» បើ​អគ្គស្នងការ​នគរបាល​ជាតិ រដ្ឋមន្ត្រី​ក្រសួងមហាផ្ទៃ មិន​ចាត់វិធានការ​បង្ក្រាប​ប​ន​ល្បែង ស៊ីសង​ខុសច្បាប់ ភ្នាល់​ជល់​មាន់នៅ ក្រោយ​ផ្ទះសំណាក់ ភូមិ​យើង នៅ​អ​ន្ង​ង់​ជ្រៃ ស្រុក​ពញាក្រែក ខេត្ត​ត្បូងឃ្មុំ ទេ គ្មាន​សមត្ថកិច្ច​ឬ​អាជ្ញាធរ​ដែនដី ណា​ម្នាក់​ហ៊ាន​ក្អក​ទេ​! » ក្រសួងពាណិជ្ជកម្ម​ប្រតិកម្ម​រឿង​សហគមន៍​អឺរ៉ុប​យកពន្ធ​ចូល​អង្ករ​ » ព្រះរាជ​ស្វា​ម៉ី​ម្ចាស់​ក្ស​ត្រី​យា​នី​ប្រទេស​អង់គ្លេស​បើកឡាន​ខ្លួនឯង ជួប​គ្រោះថ្នាក់​ចរាចរណ៍ » អាទិត្យក្រោយដូរធាតុអាកាសធ្លាក់ខ្យល់រងារ » បញ្ជីរ​ឈ្មោះ​មេ​គយ​តាម​ប៉ុស្តិ​មួយៗ​ក្រោយពី​រដ្ឋមន្ត្រី​សម្រេច​ដូរ​ » ដូរ​លោក​ឧត​ត្ត​ម​សេណីយ៍​ស៊ឹម​សំអាត​ចេញ​ដាក់​សក្តិ​៥​ខឹម ចិ​ត្រា​ជា​មេ​នគរបាល​អន្តោរ​ប្រវេសន៍​ច្រក​ប៉ោយប៉ែត​វិញ​! » រកឃើញ​ឃាតករ សម្លាប់​ស្ត្រី​ប្លន់​នៅ​ស្រុក​កណ្ដាលស្ទឹង​ហើយ​មូលហេតុ​គឺ​មកពី​ជំពាក់​លុយ​ធនាគារ​អត់លុយ​សង​ » ចៅហ្វាយខេត្ត​កំពង់ចាម​ទៅ​សម្ពោធ​សមិទ្ធិផល​នៅ​សៀមរាប​ » អ្នកណា​ចេញ​អាជ្ញា​ប​ណ្ណ័​ឲ្យ​ម្សៀ​ហូ​ជី​វ៉ៃ​និង​ណាក់​ក្បាល​នាំចេញ​ឈើប្រណិត​ទៅ​ស្រុក​យួន​?​ចៅហ្វាយខេត្ត​ថង​សាវុន​? » រូប​ពីរ​សន្លឹក​របស់​តារា​ថ្មី​ធ្វើ​ឲ្យ​មាន​កំហឹង​និង​រំភើពអារម្មណ៍​! » តើ​លោក ម៉ៅ ធនិន ចៅហ្វាយខេត្ត​ពោធិ៍សាត់ មាន​ឡាន​ដឹកឈើ​៥​គ្រឿង​ប្រភេទ​វ៉េ​អង់​បំរើ​ឲ្យ​សកម្មភាព​បំផ្លាញ​ព្រៃឈើ​របស់​ឧកញ៉ា​តាំង​អ៊ាង​?! » លោក​រ៉ុង​ឈុន​នាំគ្នា​ទៅប្តឹង​រដ្ឋមន្ត្រីក្រសួង​អប់រំ​នៅ​តុលាការ​រឿង​ដេញ​ចេញពី​ក្របខ​ណ្ឌ័​គ្រូ​ » អង្គការសហប្រជាជាតិ​ព្រមាន​អំពី​កង្វះ​ថវិការ​ចំណាយ​សម្រាប់​ក​ង​រក្សា​សន្តិភាព​ » អតីតរដ្ឋមន្ត្រី​ការពារជាតិ​សម័យ​សាធារណរដ្ឋ​ម​ប្រជាមានិត​កម្ពុជា​ស្លាប់​ត្រឹម​ផ្កាយ​បី​! » ស៊ីន​ឧ​ត្ត​ម​ផល្លារ​ឡង់សេ​មេម៉ាយ​ម៉ៅ​ស៊ី​ណាត​ពេល​កាសែត​ថា​ខ្ទេច​មុខ​ព្រោះ​កែ​សម្ផស្ស​ន​ឌឺ​ម៉ូ​ក្លែ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1848 នាក់

ម្សិលមិញ 4061 នាក់

សរុប 1060703 នាក់

ជំនួប​លើក​ទី​៣​ឆ្នាំ​២០១៩​សម្តេច​តេ​ជោ ហ៊ុន សែន​ផ្តល់​អនុសាសន៍អនុវត្តន៍​ចំនួន​៨​ចំណុច​ដល់​អ្នកសារព័ត៌មាន​ជាតិ​!


