វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4987 នាក់
ម្សិលមិញ 4292 នាក់
សរុប 14114686 នាក់
ហ្សឺណែវ៖ ឧត្ដមស្នងការអង្គការសហប្រជាជាតិ (UN) ទទួលបន្ទុកសិទ្ធិមនុស្ស លោក ហ្សេដ រ៉ាអាដ អាល់ ហ៊ូស្សេន (Zeid Ra'ad Al Hussein) បានចាត់ទុក ការសម្រេចចិត្តដកខ្លួនចេញពីក្រុមប្រឹក្សាសិទ្ធិមនុស្ស UN ដោយសហរដ្ឋអាមេរិក គឺជារឿងគួរឱ្យសោកស្ដាយ តែមិនមានអ្វីគួរឱ្យភ្ញាក់ផ្អើលនោះទេ។ លោកស្រី នីកគី ហាឡេយ៍ (Nikki Haley) អគ្គរដ្ឋទូតអាមេរិកប្រចាំ UN នៅថ្ងៃអង្គារសប្ដាហ៍នេះ បាន
ប្រកាសដកសហរដ្ឋអាមេរិក ចេញពីក្រុមប្រឹក្សាសិទ្ធិមនុស្ស UN ដោយចោទថា ស្ថាប័នមួយនេះមានភាពលម្អៀង ពុតត្បត់ និងបម្រើតែផលប្រយោជន៍ខ្លួនឯង ព្រមទាំងអនុវត្តន៍ស្ដង់ដារពីរប្រឆាំងនឹងអ៊ីស្រាអែល។លោកស្រី Nikki Haley បានថ្កោលទោសរុស្ស៊ី ចិន គុយបានិងអេហ្ស៊ីប ដែលរារាំង កិច្ចប្រឹង ប្រែងរបស់អាមេរិក ក្នុងការធ្វើកំណែទម្រង់ក្រុមប្រឹក្សា ហើយលោកស្រី ក៏បានរិះគន់ប្រទេសនានា ដែលចែករំលែ ងគុណ តម្លៃអាមេរិក និងជំរុញទីក្រុងវ៉ាស៊ីនតោន ឲ្យស្ថិតនៅ ប៉ុន្តែគ្មានឆន្ទៈធ្វើការប្រជែងឲ្យខ្លាំងក្លា ចំពោះស្ថានភាព បច្ចុប្បន្ននេះ។
សូមបញ្ជាក់ថា៖ការប្រកានេះទៀតសោត ធ្វើឡើងតែមួយថ្ងៃប៉ុណ្ណោះ បន្ទាប់ពីឧត្ដមស្នងការទទួលបន្ទុកសិទ្ធិមនុស្ស UN លោក ហ្សេដ រ៉ាអាដ អាល់ ហ៊ូស្សេន (Zeid Ra'ad Al Hussein) បានចេញមុខថ្កោលទោល ចំពោះគោលនយោបាយគ្មានត្រាប្រណី លើជនអន្តោប្រវេសន៍ មកពីមិចស៊ីកូរបស់ប្រធានាធិបតីអាមេរិក លោក ដូណាល់ ត្រាំ ដែលបានបំបែកបំបាក់កុមារជាង ២,០០០នាក់ ចេញពីឪពុកម្ដាយរបស់ពួកគេដែលត្រូវបានអាជ្ញាធរអាមេរិកចាប់ឃុំខ្លួនផងដែរ។
ទាក់ទងនិងការដើរចេញនេះទីភ្នាក់ងារសារព័ត៌មានចិន ស៊ីនហួរ នៅព្រឹកថ្ងៃពុធ ទី២០ ខែមិថុនា ឆ្នាំ២០១៨បានដកស្រង់សម្តីលោក Al Hussein មកផ្សាយថា «ផ្អែកលើស្ថានភាពសិទិ្ធមនុស្សនៅលើពិភពលោកសព្វថ្ងៃ សហរដ្ឋអាមេរិកគួរតែបោះជំហានទៅមុខ មិនគួរបោះជំហានថយក្រោយនោះទេ។ ចំណែកឯការសម្រេចចិត្តដកខ្លួន ចេញពីក្រុមប្រឹក្សាសិទ្ធិមនុស្ស UN របស់សហរដ្ឋអាមេរិក ក៏មិនមានអ្វីគួរឱ្យភ្ញាក់ផ្អើលដែរ តែវាគឺជារឿងមួយគួរឱ្យសោកស្ដាយ»។
យោងតាមប្រភពព័ត៌មាន ដែលចេញផ្សាយដោយកាសែត រ៉យទ័រ បានឲ្យដឹងថា ការដកខ្លួនចេញរបស់ទីក្រុងវ៉ាស៊ីនតោននេះ គឺជាការច្រានចោលការចូលរួមពហុភាគីដ៏ថ្មីបំផុតរបស់សហរដ្ឋអាមេរិក បន្ទាប់ពីបានដកខ្លួនចេញ ពីកិច្ចព្រមព្រៀងអាកាស ធាតុក្រុងប៉ារីស និងកិច្ចព្រមព្រៀងនុយក្លេអ៊ែឆ្នាំ២០១៥អ៊ីរ៉ង់៕