វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2954 នាក់
ម្សិលមិញ 5544 នាក់
សរុប 13944051 នាក់
វៀតណាម៖យន្តហោះពិសេស( Air Force One) បាននាំប្រធានាធិបតីអាមេរិក លោក ដូណាល់ ត្រាំ ចេញពីអាកាសយានដ្ឋានអន្តរជាតិ ណយបៃ (Noi Bai) ក្នុងទីក្រុងហាណូយ នៃប្រទេសវៀតណាមហើយ នៅវេលាម៉ោង ៤៖០០នាទីរសៀលថ្ងៃព្រហស្បតិ៍នេះនៅតែក៏លោក គីម ជុងអ៊ុន វិញមិនទាន់ចេញទៅប្រទេសកំណើតវិញទេតែ នៅបំពេញទស្សនកិច្ចផ្លូវរដ្ឋនៅវៀតណាមសិន ។
នេះបើតាមការដកស្រង់ការផ្សាយចេញពីសារព័ត៌មានវៀតណាម VNExpress នៅរសៀលថ្ងៃព្រហស្បតិ៍ ទី២៨ ខែកុម្ភៈ ឆ្នាំ២០១៩។លោកប្រធានាធិបតីសហរដ្ឋអាមេរិក Donald Trump និងមេដឹកនាំកូរ៉េខាងជើង Kim Jung Un បានជួបគ្នាក្នុងជំនួបលើកទី ២ ក្នុងថ្ងៃពុធនេះ នៅទីក្រុងហាណូយ ប្រទេសវៀតណាម។
ទូរទស្សន៍ CNN បានផ្សព្វផ្សាយព័ត៌មាន ថា លោកប្រធានាធិបតី ត្រាំ បានថ្លែងថា លោកមិនបានប្តេជ្ញា ក្នុងកិច្ចប្រជុំកំពូលលើកទី៣ រវាងរូបលោក និងមេដឹកនាំកូរ៉េខាងជើង លោក គីម ជុងអ៊ុន នៅពេលដែលធ្វើសន្និសីទសារព័ត៌មាន នៅក្នុងទីក្រុងហាណូយ ។“យើងនឹងគិតថា ថាតើ វាកើតឡើង ឬយ៉ាងណា វានឹងកើតឡើង” ។តែបើតាមលោកត្រាំទទួលបានការធានា ប្តេជ្ញាចិត្តបន្តពីលោក គីម នៅក្នុងអំឡុងពេល អាហារពេលកាលពីល្ងាចថ្ងៃពុធ ដើម្បីបញ្ឈប់ការសាកល្បងមីស៊ីល និងនុយក្លេអ៊ែរ ។លោក ត្រាំ បានថ្លែងថា “គាត់នឹងមិនធ្វើតេស្តរ៉ុក្កែត និងនុយក្លេអ៊ែរនោះទេ។ “ខ្ញុំទុកចិត្តគាត់ ហើយខ្ញុំថាតាមគាត់ ខ្ញុំសង្ឃឹមថា វាជាការពិត” ។
នៅអំឡុងសន្និសីទសារព័ត៌មានខ្លីមួយ មុននឹងចូលរួមជំនួបជាមួយលោក ត្រាំ នៅព្រឹកថ្ងៃព្រហស្បតិ៍នេះ និងជាការឆ្លើយតបទៅនឹងអ្នកសារព័ត៌មានម្នាក់ដែលបានសួរថា តើលោកមានបំណងរំសាយអាវុធនុយក្លេអ៊ែរទាំងស្រុងដែរ ឬទេ? លោក គីម បានបញ្ជាក់នាឱកាសនោះយ៉ាងដូច្នេះថា «បើខ្ញុំមិនចង់រំសាយអាវុធនុយក្លេអ៊ែរ ខ្ញុំមិនបាច់មកកាន់ទីនេះទេ»។
លោកម៉ៃប៉ូមពីអូ( Mike Pompeo) រដ្ឋមន្ត្រីក្រសួងការបរទេសសហរដ្ឋអាមេរិក បានប្រាប់កាសែតថា៖សម្រាប់ការចរចារលោក ត្រាំ បានថ្លែងថា លោក គីម បានសន្យាថា លោកនឹងមិនធ្វើការសាកល្បងនុយក្លេអ៊ែរ ឬរ៉ុក្កែតនាពេលអនាគតនោះទេ ។