ភ្នំពេញ​៖ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ផ្តល់​កិត្តិ​យ​ជួប​សំណេះសំណាល​និង​ពិសា​របាយ​សាមគ្គី​ជា​លើក​ទី​៣​ជាមួយ​អ្នកព័ត៌មាន ៤,៥០០​នាក់ មកពី​ស្ថាប័ន​ផ្សេងៗ​ក្នុងនោះមានថ្នាក់ដឹកនាំ និង​មន្ត្រី​ក្រសួង​ព័ត៌មាន ស្ថានីយ​វិទ្យុ​និង​ទូរទស្សន៍​, សារព័ត៌មាន​បោះពុម្ពផ្សាយ​, ក្រុម​សារព័ត៌មាន​តាម​បណ្តាញ​សង្គម Facebook, គេហទំព័រ និង TV Online, អ្នកនាំពាក្យ​ក្រសួង​-​ស្ថាប័ន​, អ្នកនាំពាក្យ​រាជធានី​-​ខេត្ត និង​មន្ទីរ​ព័ត៌មាន​រាជធានី​-​ខេត្ត នៅ​មជ្ឈមណ្ឌល​កោះ​ពេជ្រ​នា​ល្ងាច​ថ្ងៃ​សុក្រ ៦​កើត ខែបុស្ស ព​.​ស ២៥៦២ ត្រូវ​នឹង​ថ្ងៃទី​១១ ខែមករា ឆ្នាំ​២០១៩ ។a da hun4 

សម្តេច​តេ​ជោ​នាយ​រក​ដ្ឋ​មន្ត្រី បានប្រកាស​ឲ្យ​អ្នកសារព័ត៌មាន និង​ប្រជាពលរដ្ឋ​បានដឹងថា សម្តេច​តេ​ជោ​បានសម្រេច​បញ្ចប់​រឿងរ៉ាវ​មួយ​ដ៏​សំខាន់​ជាមួយ​រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ គឺ​ចាប់ពីពេលនេះ​តទៅ​នៅតាម​ច្រកព្រំដែន​ទាំងអស់ គឺ​មិន​ឲ្យ​មាន​ផ្នែក​ណា​ផ្សេង​ក្រៅតែពី “​នគរបាល​អន្តោប្រវេសន៍ និង​គយ “ តែប៉ុណ្ណោះ​។ ភ្នាក់ងារ​ដទៃៗ​ទៀត រួមទាំង​កាំកុងត្រូល គឺ​ត្រូវ​ដកចេញ​អោយអស់​។ ទន្ទឹមនឹងនោះ ក៏ត្រូវ​បញ្ចុះតម្លៃ​ស្កែ​ន (Scan) ទំនិញ​ផងដែរ ដើម្បីអោយ​អ្នករកស៊ី​ទទួលបាន​ផលចំណេញ​កាន់តែច្រើន​។
​សម្តេច​តេ​ជោ​នាយករដ្ឋមន្ត្រី បានបញ្ជាក់​ច្បាស់​ថា​ការអនុវត្ត​បែបនេះ គឺ​ដើម្បី​ចូលរួមចំណែក​ក្នុងការ​លុបបំបាត់​ភាព​អសកម្ម​ផ្សេងៗ និង​អំពើរ​ពុករលួយ​ជាដើម និង​ម្យ៉ាងវិញទៀត​គឺ​បាន​បង្កលក្ខណៈ​កាន់តែ​ងាយស្រួល​ដល់​ពាណិជ្ជករ និង​បងប្អូន​ប្រជាពលរដ្ឋ​ក្នុងការ​ប្រកប​អាជីវកម្ម​ផងដែរ​។ ទន្ទឹម​និង​នេះ គឺ​នឹង​ជួយ​អោយ​សេដ្ឋកិច្ចជាតិ​មាន​ដង្ហើមរស់​បាន​ដោយ​ស្រួល​ទៀតផង​។a da hun8

