វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2269 នាក់
ម្សិលមិញ 6359 នាក់
សរុប 14088902 នាក់
ខេត្តព្រះសីហនុ ៖គេនៅចាំបានថាកាលពីថ្ងៃទី២០ ខែមករា ឆ្នាំ២០១៧កន្លងទៅនេះកម្លាំងគយចល័តខេត្តព្រះសីហនុបានចាប់ទំនិញនាំចូលជាទូរស័ព្ទម៉ាកអាយផូន(iPhone)ដែលឈ្មួញបំណងគេចមិនបង់ពន្ធចំនួន១៣កេស ដឹកចូលពីប្រទេសថៃនៅចំណុចក្នុងផែគមនាគមន៍ហៅផែឡើងទំនិញទំនប់រលកស្ថិតក្នុងភូមិ៣សង្កាត់លេខ១ក្រុងព្រះសីហនុនៅ ។
ការបង្ក្រាបទំនិញទូរសព្ទលោតឆត្រ័នេះគឺកើតឡើងតែ១១ថ្ងៃក្រោយពីលោកទុំ ណូ អតីតប្រធាន សាខាគយខេត្តប៉ៃលិនដែលធ្លាប់សាងកំហុសយ៉ាងច្រើនសន្ធឹកសន្ធាប់ ក្នុងការធ្វើឲ្យបាត់ចំណូលពន្ធកាលនៅប៉ៃលិនត្រូវបានលោក នួន ច័ន្ទរិទ្ធ អគ្គនាយករង នៃអគ្គនាយដ្ឋាន គយនិងរដ្ឋាករ កម្ពុជា តំណាងឲ្យ លោក គុណ ញឹមប្រកាសឲ្យ ចូលកាន់តំណែងជាមេគយខេត្តព្រះសីហនុ។
នៅក្នុងតួនាទីជាមេសាខាខេត្តព្រះសីហនុដែលមានសេចក្តីរាយការណ៍លោកទុំណូចាយសេវាយ៉ាងច្រើនដើម្បីទទួលបាននោះក្រៅពីពិនិត្យមើលចំណូលពន្ធក្នុងខេត្តត្រូវលោកទុំណូត្រូវមើលការខុសត្រូវគយគយកំពង់ផែទំនប់រលកស្ទឹងហាវនិងគយកំពង់ផែកែវផុសនិងក្រុមគយចលត័ដែលគេដឹងថាជាកន្លែងឈ្មួញគ្រាក់ៗនាំចេញនិងចូលទំនិញគេចពន្ធឬបង់ពន្ធមិនគ្រប់។ចឹងអ្វីៗបើគ្មានការឯកភាពពីលោកទុំណូទេមិនអាចធ្វើបានឡើយ។
លោក ណុប សំអាន ប្រធានការិយាគយ និងរដ្ឋាករ ទំបនប់រលក ត្រូវបានគេរាយការណ៍ថាធ្វើការរបៀបកន្ទេលធំបន្លំដេក ឬជាមន្ត្រីគ្រាប់ល្ពៅ ដែលសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មិនចូលចិត្ត មិនទទួលយកបាន..។
មន្ត្រីគយតូចតាចបានឲ្យដឹងថា លោក ណុប សំអាន បានឲ្យមន្ត្រីរបស់គាត់យកលុយពីឈ្មួញជាច្រើនដំណាក់កាល ស្របពេលរាល់ទំនិញដឹកតាមទូកចូលមកកំពង់ផែទំនប់រលក ភាគច្រើនគេចពន្ធ ។កូនចៅលោកណុបអានបានប្រើវិធីរកលុយដោយការគាបឈ្មួញ ទី១-យកលុយពីម្ចាស់ទំនិញនៅលើទូកដែលដឹកពីប្រទេសថៃ ២-យកលុយពីម្ចាស់ទទួលចាំទិញទំនិញលើកពីទូក ៣-យកលុយពីក្រុមហ៊ុនដឹកជញ្ជូនខាងលើឲ្យបង់ជាក្បាលរថយន្ត ក្នុង មួយរថយន្តពី៣០០ដល់៥០០ដុល្លារ និងដល់១ឡាន៦០០ដុល្លារក៏មាន ។ លើកលែងតែខាងរថយន្តដឹកស្ករសដែលយកតម្លៃទាប ខណៈឈ្មួញបង់ ពន្ធគ្រប់ចំនួន គឺយក១ឡាន៣០ដុល្លារ ។នេះបើតាមអាជីវករម្ចាស់ទំនីញនិយាយ។
