ​ខ្លាច​កើតសង្គ្រាម​ក្រោយពេល​ដែលមាន​ការធ្វើឃាត​បិតា​នុយ​ក្លេ​អែរ​អ៊ីរ៉ង​! » ក្រសួង​សុខ​ភិ​បាល​បញ្ជូន​ក្រុមការងារ​ចុះ​ស្រាវជ្រាវ​ករ​ណី​យ៍​ពុល​ទឹក​អណ្តូង​នៅ​វាលស្រែ​និង​ពុល​ស្រា​ស្លាប់​ពេលធ្វើ​បុណ្យសព​ » អគ្គមេបញ្ជាការ​ដកប​ញ្ឈ​រ​ជើង​មេ​ប៉េអឹម​ស្រុក​សេ​សាន​ដើម្បី​ឲ្យ​តុលាការ​ចាត់ការ​រឿង​វ៉ៃ​គេ​ខ្វាក់ភ្នែក​ » ធ្វើ​អី​អាមេរិក​មិនបាន​ចិន​កៀប​អូស្ត្រាលី​រឿង​រកស៊ី​ » ស្រី​២​នាក់​ស្លាប់ និង​១១​នាក់ ចូល​ពេទ្យ ដោយសារ​ផឹកទឹក​នៅក្នុង​ស្រែ ! » មន្ត្រី​ប៉េ​អិ​ម​ទិស​ស្រុក​អន្លង់វែង​ម្នាក់​ដើរតួ​ជា​អ្នក​បង្ក្រាប​ផង ឈ្មួញ​ឈើ​ផង​ដោយ​គៀងគរ​ពលរដ្ឋ​ខ្មែរ​អោយ​ឆ្លងដែន​ទៅ​កាប់​ឈើ​ក្នុង​ទឹកដី​ថៃ​ផង​.!!! » សម្ដេច ស ខេង ៖ មិនត្រូវ​ប្រើ​មាត់ដោះស្រាយ​ជំនួស​ច្បាប់​ឡើយ !! » ឆៃលី ដា​ឡែ​ន គ្មាន​សង្ឃឹម​រស់​ទៀត​ទេ​ស្រលាញ់​នាង​ឲ្យ​ហើយ​ទៅ​?! » ចាប់ខ្លួន​សក្តិ​បី​នគរបាល​ម្នាក់​ដោយសា​អ្នក​ជួញ​គ្រឿងញៀន​ឆ្លើយ​ដាក់ » អភិបាលក្រុង​លើក​ផែនការ​អភិវឌ្ឍ​ស្ថានីយ​បូមទឹក​បឹងទំពុន​បន្ថែមទៀត​! » ចុះបង្ក្រាប​ទីតាំង​ម៉ាស្សា​មួយកន្លែង​ក្រោយពី​ផ្អើល​ថា​បាន​ចូល​ដូច​បាន​ឡើង​ឋាន​សួ​គា​រ៍​ » ឥណ្ឌា​ដាក់​បំរាម​ប្រើប្រាស​កម្មវិធី​ទូរ​សព្ទ័​​ចិនក្តៅក្រហាយ​ » តេ​ជោ​សែន​៖​បណ្តឹង​សម្តេច​នៅ​ស្រុក​បារាំង​គេ​ទុក​រហូត​៣​ឆ្នាំ​ម៉េច​មក​រិះគន់​តុលាការ​កម្ពុជា​!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2737 នាក់

ម្សិលមិញ 4784 នាក់

សរុប 6263641 នាក់

នារី​ច្រ​មៀង​ម្នាក់​ប្តឹង​ថៅកែ​រៀប​ឆាក​ខន​សឺត​ថា​ចង់​អីៗ​ខ្លន​មិនបាន​ប្រើ​ហឹ​ង្សា​?

