វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7344 នាក់
ម្សិលមិញ 8227 នាក់
សរុប 14134225 នាក់
ភ្នំពេញ៖ការឃោសនាបោះឆ្នោតក្រុមប្រឹក្សាអាណត្តិទី៣ ឆ្នាំ២០១៩ដែលមានរយៈពេល៨ថ្ងៃ នឹងចាប់ផ្ដើមពីថ្ងៃទី១៧ឧសភា។នេះបើតាមលោកលោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត។តែសម្រាប់ការឃោសនាលើកនេះ ខុសពីអាណត្តិទី១ និង អាណត្តិទី២ ដែលការឃោសនាបោះឆ្នោតមានរយៈពេល១៥ថ្ងៃ ។
លោកហង្សពុទ្ធាប្រាប់កាសែតថា គណបក្សនយោបាយទាំងអស់ដែលចូលរួមការបោះឆ្នោតនៅថ្ងៃទី២៦ខែឧសភានេះ សុទ្ធតែបានត្រៀមខ្លួនធ្វើការឃោសនានៅទីតាំងរបស់ខ្លួន ដោយបានជូនដំណឹងទៅកាន់គណៈកម្មការរាជធានី ខេត្ត រៀបចំការបោះឆ្នោតរួចហើយ។ ការឃោសនាបោះឆ្នោតអសកលនេះ គឺមានរយៈពេល៨ថ្ងៃដោយរាប់ចាប់ពីថ្ងៃទី១៧ខែឧសភា។
ទោះជាយ៉ាងណា គណបក្សនយោបាយភាគច្រើនដែលចូលរួមការបោះឆ្នោតនេះ រួមទាំងគណបក្សកាន់អំណាចផងមិនធ្វើការហែក្បួនឃោសនាទ្រង់ទ្រាយធំដូចការបោះឆ្នោតដែលមានការចូលរួមផ្ទាល់ពីប្រជាពលរដ្ឋឡើយ។លោក ពេជ្រ ស្រស់ ប្រធានគណបក្សយុវជនកម្ពុជាដែលមានអង្គបោះឆ្នោតតែចំនួន៣នាក់ក៏មិនធ្វើការឃោសនាហែក្បួនឡើយ ខណៈគណបក្សឆន្ទៈខ្មែររបស់កូនប្រុស លោក គង់ គាំ នឹងធ្វើការឃោសនាហែក្បួនខ្នាតតូច ក្រោយពីធ្វើសមាជវិសមញ្ញរួចនៅថ្ងៃអាទិត្យទី១៩ខែឧសភា។លោក សុខ ឥសាន អ្នកនាំពាក្យគណបក្សប្រជាជនកម្ពុជា បានបញ្ជាក់ថា ដោយសារគេដឹងច្បាស់ហើយថា អង្គបោះឆ្នោតគឺជាសមាជិកក្រុមប្រឹក្សាឃុំ សង្កាត់របស់គណបក្សដែលជាប់ឆ្នោត។
គេមិនសង្ឃឹមថាមានគណបក្សផ្សេងដែលគ្មានអង្គបោះឆ្នោតទទួលបានការគាំទ្រក្រៅពីគណបក្សប្រជាជនកម្ពុជារឡើយ។សម្រាប់ការបោះឆ្នោតជ្រើសរើសក្រុមប្រឹក្សារាជធានីខេត្តក្រុងស្រុកខណ្ឌ័អាណត្តិទី៣នេះលោកសមគន្ធាមីប្រធានអង្គការនិចហ្វិកបានផ្តល់យោបល់ប្រាប់កាសែតថាគេគួតែធ្វើការចាត់តាំងតែម្តងទៅដើម្បីកុំឲ្យអស់ថវិកាជាតិព្រោះគេដឹងគ្មានអង្គបោះឆ្នោតណាគេបោះឲ្យគណបក្សផ្សេងនោះឡើយលើកលែងតែរឿងផ្សេង។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣ដែលនឹងធ្វើឡើងនាថ្ងៃទី២៦ឧសភាខាងមុខនេះ គឺមាន២០៣ការិយាល័យប្រោះឆ្នោតសម្រាប់អង្គបោះឆ្នោត១១៥៧២នាក់ដេលភាគច្រើនលើសលុបគណបក្សប្រជាជនកម្ពុជា។គណបក្សនយោបាយដែលចូលរួមចំនួន៧រួមមាន៖ គណបក្សប្រជាជនកម្ពុជា គណបក្សសញ្ជាតិកម្ពុជា ហ្វ៊ុនស៊ិនប៉ិច ខែ្មររួបរួមជាតិ យុវជនកម្ពុជា គណបក្សឆន្ទៈខ្មែរ និង គណបក្សខ្មែរសាធារណៈរដ្ឋ។