​សម្រាប់​អ្នក​សារ​ពត៍​មាន សម្តេច​តេ​ជោ ហ៊ុន សែន បាន​ផ្តល់ជាអនុសាសន៍ចំនួន៨ចំណុចសម្រាប់ជាការអនុវត្ត​រួមាន​:
១) ស្ថាប័ន​ព័ត៌មាន​ទាំង​រដ្ឋ និង​ឯកជន​ទាំងអស់ ត្រូវ​ដើរតួនាទី​ជា​ស្ថាប័ន​ព័ត៌មាន​ពិត គឺជា​កញ្ចក់​ឆ្លុះបញ្ចាំង​ពី​សង្គមជាតិ​ពិតប្រាកដ​។ សូមកុំ​ឲ្យ​កញ្ចក់​នោះ​ជា​កញ្ចក់​ដែល​បែក​ធ្លុះ​ផ្សាយ​ព័ត៌មាន​មិន​ពិត​ពី​សង្គម​។​

២) ស្ថាប័ន​ព័ត៌មាន​រដ្ឋ និង​ឯកជន​ទាំងអស់ ត្រូវ​ផ្សព្វផ្សាយ​ព័ត៌មាន​ពិត​ដោយមាន​ការពន្យល់​ច្បាស់លាស់​ទៅ​ប្រជាពលរដ្ឋ​អោយបាន​យល់​ជ្រួតជ្រាប​អំពី​ទិសដៅ​និង​គោលនយោបាយ​របស់​រាជ​រដ្ឋាភិបាល ហើយ​នាំយក​នូវ​អ្វីដែល​ជាការ​ពិត​ពី​ប្រជាពលរដ្ឋ​មកកាន់​រដ្ឋាភិបាល​វិញ គឺ​ទាំង​ក្នុង​កម្រិត​តាក់តែង និង​កម្រិត​អនុវត្តន៍​អោយមាន​ប្រ​សិ​ទ្ឋ​ភាព​។​
៣)​ស្នើអោយ​សារព័ត៌មាន​ត្រូវ​ចេះ​ចូលរួម​ជួយ​រិះគន់​ដើម្បី​ស្ថាបនា​រាល់​កំហុសឆ្គង និង​ផែន​ការដែល​បានដាក់​ចេញ នៃ​ក្រសួង​ស្ថាប័ន​នានា ដើម្បី​ធ្វើការ​កែលំអរ ហើ​ក៏​មិនមែន​រិះគន់​ដើម្បី​តែ​ជាន់ពន្លិច​នោះទេ​។

៤) សំណូមពរ​ឲ្យ​អ្នកសារព័ត៌មាន​ចូលរួម​សិក្សា​វិភា​គជា​លក្ខណៈ​អន្តរជាតិ ដើម្បី​បានដឹង​អំពីរ​រឿងរ៉ាវ​ទាំងឡាយ​ដែល​កើតមានឡើង​នៅលើ​ពិភពលោក ហើយក៏​ចង់​ឲ្យ​អ្នកសារព័ត៌មាន​ក្លាយទៅជា​អ្នកវិភាគ​ផងដែរ​ចំពោះ​ព្រឹត្តិការណ៍​ក្រៅប្រទេស ពីព្រោះ​កន្លងមក​មាន​បរទេស​គេ​វិភាគ និង​ផ្សាយ​ពី​កម្ពុជា ដូច្នេះ​យើង​ត្រូវ​ចេះ​សិក្សា​បកស្រាយ និង​វិភាគ​ពី​គេ​វិញ​ផងដែរ​។​
៥)​សំណូមពរ​ការផ្សព្វផ្សាយ​ព័ត៌មាន​ទាំងអស់​ឲ្យ​បាន​ត្រឹមត្រូវ មាន​ក្រមសីលធម៌​វី​ជ្ជា​ជីវៈ ពិសេស សម្តេច​តេ​ជោ​បាន​សំណូមពរ ដល់​អ្នក​ប្រ​ប្រាស់​បណ្តាញ​សង្គម ហ្វេ​ស​បុគ (Facebook) សូមកុំ​ឲ្យ​មានការ​ជេរប្រមាថ ហែកកេរ្តិ៍​ខ្មាស់​គ្នា ដែល​នាំ​ឲ្យ​មានរឿង​ប្តឹងផ្តល់ និង​ឡើង​តុលាការ​ជាដើម​។ សូម​រក្សា​តំលៃ​របស់ខ្លួន ពិសេស​អ្នកសារព័ត៌មាន​ត្រូវធ្វើ​ព័ត៌មាន​ដែល​ច្បា​ស់ពិត កុំ​ស្មានៗ ហើយក៏​មិនត្រូវ​ដើរតួ​ជា​តុលាការ​កាត់ក្តី​ឡើយ​។