​ភ្នំពេញ​៖​ថៅកែ ដំឡើង​ឆាក​តន្ត្រី​ខន​សឺត​មួយរូប​ត្រួវបាន​អ្នក​ច្រៀង​ស្រី​ដាក់ពាក្យ​ប្តឹងទៅ​ប៉េអឹម​ចោទថា​ចង់​អីៗ​ជាមួយ​នាង​មិនបាន​ក៏តាម​ឈ្នា​និ​ស​!?​។​a singer3 

តារាចម្រៀង​ស្រី​ដែល​ប្តឹង​ថៅកែ​រៀប​ឆាក​មានឈ្មោះ ផាន់​នី​ហៅ​អមរា អាយុ​១៩​ឆ្នាំ​ជា​អ្នកចម្រៀង​សម្តែង ក្នុង​កម្មវិធី​ប្រគំ​តន្ត្រី (​ខន​សឺត​) តាម​ខេត្ត​ក្រុង​នានា ។​
​ប៉ុន្តែ​ជីវិត​របស់​នាង ត្រូវបាន​លោក​ថៅកែ បាន​តាម​លួងលោម​ប្រលោម​សុំ​ស្នេហ៍​ពី​នាង​ជាង ១​ឆ្នាំ​មកហើយ តែ​នាង​មិន​ព្រម​ក៏​ព្រោះ​ដឹងថា គាត់​មាន​ប្រពន្ធ និង​កូន​២​នាក់​រួចទៅហើយ ធ្វើ​ឲ្យ​លោក​ថៅកែ​តាម​ឈ្នានីស និង​រហូត​ប្រើ​ហិង្សា​ទៀតផង​។​

ថៅកែ​ដែល​នាង​ចោទថា​ល្មោភកាម​តាម​ញ៉ែ​អត់​ឈប់​មានឈ្មោះ​ហុង ហ្សែ​ន អាយុ​៣៨​ឆ្នាំ មាន​ទីលំនៅ​ក្នុង​បុរី​ឡាយ​គង់ ភូមិ​ម័​រ សង្កាត់​-​ខណ្ឌដង្កោ ជា​ថៅកែ​ដំឡើង​ឆាក​តន្ត្រី​ខន​សឺត ដែល​តាម​យាយី​ជីវិត​នាង​មិន​ឲ្យ​រស់​សុខ​ស្រួល និង​មិន​ឲ្យ​នាង​ប្រកបរ​បរជា​អ្នកចម្រៀង គ្រាន់​បាន​ប្រាក់​យកមក​ចិញ្ចឹមជីវិត និង​គ្រួសារ​នោះ​​កញ្ញា ផាន់​នី បានដាក់​ពាក្យបណ្តឹង​ទៅកាន់​ទីបញ្ជាការដ្ឋាន​អាវុធហត្ថ​ខណ្ឌដង្កោ ដើម្បី​ជួយ​ដោះស្រាយ​ជូន​នាង និង​ចាត់ការ​ទៅលើ​ថៅកែ​របស់ខ្លួន ដែលជា​ជនបង្ក​។​

​កញ្ញា ប្រាក់ ផាន់​នី និង​ជា​អ្នក​ច្រៀង​ក្នុង​កម្មវិធី​កីឡា​របស់​ស្ថានីយ​ទូរ​ស្សន៍​មួយ​ផង​នោះ បាន​ឲ្យ​ដឹងថា នាង​ថា រយៈពេល​ជាង ១​ឆ្នាំ​មកនេះ ដោយសារ​សុំ​ស្នេហ៍​ពី​នាង​មិនបាន​លោក ហុង ហ្សែ​ន តែង​តាម​ព្យាបាទ និង​ប្រើ​អំពើហិង្សា​ដាក់​នាង​ចំនួន ៤​លើក​មកហើយ ហើយ​ថែមទាំង​ប្រើពាក្យ​គំរាមថា «​បើ​អញ​យក​នាង​ឯង មិន​បានទេ អ្នកណា​ក៏​មិនអាច​យក​នាង​ឯង​បានដែរ អញ​នឹង​តាម​ព្យាបាទ​នាង​ឯង​រក​ទីបញ្ចប់​គ្មាន​ឡើយ​»​។

