រឿងកាសែតបរទេស៥០០នាក់ចូលមើលអង្គរអត់គិតលុយលោកខៀវកាញារិទ្ធសុំទៅសម្តេចតេជោហ៊ុនសែនវិញបន្ទាប់ពីរដ្ឋមន្ត្រីក្រសួងវប្បធមិអត់ហានសម្រេច!
22-January-2026 / ទេសចរណ៏និងវប្បធម៌
ភ្នំពេញ៖រដ្ឋមន្ត្រីក្រសួងព័ត៌មាន លោកខៀវ កញារីទ្ធ បានសម្រេចដាក់លិខិតទៅសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ស្នើសុំអ្នកសារព័ត៌មានចម្រុះជាតិសាសន៍ចំនួន៥០០នាក់ មកពីទូទាំងពិភពលោក ឲ្យបានចូលទស្សនារមណីយដ្ឋានអង្គរ ដោយឥតគិតថ្លៃបន្ទាប់ពីក្រសួងវប្បធម៍មិនហ៊ានសម្រេច។ នេះបើយោងតាមលិខិតរបស់រដ្ឋមន្ត្រីក្រសួងព័ត៌មាន ដែលកាសែតទទួលបាននៅថ្ងៃទី០២ ខែឧសភា ឆ្នាំ២០១៩នេះ។
លោក ខៀវ កញារីទ្ធ បានជម្រាបជូនសម្តេចតេជោនាយករដ្ឋមន្ត្រីថា ក្រសួងព័ត៌មាននឹងរៀបចំសន្និសីទកំពូលសារព័ត៌មានអាស៉ី ឆ្នាំ២០១៩ នៅខេត្តសៀមរាប ចាប់ពីថ្ងៃទី១០-១៥ ខែមិថុនា ឆ្នាំ២០១៩ ខាងមុខនេះ។ក្នុងឱកាសស្នាក់នៅក្នុងខេត្តសៀមរាប ក្រសួងព័ត៌មានសូមសុំការអនុញ្ញាតពីសម្តេច ឲ្យគណៈប្រតិភូអ្នកសារព័ត៌មានអន្តរជាតិចំនួន៥០០នាក់ បានចូលទស្សនាតំបន់រមណីយដ្ឋានអង្គរ ខេត្តសៀមរាប ដោយឥតបង់ថ្លៃ ក្នុងបំណងផ្តល់ការស្វែងយល់អំពីវប្បធម៌ និងអរិយធម៌កម្ពុជា និងផ្សាយតាមប្រព័ន្ធឃោសនារបស់ខ្លួន។ ដំណើរទស្សនកិច្ចនេះគ្រោងធ្វើឡើង នៅថ្ងៃទី១៤ ខែមិថុនា ឆ្នាំ២០១៩។
អ្នកសារព័ត៌មានចម្រុះជាតិសាសន៍ប្រមាណ ៥០០នាក់ មកពីបណ្តាប្រទេសនានាទូទាំងពិភពលោក នឹងចូលរួមសន្និសីទកំពូលសារព័ត៌មានអាស៊ីឆ្នាំ២០១៩ ចាប់ពីថ្ងៃទី១០ ដល់ថ្ងៃទី១៥ ខែមិថុនា ឆ្នាំ២០១៩ ខាងមុខនេះ។ ក្នុងអំឡុងពេលស្នាក់នៅខេត្តសៀមរាប រដ្ឋមន្ត្រីក្រសួងព័ត៌មានលោក ខៀវ កាញារីទ្ធ គ្រោងនាំអ្នកព័ត៌មានបរទេសទាំងនេះ ចូលទៅកម្សាន្តនៅប្រាសាទអង្គរវត្ត ដើម្បីឲ្យពួកគេផ្សព្វផ្សាយពីប្រាសាទអង្គរវត្តទៅកាន់ពិភពលោកនាឱកាសដ៏កម្រមួយនេះ។មកដល់ថ្ងៃទី០២ ខែឧសភា ឆ្នាំ២០១៩ មិនមានការផ្សព្វផ្សាយពីការសម្រេចរបស់សម្តេចតេជោ ហ៊ុន សែន លើលិខិតស្នើសុំរបស់ឯកឧត្តមរដ្ឋមន្ត្រីព័ត៌មាន នៅឡើយទេ។
ការស្នើសូមសម្តេចតេជោ ហ៊ុន សែន ផ្តល់ការអនុញ្ញាតឲ្យគណៈប្រតិភូ អ្នកសារព័ត៌មានអន្តរជាតិ ចំនួនប្រមាណ ៥០០ នាក់ ដែលនឹងអញ្ជើញមកចូលរួមសន្និសីទកំពូលសារព័ត៌មានអាស៊ី ២០១៩ បានចូលទស្សនានៅតំបន់រមណីយដ្ឋានអង្គរ ខេត្តសៀមរាប នៅថ្ងៃទី១៤ ខែមិថុនា ឆ្នាំ២០១៩ ដោយឥតបង់ថ្លៃ ធ្វើឡើងក្រោយពីលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ កាលពីថ្ងៃទី២មេសាបានបដិសេធនឹងការស្នើសុំរបស់ឯកឧត្តម ខៀវ កាញារីទ្ធ ដោយអះអាងថា ក្រសួងវប្បធម៌ និងវិចិត្រសិល្បៈ ពុំមានសមត្ថកិច្ច អនុញ្ញាតជូនគណៈប្រតិភូអ្នកសារព័ត៌មានអន្តរជាតិ ចូលទស្សនាតំបន់រមណីយដ្ឋានអង្គរ ដោយឥតគិតថ្លៃបានឡើយ។
ដោយសារតែសំណើនេះ ត្រូវបានក្រសួងវប្បធម៌ និងវិចិត្រសិល្បៈ បដិសេធ ដោយអះអាងថា មិនមែនជាសមត្ថកិច្ចរបស់ខ្លួន ទើបបានជាក្រសួងព័ត៌មាន មានគម្រោងរៀបចំបង្វែរ ឲ្យអ្នកកាសែតបរទេសទាំងនោះ ទៅទស្សនាសារមន្ទីរមីន របស់ស៊ីម៉ាក នៅខេត្តសៀមរាប ជំនួសវិញ?។
មានការកត់សម្គាល់ថាមូលហេតុដែលលោកជំទាវភឿងសក្កណាបដិសេធសំណើរលោកខៀវកាញារិទ្ធគឺដោយសារពេលដកអាជ្ញាធរអប្សារពីក្រោមការគ្រប់គ្រងរបស់ទីស្តីការគណរដ្ឋមន្ត្រីឲ្យទៅនៅក្រោមការគ្រប់គ្រងរបស់ក្រសួងវប្បធមិនោះគឺឲ្យគ្រប់គ្រងតែបច្ចេកទេសប៉ុណ្ណោះអារឿងលុយកាក់ចំណូលដែលដកពីក្រុមហ៊ុនសូគីម៉ិចមិនបានប្រគល់ឲ្យទៅក្រសួងវប្បធម៍ចាត់ចែងទេគឺឲ្យក្រសួងសេដ្ឋកិច្ចនិងហិរញ្ញវត្ថុដែលមានរដ្ឋមន្ត្រីថ្នាក់ឧបនាយករដ្ឋមន្ត្រីគ្រប់គ្រង។ចឹងបានលោកជំទាវភឿងសក្កណាស្រែកចាចចឹងទៅ!។ព្រោះម្នាក់បើគិតត្រឹម២០ដុល្លារអាមេរិករដ្ឋត្រូវបាត់ចំណូល១ម៉ឺនដុល្លារឯណោះ។
.jpg)
