វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5613 នាក់
ម្សិលមិញ 8227 នាក់
សរុប 14132494 នាក់
ខេត្តកណ្តាល៖ ស្ត្រីក្មេងជាកម្មកររោងចក្រម្នាក់យកដំបងឫស្សី វាយតាចាស់ម្នាក់អាយុ ជិត១០០ឆ្នាំ រងរបួសធ្ងន់កាលពីវេលាម៉ោង១៦និង២០នាទីថ្ងៃទី០៤ ខែមីនា ឆ្នាំ២០១៩ដោយសារខឹងរៀងវ៉ៃឆ្កែរបស់ខ្លួន។
លោកវរសេនីយ៍ សេង សុជាតិ អធិការនគរបាល ស្រុកស្អាងបានឲ្យដឹងថានៅម៉ោងខាងលើនេះ ជនរងគ្រោះ បានដើរកាន់ឈើច្រត តាមផ្លូវលំ កាត់មុខផ្ទះរបស់ជនបង្ក ។ ពេលនោះ ឆ្កែរបស់ស្រីក្មេងនោះ ចំនួន២ក្បាលបានព្រុស ខ្លាំងៗចេញពីក្នុងផ្ទះមកដេញខាំជនរងគ្រោះ ។ ជនរងគ្រោះ បានយកឈើច្រត់របស់ ខ្លួនយារ វាយឆ្កែដើម្បីកុំឲ្យឆ្កែខាំ ក៏ត្រូវម្ចាស់ឆ្កែចោទ ថាគេវ៉ៃឆ្កែរបស់ខ្លួន ក៏យកដំបងឫស្សីមកវាយជនរងគ្រោះបណ្តាលឲ្យ បែកចំពីលើក្បាល និងមានស្នាមមុតដៃចេញឈាមទៀតផង ។
ជនបង្កមាន ឈ្មោះម៉ូវ ង៉ិចហៀក ភេទស្រី អាយុ២៨ឆ្នាំ ជនជាតិខ្មែរ មុខរបរកម្មការិនី មានទីលំនៅភូមិ ស្វាយតានី ឃុំព្រែកគយ ស្រុកស្អាង ខេត្តកណ្តាល ។ជនរងគ្រោះ ឈ្មោះ លីវ ឈៀង ភេទប្រុស អាយុ៩៤ ឆ្នាំជនជាតិខ្មែរ ចាស់ជរា មានទីលំនៅភូមិ-ឃុំកើតហេតុ (របួស ក្បាល និងដៃឆ្វេង) ។ក្រោយពីប្តឹងផ្តល់គ្នាហើយនគរបាលបញ្ជូនដល់តុលាការកាលពីថ្ងៃទី៥ ខែមីនា ឆ្នាំ២០១៩ លោក ងួន វុទ្ធី ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកា ឃុំខ្លួន ដាក់ពន្ធនាគារបណ្តោះ អាសន្នពីបទ “ហិង្សាដោយចេតនា (ស្ថានទម្ងន់ទោស) ដែលប្រព្រឹត្តនៅភូមិស្វាយតានី ឃុំព្រែកគយ ស្រុកស្អាង ខេត្តកណ្តាល កាលពី ថ្ងៃទី៤ ខែមីនា ឆ្នាំ២០១៩ វេលាម៉ោង១៦និង២០នាទី តាមមាត្រា២១៨ នៃក្រមព្រហ្មទណ្ឌ ។
\