ទីបំផុត​! ការ​គំរាម​នេះ លោក​ថៅកែ បានធ្វើ​បាន​មែន ដោយបាន​ប្រើ​អំពើហិង្សា​ដាក់​នាង​ចំនួន ៤​លើក​រួមមាន​៖ លើក​ទី​១៖ នៅ​ខេត្តក្រចេះ​, លើក​ទី​២៖ នៅ​ខេត្តស្វាយរៀង​, លើក​ទី​៣៖ នៅ​ក្រុង​ប៉ោយប៉ែត (​ពេលនោះ​នាង​ត្រូវ​លោក ហុង ហ្សែ​ន វាយ​បែកក្បាល​ដេរ​អស់ ៥​ថ្នេរ​) និង​លើក​ទី​៤ នៅ​ខណ្ឌដង្កោ​។​
​ក្រោយពី​មាន​អំពើហិង្សា​នេះ នាង​បានដាក់​ពាក្យបណ្ដឹង​ទៅ​អាជ្ញាធរ​មូលដ្ឋាន​ឲ្យ​ជួយ​ដោះស្រាយ តែ​ពេលនោះ​ប្រពន្ធ​របស់លោក ហុង ហ្សែ​ន បានមក​លើកដៃ​សំពះអង្វរ​នាង សូមឱ្យ​នាង​ដក​ពាក្យបណ្ដឹង​វិញ ព្រោះ​បើ​ប្ដី​ជាប់គុក​គ្មាន​អ្នកណា​ជួយ​ចិញ្ចឹម​កូន​ទេ ហើយដោយ​នាង​ទន់​ចិត្ត និង​មាន​មនោសញ្ចេតនា​ចំពោះ​ប្រពន្ធ​លោក ហុង ហ្សែ​ន នាង​ក៏​សុខចិត្ត​ដក​ពាក្យបណ្ដឹង​វិញ ដោយ​គ្មាន​ទទួល​សំណង​មួយ​សេន​ណា​ឡើយ​។​

​លុះ​រហូតមកដល់​យប់​ថ្ងៃទី​១៦ ខែឧសភា ឆ្នាំ​២០១៩ ថ្មីៗ​នេះ លោក​ថៅកែ​នៅតែ​មិន​អស់ចិត្ត បាន​តាម​យាយី​នាង​ម្តងទៀត ខណៈ​នាង​ចូលរួម​សម្តែង​ក្នុង​កម្មវិធី​សិល្បៈ នៅ​ភូមិ​ប្រការ សង្កាត់​ព្រៃ​ស ខណ្ឌដង្កោ ដោយពេល​នោះ​នាង​ច្រៀង​ចប់​កំពុង​ដើរ​ចុះមក​ក្រោយ​ឆាក ស្រាប់តែ​ថៅកែ​បាន​ដេញ​វាយ​នាង​ផ្អើល​គេ​ផ្អើល​ឯង​ធ្វើ​ឲ្យ​នាង​មានកា​អាម៉ាស់​ចំពោះ មុខ​មហាជន​ឈរ​មើល​យ៉ាង​ត្រៀបត្រា​។​

​ពេលនោះ​បើ​កុំ​តែមាន​គេ​ជួយ​ធ្វើ​អន្តរាគមន៍​ទាន់​ច្បាស់​ជា​នាងរង​របួសធ្ងន់ ឬ​អាច​បាត់​បង់ជីវិត​ផងដែរ​ក៏​មិនដឹង​។ នេះ​ជា​លើក​ទី​៤ ហើយ​ដែល​ឈ្មោះ ហុង ហ្សែ​ន បាន​ប្រើ​អំពើហិង្សា​ដាក់​នាង ហើយ​ម្ដងនេះ​នាង​លែងមាន​ការអនុគ្រោះ​ទៀតហើយ ទើប​សម្រេចចិត្ត​ដាក់ពាក្យ​បណ្ដឹង​នៅ​បញ្ជាការដ្ឋាន​កងរាជអាវុធហត្ថ​ខណ្ឌដង្កោ​ជួយ​រក​យុត្តិធម៌ នា​ថ្ងៃទី​១៧ ខែឧសភា ឆ្នាំ​២០១៩ កន្លងមកនេះ ដោយ​ទាមទារ​សំណង​ជំងឺ​ចិត្ត​ចំនួន ៣​ម៉ឺន​ដុល្លារ ទើប​នាង​សុខចិត្ត​។​លោក ហុង ហ្សែ​ន​មិនអាច​សុំ​ការពន្យល់ បានទេ​ដោយ​គ្មាន​លេខ​ទូរស័ព្ទ​។ a singer1 a singer a singer2