វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8169 នាក់
ម្សិលមិញ 8227 នាក់
សរុប 14135050 នាក់
ភ្នំពេញៈ នាព្រឹកថ្ងៃទី១៧ ខែឧសភា ឆ្នាំ២០១៩នេះសមត្ថកិច្ចបានចុះបិទក្រុមហ៊ុន GCG Asia Co., LTD និងឃាត់ខ្លួនប្រធានក្រុមហ៊ុន ដែលបានយកឈ្មោះ និងរូបសម្ដេចតេជោ ហ៊ុន សែន នាយករដ្ឋមន្ដ្រី ទៅបង្ហោះក្នុងគេហទំព័ររបស់ខ្លួន ដោយខុសច្បាប់ ។
ក្រុមហ៊ុន GCG Asia នេះមានទីតាំងនៅជាន់ទី ១៦ នៃវិមានកាណាឌីយ៉ាផ្លូវ៣១៥ កែងផ្លូវព្រះមុនីវង្ស ខណ្ឌដូនពេញ រាជធានីភ្នំពេញ។ ប្រធានក្រុមហ៊ុន រួមទាំងប្រពន្ធ (ជនជាតិម៉ាឡេស៊ី) ត្រូវនាំខ្លួនយកទៅសួរនាំដើម្បីចាត់ការតាមនីតិវិធី។
ការចុះបិទក្រុមហ៊ុន GCG Asia នេះ ត្រូវបានសមត្ថកិច្ចបញ្ជាក់ថា ដោយសារតែមិនមានច្បាប់អនុញ្ញាតនិងអាជ្ញាប័ណ្ណត្រឹមត្រូវ?។
សម្តេចតេជោ ហ៊ុន សែន បានសរសេរនៅទំព័រហ្វេសប៊ុកថា "កាលពីពេលថ្មីៗនេះ មានក្រុមហ៊ុន ឈ្មោះ GCG Asia Co., LTD បានយករូបថតខ្ញុំ និងឈ្មោះខ្ញុំ ទៅបង្ហោះនៅក្នុង Website របស់ក្រុមហ៊ុន http://gcgasiacoin.com/ ដែលនិយាយថា ខ្ញុំជាអ្នកគាំទ្រ និងចូលរួមសម្ពោធកាត់ខ្សែបូក្រុមហ៊ុន នៅក្នុងប្រទេសកម្ពុជានៅថ្ងៃទី ២០ ខែ ឧសភា ២០១៩។ ទន្ទឹមនឹងនោះ ក្រុមហ៊ុននេះ បានយកឈ្មោះធនាគារជាតិ និងធនាគារចិននៅកម្ពុជាថាជាដៃគូទទួលខុសត្រូវក្នុងជំនួញដូរលុយក្នុងរូបភាពគ្រីបតូឃឺរិនស៊ី (Crypto Currency)។ តាមព័ត៌មានពីស្ថានទូតឥណ្ឌូណេស៊ីនៅកម្ពុជាគឺបញ្ជាក់ថា GCG Asia ជាក្រុមហ៊ុនរកស៊ីមិនត្រឹមត្រូវហើយត្រូវបានដាក់ចូលក្នុង Black List"។
សម្តេចនាយករដ្ឋមន្ត្រីក៏បានបដិសេធន៍ព័ត៌មានដែលផ្សាយក្នុងវេបសាយរបស់ក្រុមហ៊ុនខាងលើនេះគឺមិនពិតទេ និងសូមអាជ្ញាធរ និងសមត្ថកិច្ចពាក់ព័ន្ឋទាំងអស់ពិនិត្យតាមដាន និងស្រាវជ្រាវរកមុខជនខិលខូចយកមកផ្តន្ទារទោសតាមច្បាប់ជាធរមានជាបន្ទាន់។ពាក់ព័ន្ធករណីក្រុមហ៊ុន GCG Asia ធនាគារជាតិនៃកម្ពុជា នៅថ្ងៃទី១៧ ខែឧសភា ឆ្នាំ២០១៩នេះ បានចេញសេចក្ដីប្រកាសព័ត៌មាន ដោយបដិសេធទៅលើការផ្សព្វផ្សាយព័ត៌មានមិនពិត របស់ក្រុមហ៊ុន GCG ASIA Co., LTD ដែលក្រុមហ៊ុននេះ ត្រូវបានសមត្ថកិច្ចចុះឆែកឆេរ និងបិទអាជីវកម្មកាលពីព្រឹកថ្ងៃទី១៧ ឧសភា ពាក់ព័ន្ធការយកឈ្មោះ និងរូបសម្ដេចតេជោ ហ៊ុន សែន ទៅបង្ហោះនៅលើគេហទំព័ររបស់ខ្លួនខុសច្បាប់។
នៅក្នុងសេចក្ដីប្រកាសព័ត៌មាន ធនាគារជាតិ បានបញ្ជាក់ថា “ក្រុមហ៊ុនឈ្មោះ GCG ASIA Co., LTD បានផ្សព្វផ្សាយព័ត៌មានមិនពិតអំពីការទទួលបានអាជ្ញាប័ណ្ណប្រកបអាជីវកម្មប្តូរប្រាក់ពីធនាគារជាតិនៃកម្ពុជា និងបានប្រើប្រាស់ឈ្មោះនិងស្លាកសញ្ញាធនាគារជាតិនៃកម្ពុជាលើគេហទំព័ររបស់ខ្លួនក្នុងគោលបំណងទុច្ចរិត។ ធនាគារជាតិនៃកម្ពុជា មិនធ្លាប់បានផ្តល់អាជ្ញាប័ណ្ណធ្វើ ប្រតិបត្តិការប្តូរប្រាក់ ឬអាជ្ញាប័ណ្ណណាមួយដល់ក្រុមហ៊ុន GCG ASIA Co., LTD ទេ។ ធនាគារជាតិ នៃកម្ពុជាសូមបដិសេធព័ត៌មានមិនពិតដែលបានផ្សព្វផ្សាយដោយក្រុមហ៊ុន GCG ASIA Co., LTD។
ករណីយ៍មួយនេះបង្កឲ្យមានចំងល់ព្រោះថាអ្នកនាំពាក្យអគ្គនគរបាលជាតិមិនលើកទូរសព្ទ័ឡើយដែលគេជឿថាវាជារឿងរសើបព្រោះបើគ្មានខ្មោចក្នុងឲ្យដៃខ្មៅចព្រៃក៏មិនហ៊ានធើដែរ?។