៦) ត្រូវ​ចូលរួម​លុបបំបាត់​អ្នក​សា​រព​ទ័​មាន​ជម្រិត​ទារប្រាក់ គឺ​កុំ​ធ្វើជា​អ្នកសារព័ត៌មាន​សម្រាប់​តែ​ជម្រិត​ទា​លុយ​ពី​គេ ឬ​មាន​លក្ខណៈ​ជា​ក្រុម​ព័ត៌មាន “​ម៉ាហ្វីយ៉ា​”​។​
៧) កុំ​ផលិត និង​ជួយ​ទប់ស្កាត់​ព័ត៌មាន​ក្លែងក្លាយ ដែល​មិនបាន​ផ្តល់​ប្រយោជន៍​ដល់​សង្គម​។ ម្យ៉ាងវិញទៀត​ដើម្បី​ប្រយុទ្ធ​ប្រឆាំងនឹង​ព័ត៌មាន​ក្លែងក្លាយ គឺ​អ្នកសារព័ត៌មាន​ត្រូវ​បញ្ចេញ​ព័ត៌មាន​ពិតប្រាកដ​ចេញមក​បកស្រាយ ដើម្បី​លុបបំបាត់​នូវ​ព័ត៌មាន​ក្លែងក្លាយ​ទាំងនោះ​។​

៨) ត្រូវខិតខំ​លើកកម្ពស់​សមត្ថ​ភា​ពបុ​គ្គ​លិកសារ​ព័ត៌មាន និង​ធ្វើការ​បណ្តុះ​បណ្តា​ធនធានមនុស្ស និង​អភិវឌ្ឍ​ប្រព័ន្ធ​ផ្សព្វផ្សាយ ។ ជាពិសេស ត្រូវ​ទំនាក់ទំនង​ជាមួយ​បណ្តា​សមាគម ស្ថាប​ន័​ជំនាញ សកលវិទ្យា​ល័យ និង​ក្រសួង​ព័ត៌មាន​ជាដើម ដើម្បី​ទទួលបាន​នូវ​ការបណ្តុះបណ្តាល​នូវ​ជំនាញ​សារព័ត៌មាន​បន្ថែមទៀត​។ ម្យ៉ាងទៀត គឺ​ត្រូវ​ទាក់ទង​អ្នក​ដែលមាន​ជំនាញ​ច្បាស់លាស់ ដើម្បី​បង្កើន​គុណភាព​ការងារ និង​ការផលិត​ឲ្យ​មាន​ភាព​កាន់តែ​ល្អប្រសើរ​។​
 

សម្តេច​តេ​ជោ ហ៊ុន សែន ក៏បាន​គាំទ្រ​និង​ជំរុញអោយមាន​ការរៀប​ចំ​យុ​ទ្ឋ​នា​ការប្រកួតប្រជែង អំពី “​ការផលិត​ព័ត៌មាន​ពិត ហើយ​លឿន បើ​អាចធ្វើ​ច្រើន​ភាសា គឺ​រិត​តែ​ល្អ​”​។ សម្តេច​តេ​ជោ ក៏បាន​គាំទ្រ និង​ជំរុញអោយមាន​ប្រ​ព័​ន្ឋ​ផ្សេ​ព្វ​ផ្សាយ​អន​ឡាញ (online)​អោយបាន​ច្រើន ព្រោះ​សព្វថ្ងៃនេះ​អ្នកតាមដាន​ព័ត៌មាន​មិនសូវ​រង់ចាំ​មើល​តាម​ទូរ​ទស្ស​ទេ​។​
​នៅថ្ងៃនេះ សម្តេច​តេ​ជោ បានបញ្ជាក់​ជូន​អ្នកសារព័ត៌មាន​ទាំងអស់​ថា សម្តេច​នឹង​នៅ​បន្ត​ដឹកនាំ​ប្រទេស​យ៉ាងហោចណាស់​ដល់​ឆ្នាំ ២០២៨ ដែល​សម្តេច​គ្រោង​នឹង​ជួប​បងប្អូន​អ្នកសារព័ត៌មាន​ចំនួន ៩​ដង​ទៀត​។a da hun6 a da hun1 a da hun5 a da hun7 a da hun9