វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5264 នាក់
ម្សិលមិញ 6001 នាក់
សរុប 13878094 នាក់
ឥណ្ឌា៖តារាចម្រៀងស្រីកញ្ញាខេមរៈ ស្រីពៅដែលជា ប្អូនស្រីបង្កើតរបស់តារាចម្រៀងលោកខេមរៈ សិរីមន្ត បានទទួលមរណភាពហើយ នៅថ្ងៃរសៀលថ្ងៃទី២៥មរាឆ្នាំ២០១៩នេះ នៅប្រទេសឥណ្ឌាកន្លែងដែលនាងសម្រាកព្យាបាលសុខភាព ។
លោកហេង ឡុង ស្វាមី អ្នកនាង ចន ចន្ទ័លក្ខណាប្រធានសមាគមសិល្បៈករខ្មែរ បានសសេរសារ បង្ហោះនៅលើបណ្តាញ សង្គមហ្វេសប៊ុកថា ៖ សូមចូលរួមរំលែកទុក្ខតារាចម្រៀងខេមរ: ស្រីពៅ ដែលត្រូវជាប្អូនស្រីបង្កើតរបស់តារាចម្រៀងខេមរៈ សេរីមន្ត បានលាចាកលោកនេះហើយ នៅថ្ងៃរសៀលនេះវេលាម៉ោង១នៅប្រទេសឥណ្ឌា សូមបងប្អូនទាំងអស់គ្នាជួយចែករំលែកជូនសាធារណៈជនឲ្យបានជ្រាបផង។
នៅក្នុងបណ្ដាញសង្គមហ្វេសប៊ុកផ្លូវការ របស់តារាចម្រៀង ខេមរៈ សិរីមន្ត បានសរសេរប្រយោគខ្លី ប៉ុន្តែបង្កប់ដោយអត្ថន័យក្ដុកក្ដួលយ៉ាងជ្រាលជ្រៅ ចេញពីក្រអៅបេះដូងថា «អូនស្រីដ៏កំសត់របស់បង ប្អូនបានទៅដល់សុគតិភពហើយ! ទទួលមរណភាពម៉ោង១រសៀល នៅប្រទេសឥណ្ឌា។ តាំងពីឈឺរហូតទទួលមរណភាព មានរយ:ពេល៤ឆ្នាំហើយ..»!
ឯលោក ខេមរៈ ភារុណ ជាបងប្រុសបង្កើតម្នាក់ទៀតរបស់នាង ក៏បានប្រកាសដំណឹងដ៏សោកសៅនេះផងដែរថា «ស្រណោះប្អូនពៅបងសែនល្អណាស់ ក្នុងលោកនេះ» និងពាក្យថា «ប្អូនស្រីពៅលាយើងទាំងអស់គ្នាហើយ»។
គួររំលឹកថា ចាប់តាំងពីដើមឆ្នាំ២០១៦តារាចម្រៀងខេមរៈ ស្រីពៅ បាត់មុខពីឆាកសិល្បៈក្រោយមកក៏ លេចឮថា ដោយសារជំងឺសើស្បែកកម្រឹតធ្ងន់ ។តែលោកសិរីមន្តជាបងប្រាប់ថា នាងគ្រាន់តែឈឺក្រពះ និងបំពង់កប៉ុណ្ណោះ ហើយថានាងបន្តស្នាក់នៅប្រទេសថៃ ។
ប៉ុន្តែថ្មីៗនេះ មានព័ត៌មានធ្លាយចេញថាស្រីពៅ បានមកស្រុកខ្មែរយូរហើយពេលនេះនាងរស់នៅផ្ទះរបស់លោកសិរីមន្តនៅសង្កាត់ភ្នំពេញថ្មី ។ឥឡូវពតិមានឲ្យដឹងថានាងបានចូលមរណៈភាពឯប្រទេសឥណ្ឌាទៅវិញដែលមានពតិមានខ្លះនិយាយថានាងមានបញ្ញាក្រលៀនទៅព្យាបាលនៅទីនោះ២ខែមកហើយ។ សូមចូលរួមមរណៈទុក្ខគ្រួសារសពផង។