វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2890 នាក់
ម្សិលមិញ 6501 នាក់
សរុប 13951445 នាក់
ហ្វីលីពីន ៖ យោធាហ្វីលីពីនបានធ្វើការវាយប្រហារតាមផ្លូវអាកាស ប្រឆាំងនឹងក្រុមភេរវករនៅក្នុងតំបន់ដែលជាប់សង្ស័យថា ជាអ្នកនៅពីក្រោយការវាយប្រហារបំផ្ទុះគ្រាប់បែកសម្លាប់មនុស្ស នៅឯវិហារគ្រឹស្តមួយកន្លែងក្នុងកោះមិនដាណាវ ភាគខាងត្បូងប្រទេសហ្វីលីពីន។
នេះបើតាមលោក ដែលហ្វី ឡូរែនហ្សាណា (Delfin Lorenzana) រដ្ឋមន្ត្រីការពារជាហ្វីលីពីនបានប្រាប់កាសែតនៅថ្ងៃទី៣១មករាឆ្នាំ២០១៩។ «យោធាហ្វីលីពីនបានបើកការវាយប្រហារតាមផ្លូវអាកាស ប្រឆាំងនឹងក្រុមសកម្មប្រយុទ្ធ អាប៊ូ សាយយ៉ាហ្វ (Abu Sayyaf) នៅក្នុងទីក្រុង Jolo ខេត្ត Sulu កាលពីថ្ងៃអង្គារ»តាមការបញ្ជាដោយផ្ទាល់ពីលោកប្រធានាធិបតី រ៉ូឌ្រីហ្គោ ឌូតឺតេ ដែលបានសន្យាថា នឹងតាមកម្ចាត់ពួកភេរវករទាំងអស់នៅក្នុងប្រទេស។
សូមបញ្ជាក់ថា កាលពីថ្ងៃអាទិត្យសប្ដាហ៍មុនមាន ២១នាក់ ត្រូវបានសម្លាប់ និងរាប់រយនាក់រងរបួសនៅក្នុងការវាយប្រហារបំផ្ទុះគ្រាប់បែកចំនួន ០២លើកទៅលើវិហារគ្រឹស្ដមួយក្នុងទីក្រុង Jolo ខេត្ត Suluភាគិខាងត្បូងប្រទេស។ ដោយឡែកកាលពីថ្ងៃពុធម្សិលមិញ មនុស្ស ០២នាក់បានស្លាប់ និង០៤នាក់ផ្សេងទៀតក៏បានរងរបួសផងដែរ នៅពេលដែលគ្រាប់បែកដៃមួយបានផ្ទុះ នៅក្នុងវិហារអ៊ីស្លាមនៃទីក្រុង ហ្សាំបូអាងហ្គា (Zamboanga) នៃកោះមិនដាណាវ៕