លោក ត្រាំ បានលើកឡើងអំពីមេដឹកនាំកូរ៉េខាងជើងថា “គាត់មានចក្ខុវិស័យជាក់លាក់ ហើយវាមិនមែនជាចក្ខុវិស័យរបស់យើងទេ ប៉ុន្តែវាកាន់តែជិតស្និទ្ធជាងកាលពីមួយឆ្នាំមុន ហើយខ្ញុំគិតថា នៅទីបំផុត យើងនឹងទៅដល់ទីនោះ” ។ “សម្រាប់ដំណើរទស្សនកិច្ចពិសេសនេះ យើងបានសម្រេចចិត្តថា យើងត្រូវដើរ” លោក ត្រាំ បានទទួលស្គាល់ថា មានគម្លាតរវាងភាគីទាំងពីរ ហើយបានថ្លែងថា លោក គីម មានឆន្ទៈក្នុងការដកអាវុធនុយក្លេអ៊ែរផ្នែកមួយចំនួននៃប្រទេសរបស់លោកដែល “មិនសំខាន់ជាងអ្វីដែលយើងចង់បាន”។លោក Pompeo បានបន្តទៀតថា ការចរចារនេះនឹងត្រូវការពេលវេលា ។
លោកបានថ្លែងថា “ជាទូទៅ ពួកគេចង់បានការដាក់ទណ្ឌកម្មទាំងស្រុង ហើយយើងមិនអាចធ្វើបានទេ ។លោក ត្រាំ បានបន្ថែមថា “យើងមិនបោះបង់អ្វីទេ” គាត់បានថ្លែងថា គាត់ទន្ទឹងរង់ចាំកិច្ចចរចានាពេលអនាគតជាមួយកូរ៉េខាងជើង ។ ពួកគេមានសក្ដានុពលយ៉ាងច្រើនមិនគួរឱ្យជឿ ។
ទោះបីជាមិនមានសេចក្តីប្រកាសពតិមានរួមឬកុងត្រាណាមួយជាមួយលោកគីមជុងអ៊ុនតែសម្រាប់អាមេរិកទទួលបានកុងត្រាជំនួញដធំមួយជាមួយរដ្ឋាភិបាលម្ចាស់ផ្ទះ។ប្រធានាធិបតីអាមេរិក ដូណាលត្រាំ និង ប្រធានាធិបតីវៀតណាម ង្វៀន ភូត្រុង អបអរសាទរការចុះហត្ថលេខារវាងអគ្គនាយក Boing Kevin MCAllister ជាមួយ អគ្គនាយិកាក្រុមហ៊ុន Vietjet ង្វៀនធីភឿងថាវ នៅក្នុងវិមានប្រធានាធិបតី កាលពីថ្ងៃពុធ ទី ២៧ កុម្ភៈ ២០១៩ កន្លងទៅនេះ នៅក្នុងក្រុងហាណូយ ប្រទេសសវៀតណាម ។
ក្រុមហ៊ុន Vietjet ដែលល្បីល្បាញដោយមាននារីបំរើស្អាតៗពាក់ប៊ីគីនី បំរើលើយន្តហោះនោះ បានបញ្ញាទិញយន្តហោះប៊ូអ៊ីង Boeing 737 ចំនួន ១០០ គ្រឿងក្នុងតម្លៃ ១២ ៧០០ លានដុល្លារអាមេរិក ។ ក្រុមហ៊ុនយន្តហោះឯកជនវៀតណាមមួយទៀត គឺក្រុមហ៊ុន Bamboo ក៏បានបញ្ជាទិញយន្តហោះ Boeing 787 ចំនួន ១០ គ្រឿងផងដែរ ។ គេបានអោយដឹងថា នៅក្នុងជំនួបរវាងលោកត្រាំ និង លោកត្រុង កាលពីថ្ងៃពុធកន្លងទៅនេះ ទំហំពាណិជ្ជកម្មដែលប្រទេសវៀតណាមបានទទួលទិញពីអាមេរិកមានចំនួនទាំងអស់ជាង ២១ ០០០ លានដុល្លារ ។កិច្ចសន្យានេះបានកើតឡើងក្រោយពីក្រុមហ៊ុនអាកាសចរវៀតណាមទទួលបានការទទួលស្គាលថាជាក្រុមហ៊ុនមានស្តង់ដារអន្តរជាតិពីអាមេរិក។