វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1404 នាក់
ម្សិលមិញ 6359 នាក់
សរុប 14088037 នាក់
ខេត្តព្រះសីហនុ៖ ទំនិញខ្ទឹមសស្រស់នាំចូលពីស្រុកចិន ដែលមានផ្ទុកសារធាតុគីមីប្រភេទថ្នាំពុលកសិកម្ម Disulfoton សម្រាប់ការពារសត្វល្អិតបំផ្លាញដំណាំ និងគ្រាប់ធញ្ញជាតិទម្ងន់ជាង២៥តោន ត្រូវបានអគ្គនាយកដ្ឋានកាំកុងត្រូល នៃក្រសួងពាណិជ្ជកម្ម ធ្វើការដុតកំទេចចោល កាលពីព្រឹកថ្ងៃព្រហស្បតិ៍ ទី៣១ ខែមករា ឆ្នាំ២០១៩ នៅទីលានចាក់សំរាមខេត្តព្រះសីហនុ ស្ថិតក្នុងភូមិអូរកំបុត ឃុំអូរឧកញ៉ាហេង ស្រុកព្រៃនប់ ។
លោកប៉ានសូរស័ក្តិរដ្ឋមន្ត្រីក្រសួងពាណិជ្ជកម្មដែលអញ្ជើញចូលរួមបានកោតសរសើរមន្ត្រីសាខាកាំកុងត្រូលខេត្តព្រះសីហនុ ដែលបានដកហូតខ្ទឹមស ដ៏មានគ្រោះថ្នាក់ទាំងអស់ មកកំទេចចោលទាន់ពេលវេលាព្រោះទំនិញនេះអាចបង្កផលប៉ះពាល់ដល់ប្រព័ន្ធសរសៃប្រសាទ ដូចជាធ្វើឱ្យអ្នកបរិភោគក្អួត រាគ ញ័រ ប្រកាច់ ប្រស្រីភ្នែករួមតូច និងពិបាកដកដង្ហើម ហើយអាចបណ្តាលឱ្យស្លាប់បានក្នុងករណីធ្ងន់ធ្ងរ។
លោករដ្ឋមន្ត្រី ពាណិជ្ជកម្ម បានប្រាប់ថា សកម្មភាពដុតកំទេចទំនិញថ្ងៃនេះ គឺដើម្បីឆ្លើយតបនឹងកង្វល់ របស់ប្រជាពលរដ្ឋ និងអនុសាសន៍ណែនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានគូសបញ្ជាក់ថា «បញ្ហាសុវត្ថិភាព ចំណីអាហារនៅក្នុងប្រទេសកម្ពុជា គឺជាអតុល្យភាពទី១ ក្នុងចំណោមចំណុចអវិជ្ជមាន ឬអតុល្យភាពទាំង១២ ដែលត្រូវធ្វើការដោះស្រាយ»។
កាលពីឆ្នាំ២០១៨ មន្ត្រីជំនាញ នៃអគ្គនាយកដ្ឋានកាំកុងត្រូល បានរកឃើញ និងដកហូតទំនិញខូចគុណភាព និងម្ហូបអាហារពុំមានសុវត្ថិភាព ទម្ងន់សរុបចំនួន ៦៦តោន (បន្លែ ផ្លែឈើ គ្រឿងកំប៉ុង គ្រឿងសមុទ្រ និងសាច់ស្រស់មានផ្ទុកសារធាតុគីមីហាមឃាត់ ឬសំណល់ថ្នាំកសិកម្ម) យកទៅដុតកំទេចចោល នៅក្នុងនោះទំនិញទម្ងន់ ៥,៣តោន ត្រូវបានរឹបអូសពីមាត់ច្រកព្រំដែន និងនៅតាមទីផ្សារ នៃខេត្តព្រះសីហនុ។គេមិនដឹងថាតើការដុតកំទេចទំនិញប៉ះពាល់សុខភាពដែលចាប់បាននៅច្រកទ្វារព្រុំដែនជាការបង្ហាញស្នាដៃចុងក្រោយរបស់កាំកុងត្រូលដែលត្រូវបានរាជរដ្ឋាភិបាលដកចេញពីច្រកព្រំដែនឬយ៉ាងណានោះទេព្រោះកន្លងមកកាំកុងត្រូលលោកម៉ក់ពេជ្ជរិទ្ធដូចជាងាបន់ត្រកៀកពេកអារឿងចាប់បង្ក្រាបចឹងនោះ!។
លោកប៉ានសូរស័ក្តិបញ្ជាក់បន្ថែមថាដើម្បីឆ្លើយតបបានទាន់ពេលវេលានូវទំនិញផ្ទុកសារធាតុគីមីឬខូចគុណភាពនៅតាមទីផ្សារក្រសួងពាណិជ្ជកម្មតាមរយៈអគ្គនាយកដ្ឋានកាំកុងត្រូល បានដាក់ឱ្យប្រើប្រាស់រថយន្តមន្ទីរពិសោធន៍ចល័តចំនួន ៣គ្រឿង ក្នុងនោះ ២គ្រឿង សម្រាប់ត្រួតពិនិត្យ និងវិភាគផលិតផលម្ហូបអាហារ និង ១គ្រឿងទៀត សម្រាប់ត្រួតពិនិត្យគុណភាព និងបរិមាណប្រេង នៅតាមស្ថានីយប្រេងឥន្ធនៈទូទាំងប្រទេស។
បើចឹងមែននោះការងារក្នុងប្រទេសបាននិងកំពុងចាំមើលស្នាដៃអនុត្តច្បាប់ស្តីពីសុវត្ថិភាពចំណីអាហារបន្តរបស់លោកកាំកុងត្រូលហើយ!៕