ប្រធានមន្ទីរឧស្សាហាកម្មនិងសិប្បកម្មខេត្តកោះកុងត្រូវមន្រ្តីក្រោមឱវាទប្តឹងទៅលោករដ្ឋមន្រ្តីជុំវិញភាពមិនប្រក្រតី

កោះកុងៈលោក ខ្លឹម គរគី ប្រធានមន្ទីរឧស្សាហកម្មនិងសប្បកម្មខេត្តកោះកុង ត្រូវបានមន្រ្តីក្រោមឱវាទនិងមន្រ្តីចូលនិវត្តន៍ចំនួន18គ្រួសារ ប្តឹងទៅឯ.ឧ ចម ប្រសិទ្ធ ទេសរដ្ឋមន្រ្តីនិងជារដ្ឋមន្រ្តីក្រសួងឧស្សាកម្មនិងសិប្បកម្ម ជុំវិញភាពមិនប្រក្រតីក្រោមការដឹកនាំរបស់គាត់ដែលធ្វើឲ្យមានការបែកបាក់ផ្ទៃក្នុងយ៉ាងធ្ងន់ធ្ងរ បង្កើតបក្ខពួកនិយម អំពើ ពុករលួយនិងការគំរាមកំហែង ជាពិសេសរឿងរកដំណោះស្រាយដីធ្លីជូនមន្រ្តីពលរដ្ឋចំនួន18គ្រួសារដែលរស់នៅជាក់ស្តែងជាយូរឆ្នាំមកហើយលើដីរបស់មន្ទីរ ត្រូវជាប់គាំងដោយសារតែលោកប្រធានមន្ទីររារាំងនិងពង្រីកចំនួនបន្ថែមស្ទើរតែទ្វេរដង។

ប្រភពបានបញ្ជាក់ថា ចំនួនមន្រ្តីរាជការនិងមន្រ្តីចូលនិវត្តន៍ដែលរស់នៅជាក់ស្តែងលើដីរបស់មន្ទីរចាប់តាំងពីឆ្នាំ1991រហូតមកដល់សព្វថ្ងៃមានតែ18គ្រួសារប៉ុណ្ពោះ ប៉ុន្តែពេលមានគោលការណ៍ពីរាជរដ្ឋាភិបាលឲ្យធ្វើការដោះស្រាយបែងចែកជូន បែរជាលោកប្រធានមន្ទីរចេះតែបង្កើតតួលេខបន្ថែមរួចធ្វើរបាយការណ៍ភូតកុហក់ទៅ
ថ្នាក់លើបន្ថែមចំនួនរហូតដល់32គ្រួសារ ដើម្បីទទួលបានចំណែកផ្ទាល់ខ្លួននិងបក្ខពួក។
ចំណែកមន្រ្តីរាជការដែលរងនូវការគំរាមកំហែងនិងគាបសង្កត់វិញ បានត្រឹមតែអោបដៃអង្គុយមើលធ្ចើភ្នែកភ្លឹសៗមិនហ៊ានបញ្ចេញវាចារ្យតវ៉ារកខុសត្រូវទេ ព្រោះខ្លាចអំណាចលោក ខ្លឹម គរគី ជាក់ស្តែងដូចជា ករណី លោក អាន និមល ជាដើម ដែលរូបគាត់ហ៊ានចេញមុខធ្វើការតវ៉ារកយុត្តិធម៌នៅក្នុងមន្ទីរនិងជូនពលរដ្ឋ18គ្រួសារ តែទីបំផុតត្រូវបានលោកប្រធានមន្ទីររាយការណ៍ដកចេញពីតំណែងទៅបញ្ឈរជើងនៅឯក្រសួង។
ប្រភពខាងលើក៏បានឲ្យដឹងបន្ថែមផងដែរថា រឿងដែលលោប្រធានមន្ទីរជិះសេះលែងដៃរួចធ្វើអ្វីៗតាមទំនើងចិត្តនេះ ទំនងជាគាត់អាងខ្នងអ្នកធំនៅពីក្រោយ ប៉ុន្តែពេលនេះទង្វើររបស់គាត់បានបែកធ្លាយដឹងដល់លោករដ្ខមន្រ្តីហើយ រួចខ្នងអ្នកធំដែលតែងតែនៅពីក្រោយគាត់ក៏បានដកខ្លួនចេញដែរ។
តាមរយៈការលើកឡើងពីភាពមិនប្រក្រតីនេះ មន្រ្តីរាជការជាច្រើននៅមន្ទីរឧស្សាហកម្មនិងសិប្បកម្មខេត្តកោះកុង ក៏បានសំណូមពរ ទៅដល់លោករដ្ឋមន្រ្តីចម ប្រសិទ្ធ មេត្តាចាត់តាំងក្រុមអធិការកិច្ចក្រសួង ចុះមកធ្ចើអធិការកិច្ចដើម្បីស្វែងរកកាពិតផងដែរ ។