គយចលត័នៅទីនោះក៏មិនណយដែរ។ក្រៅពីឲ្យឈ្មួញបង់ប្រាក់ក្នុងមួយរថយន្ត១៥០ដុល្លារ សម្រាប់ កញ្ចប់រួមគយចល័ត និង១០០ដុល្លារបន្ថែមទៀតសម្រាប់បុគ្គលលោក កែវ អង្កាមមន្ត្រីគយចលត័នៅគោះផ្សេងទៀត។ឧទ្ទាហ៍ដូចជាទំនិញស្ករសជាដើម…ទោះជា មានពន្ធនាំចូលក៏ដោយ ក៏លោក កែវ អង្កាម បង្ខំបញ្ជា ជំរិត តម្រូវឲ្យបង់ពន្ធ ក្នុងមួយរថយន្តចំនួន៣០ដុល្លារ សម្រាប់កញ្ចប់រួមគយចល័ត និង២០ដុល្លារបន្ថែមទៀត សម្រាប់បុគ្គលខ្លួនគាត់ ហើយក៏ចាត់ទុកថាប្រាក់ទាំងនេះ ត្រូវចាត់ចែងឲ្យលោកបណ្ឌិត គុណ ញឹម និង ភរិយា ដែរ?។
ឈ្មួញធំៗទាំងនោះមានដូចជា៖ ១-ឈ្មោះ គា ធី ។២-យា វី ។៣-ចែ រ៉ា។ ៤-ណុប ។៥-កូ ៦-សុខុម ៧-ហួត និង មានឈ្មួញផ្សេងទៀតដែលស្គាល់មិនអស់ ។ ឈ្មួញទាំងអស់សុទ្ធតែមានរថយន្តប្រភេទយីឌុបដឹកជញ្ជូនទំនិញ ក្នុងមួយក្រុមហ៊ុនៗ យ៉ាងតិចមួយយប់មាន២ទៅ៥រថយន្ត ឬ២០-៣០គ្រឿង ក្នុងឈ្មួញនីមួយៗ ។ ដូច្នេះទំហំ់នៃចំណូលកើតឡើង ដោយអំពើពុករលួយ ក្រោមការគ្រប់គ្រងពីលោក ណុប សំអាន ប្រធានការិយាល័យគយ និងរដ្ឋាករទំនប់រលក និង លោក កែវ អង្កាម ក្រុមគយចល័តទទួលបានកញ្ចប់ថវិកាខ្មៅ ក្នុងមួយខែរាប់ម៉ឺន រាប់សែនដុល្លារ។
មន្ត្រីស្ថាប័នពាក់ព័ន្ធដែលឈរជើងនៅក្រុងព្រះសីហនុដែរនោះបានបង្ហើបឲ្យដឹងថា គេសង្កេតឃើញ ទំនិញគេចពន្ធរបស់ឈ្មួញធំៗ នៅតែបន្តហូរចូល យ៉ាងគគ្រឹកគគ្រេងដូចមុនដដែល ទោះបីជាប្រមុខរដ្ឋាភិបាលសប្បាយចិត្តនិងកំណើនចំណូលពន្ធក៏ដោយ។។
ក្រៅពីសេចក្តីរាយការណ៍អំពីរកម្មភាពឃុបឃឹតរវាងគយគយកំពង់ផែទំនប់រលកគយច្រកកំពង់ផែកែវផុសក្រោមការគ្រប់គ្រងបញ្ជាររបស់លោក ហេង ស៊ុងហៃក៏មិនណយប៉ុន្មានដែរ។ប្រភពពីសមត្តកិច្ចផ្សេងនៅកំពង់ផែកែវផុសរបស់ឧកញ៉ាម៉ុង បានបង្ហើបថា ក្រោមការដឹកនាំ របស់លោក ហេង ស៊ុងហៃ ប្រធានការិយាល័យគយ នឹងរដ្ឋាករ ច្រកកំពង់ ផែកែវផុស របស់លោកឧកញ៉ា ម៉ុង ឬទ្ធី ថ្មីៗនេះ គេសង្កេតឃើញ ភាពមិនប្រក្រតីជាច្រើន បាននឹងកំពុងកើតមាន នៅកំពង់ផែនេះ។ លោក ហេង ស៊ុងហៃ កំពុងតែជិះសេះ ប្រលែងដៃ ក្នុងការប្រមូលព័ន្ធគយ នឹងមានការបើកដៃ ឲ្យមន្ត្រីក្រោមឱវាទរបស់ខ្លួន ប្រព្រឹត្តអំពើពុករលួយ ឃុបឃិតជាមួយឈ្មួញ នាំចូលទំនិញគេចពន្ធ ទំនិញបង់ពន្ធមិនគ្រប់ នឹងទំនិញខុសច្បាប់ ពីប្រទេសថៃជាច្រើន ដោយពុំមានការត្រួតពិនិត្យ ឲ្យបានត្រឹមត្រូវនោះទេ? ។
បើតាមប្រភពខាងលើ បានឲ្យដឹងថា ពាក់ព័ន្ធទំនិញនាំចូល ពីប្រទេសថៃ ចូលមកកម្ពុជា តាមច្រកកំពង់ផែ ម៉ុង ឬទ្ធី កែវផុស គេពុំសូវដែលឃើញ លោក សេង ស៊ុងហៃ ប្រធានការិយាល័យគយ នឹងរដ្ឋាករ ផែកែវផុស ដឹកនាំមន្ត្រីក្រោមឱវាទរបស់ខ្លួន ចុះត្រួតពិនិត្យ ទំនិញ ទៅតាមជំនាញគយសោះ គឺមេគយរូបនេះ អង្គុយចាំតែស៊ីញ៉េ រាល់ឯកសារទាក់ទង ការនាំទំនិញចូល តែប៉ុណ្ណោះ? មានន័យថាចាំរាប់ក្បាលឡានតែប៉ុណ្ណោះ។នេះបើតាមប្រជាពលរដ្ឋ រស់នៅក្បែលៗ ច្រកកែវផុសបាននិយាយ។
គួររំលឹកថា ក្នុងអំឡុងពេលដែល លោក ទុំ ណូ កាន់តំណែងជា ប្រធានសាខាគយ ខេត្តប៉ៃលិន ក្រុមឈ្មួញ មានឱកាសពេញលេញក្នុងការ ដឹកជញ្ជូន ទំនិញគេចពន្ធ ឆ្លងកាត់ខេត្តប៉ៃលិន ដោយរលូន។ លោក ទុំ ណូ ក្នុងនាមជាប្រធានសាខាគយ ខេត្តប៉ៃលិន បានចាត់តាំងឲ្យមន្ត្រីស្និទ្ធក្រោមឱវាទ ប្រមូលលុយពីឈ្មួញ ដោយមិនខ្វល់ ពីការកែទម្រង់ អ្វីនោះឡើយ។ ដោយសារតែភ្លើងខៀវរបស់ លោក ទុំ ណូ ទំនិញនាំចូលត្រូវបង់ពន្ធខ្ពស់ បង់ពន្ធជាប្រភេទទំនិញចម្រុះ និងគ្រឿងបន្លាស់ ហើយបង់ត្រឹមតែ ៣០ទៅ៤០ ភាគរយដែលនាំឲ្យរដ្ឋត្រូវខាតបង់ ចំណូលពន្ធ រាប់សិបម៉ឺនដុល្លារ ក្នុងមួយខែៗ តែប្រាក់ទាំងនោះបានធ្លាក់ចូល ដៃមនុស្សដែលលោកទុំណូចាត់តាំង ។
ដោយឡែកសម្រាប់បុគ្គលទុំណូនេះគេសង្ស័យនឹងឆ្ងល់ផងដែលថា៖ឈ្មោះ ទំ ណូ ប្រហែលជាឈ្មោះគយណាមួយ កាលពីមុន ហើយត្រូវបានលោក ទំ ណូ បច្ចុប្បន្នទិញឈ្មោះនេះមក។ ពីព្រោះ បងប្អូនលោក ទំ ណូមាន ៣នាក់គឺជាមន្ត្រីគយទាំងអស់ តែមានត្រកូលខុសគ្នាទាំងអស់។ ទី១.ឈ្មោះ យឹម ណាវី ជាមន្ត្រីគយ នៅច្រកគីឡូ១៣ ស្រុកសំពៅលូន ទី២.លោក ទំ ណូ ប្រធាសាខាគយនឹងរដ្ឋាករ ខេត្តព្រះសីហនុ នាពេលបច្ចុប្បន្ន ទី៣.ឈ្មោះ លឹម សម្បត្តិ ។គេហទំព័រមាតុភូមិរងចាំទទួលការបកស្រាយចំពោះពតិមាននេះ!!